റാണി ജോസ് ളാലം ബ്ലോക്ക് പഞ്ചായത്ത് പ്രസിഡന്‍റ്

പാലാ: ളാലം ബ്ലോക്ക് പഞ്ചായത്ത് പ്രസിഡണ്ടായി റാണി ജോസ് (കേരള കോൺഗ്രസ് (എം) തെരഞ്ഞെടുക്കപ്പെട്ടു എൽ.ഡി.എഫ് ധാരണ പ്രകാരം മുന്‍ പ്രസിഡന്‍റ് റൂബി ജോസ് രാജിവച്ചതിനെ തുടർന്നാണ് തെരഞ്ഞെടുപ്പു നടന്നത്. 13 അംഗ പഞ്ചായത്തു കമ്മിറ്റിയിൽ ഒറ്റയ്ക്ക് ഭൂരിപക്ഷമുണ്ട്. എൽ.ഡി.എഫിന് 8 അംഗങ്ങളും യു.ഡി.എഫിന് 5 അംഗങ്ങളുമാണുള്ളത്.

രണ്ട് തവണ കരൂർ ഗ്രാമപഞ്ചായത്ത് പ്രസിഡന്‍റും രണ്ടു തവണ ബ്ലോക്ക് പഞ്ചായത്ത് അംഗവുമായിരുന്നു റാണി ജോസ്. കേരള വനിതാ കോൺഗ്രസ് പാലാ നിയോജക മണ്ഡലം പ്രസിഡന്‍റുകൂടിയാണ്.

പ്രസിഡന്‍റായി തെരഞ്ഞെടുക്കപ്പെട്ട റാണി ജോസിനെ കേരള കോൺഗ്രസ് (എം) ചെയർമാൻ ജോസ് കെ. മാണി എംപി, തോമസ് ചാഴികാടൻ എംപി, ജില്ലാ പഞ്ചായത്ത് പ്രസിഡന്‍റ് നിർമ്മല ജിമ്മി എന്നിവർ അഭിനന്ദിച്ചു. വനിതാ കോൺഗ്രസ് നിയോജക മണ്ഡലം കമ്മിറ്റിയും അനുമോദിച്ചു. യോഗത്തില്‍ പെണ്ണമ്മ ജോസഫ് അദ്ധ്യക്ഷത വഹിച്ചു. ലീന സണ്ണി, ബെറ്റി ഷാജു, റൂബി ജോസ്, ബിജി ജോജോ എന്നിവർ പ്രസംഗിച്ചു.