കുഞ്ഞു പ്രതിഭകൾക്കായി മിമിക്രി മത്സരമൊരുക്കി എൻസിഡിസി; സെപ്റ്റംബർ 26 ന് രാവിലെ 11 മണിക്ക് സൂം മീറ്റില്‍ മത്സരം നടത്തുന്നു

ദേശീയ ശിശു ക്ഷേമ സംഘടനയായ നാഷണൽ ചൈൽഡ് ഡെവലപ്പ്മെന്റ് കൗൺസിലിന്റെ റൈസിംഗ് ക്വീൻ സർക്കിളാണ് അഭിനയ, അനുകരണ കലകളിലേക്ക് ചുവട് വെക്കുന്ന കുരുന്ന് പ്രതിഭകൾക്കായി മിമിക്രി, മോണോആക്ട് മത്സരം സംഘടിപ്പിക്കുന്നത്‌ .

"മിമിക്സ് പരേഡ് ജൂനിയർ "എന്ന ഈ പരിപാടിയിൽ 7 വയസ്സിനും 14 വയസ്സിനും ഇടയിൽ പ്രായമുള്ള കുട്ടികൾക്കാണ് മത്സരത്തിൽ പങ്കെടുക്കാൻ അവസരം ലഭിക്കുക. കുട്ടികളുടെ കഴിവ് തെളിയിക്കുന്ന ഈ മത്സരം കുട്ടികൾക്ക് പുതിയൊരു അനുഭവവും ആസ്വാദനവും ആകുമെന്ന് സംഘാടകർ പ്രതീക്ഷിക്കുന്നു.

കോവിഡ് ഭീതിയിൽ വീട്ടിൽ ഒതുങ്ങി പോകുന്ന കുരുന്നുകൾക്ക് കാഴ്ചയുടെ നിറവിസ്മയമൊരുക്കാനാണ് തീരുമാനം. സെപ്റ്റംബർ 26 ന് ഞായറാഴ്ച രാവിലെ 11 മണിക്ക് സൂം മീറ്റിലാണ് പരിപാടി നടക്കുക.

താല്പര്യം ഉള്ളവർ +91 81368 00993 ഈ നമ്പറിൽ ബന്ധപ്പെടാം. കുട്ടികളുടെ വിദ്യാഭ്യാസത്തിന്റെ ഗുണനിലവാരം മെച്ചപ്പെടുത്താനും, കുട്ടികളുടെ അവകാശങ്ങൾ സംരക്ഷിക്കാനും പ്രവർത്തിക്കുന്ന ഈ സംഘടന ഇടവേളകളിൽ കുട്ടികളുടെ കലാപരിപാടികളും നടത്താറുണ്ട്. കൂടുതൽ വിവരങ്ങൾക്ക് :7356609053 വെബ്സൈറ്റ് : https://ncdconline.org/