ചെന്നൈ: കശുവണ്ടി ഫാക്ടറി ജീവനക്കാരന് കൊല്ലപ്പെട്ട കേസില് ഡി.എം.കെ. എം.പി. ടി.ആര്.വി.എസ്. രമേഷ് കോടതിയില് കീഴടങ്ങി. കടലൂരിലെ എംപിയാണ് ഇദ്ദേഹം. രമേഷിന്റെ ഉടമസ്ഥതയിലുള്ള കടലൂരിലെ കശുവണ്ടി ഫാക്ടറിയിലെ തൊഴിലാളി ഗോവിന്ദരാജ് (55) കഴിഞ്ഞമാസം 20-നാണ് മരിച്ചത്.
മോഷണക്കുറ്റം ആരോപിച്ച് രമേഷും സംഘവും മര്ദിച്ചതാണ് മരണകാരണമെന്ന് ഗോവിന്ദരാജിന്റെ ബന്ധുക്കള് പരാതി നല്കിയിരുന്നു. രമേഷിന്റെ കൂട്ടാളികളെ കഴിഞ്ഞദിവസം അറസ്റ്റ് ചെയ്തിരുന്നു. തൊഴിലാളിയുടെ മരണത്തിന് പിന്നാലെ ചില രാഷ്ട്രീയ പാര്ട്ടികള് ഡി.എം.കെക്കെതിരേ വ്യാജ ആരോപണങ്ങള് ഉന്നയിക്കുകയാണെന്ന് എം.പി. കോടതിയില് പറഞ്ഞു.