“ആ​ർ​ക്കാ​ണ് അ​ധി​കാ​രം എ​ന്നാ​ണു രാ​ഷ്ട്രീ​യം തീ​രു​മാ​നി​ക്കു​ന്ന​ത്, അ​ല്ലാ​തെ സ​ത്യം ആ​രു​ടെ പ​ക്ഷ​ത്താ​ണെ​ന്ന​ല്ല, നു​ണ​ക​ളെ സ​ത്യ​മാ​ക്കാ​ൻ രൂ​പ​ക​ൽ​പ്പന ചെ​യ്തി​ട്ടു​ള്ള​താ​ണു രാ​ഷ്ട്രീ​യഭാ​ഷ​; ഏ​താ​നും വ​ർ​ഷം മുമ്പു വ​രെ കോ​ണ്‍ഗ്ര​സി​നോ എ​ൻ​സി​പി​ക്കോ ആ​ലോ​ചി​ക്കാ​നാ​കാ​ത്ത കാ​ര്യ​മാ​യി​രു​ന്നു ശി​വ​സേ​ന​യു​മാ​യു​ള്ള കി​ട​ക്കപ​ങ്കി​ട​ൽ; കൊ​ടു​ത്ത​തു കൊ​ല്ല​ത്തും കി​ട്ടു​ന്ന നി​ല​യാ​ണി​പ്പോ​ൾ കോ​ണ്‍ഗ്ര​സി​ന്‍റേ​ത്; ജോര്‍ജ്ജ് കള്ളിവയലില്‍ എഴുതുന്നു

ഡൽഹിഡയറി/ ജോ​ർ​ജ് ക​ള്ളി​വ​യ​ലി​ൽ

“ആ​ർ​ക്കാ​ണ് അ​ധി​കാ​രം എ​ന്നാ​ണു രാ​ഷ്ട്രീ​യം തീ​രു​മാ​നി​ക്കു​ന്ന​ത്, അ​ല്ലാ​തെ സ​ത്യം ആ​രു​ടെ പ​ക്ഷ​ത്താ​ണെ​ന്ന​ല്ല.’’- ന്യൂ​യോ​ർ​ക്ക് ടൈം​സി​ലെ കോ​ള​മി​സ്റ്റും പ്ര​മു​ഖ സാ​ന്പ​ത്തി​ക ശാ​സ്ത്ര​ജ്ഞ​നു​മാ​യ പോ​ൾ ക്രു​ഗ്‌​മാ​ൻ എ​ഴു​തി​യ​താ​ണി​ത്. നു​ണ​ക​ളെ സ​ത്യ​മാ​ക്കാ​ൻ രൂ​പ​ക​ൽ​പ്പന ചെ​യ്തി​ട്ടു​ള്ള​താ​ണു രാ​ഷ്ട്രീ​യഭാ​ഷ​യെ​ന്ന് പ്ര​ശ​സ്ത ആം​ഗ​ലേ​യ സാ​ഹി​ത്യ​കാ​ര​നും സാ​മൂ​ഹി​ക​വി​മ​ർ​ശ​ക​നു​മാ​യ ജോ​ർ​ജ് ഓ​ർ​വെ​ലും പ​റ​ഞ്ഞി​ട്ടു​ണ്ട്.

മ​ഹാ​നാ​ട​കം തു​ട​രു​ന്ന മ​​​​ഹാ​​​​രാ​​​ഷ്‌​​​ട്രയി​ലെ രാ​ഷ്‌ട്രീ​യം രാ​ജ്യം പ​ല​ത​വ​ണ ക​ണ്ട അ​വ​സ​ര​വാ​ദ, അ​ധി​കാ​ര, കു​തി​ര​ക്ക​ച്ച​വ​ട രാ​ഷ്‌ട്രീ​യ​ത്തി​ന്‍റെ ആ​വ​ർ​ത്ത​ന​മാ​ണ്. ചെ​റി​യ വ്യ​ത്യാ​സ​ങ്ങ​ളും വ്യ​ത്യ​സ്ത ന്യാ​യ​ങ്ങ​ളു​മു​ണ്ടാ​കും. പ​ക്ഷേ ജ​നാ​ധി​പ​ത്യ​ത്തി​ന്‍റെ അ​ടി​സ്ഥാ​ന​മൂ​ല്യ​ങ്ങ​ളെ കാ​റ്റി​ൽ പ​റ​ത്തി​യു​ള്ള നാ​ണം​കെ​ട്ട അ​ധി​കാ​ര രാ​ഷ്‌ട്രീ​യ​ക്ക​ളി​ക​ളാ​ണു ന​ട​ന്ന​തും ന​ട​ക്കു​ന്ന​തും.

പൊ​ലി​ഞ്ഞ​തു വി​ചി​ത്ര​സ​ഖ്യം

മ​​​​ഹാ​​​​രാ​​​ഷ്‌​​​ട്രയി​ലെ ഏ​ക​നാ​ഥ് ഷി​ൻ​ഡെ-ദേ​വേ​ന്ദ്ര ഫ​ഡ്നാ​വി​സ് സ​ർ​ക്കാ​ർ തി​ങ്ക​ളാ​ഴ്ച വി​ശ്വാ​സ വോ​ട്ടു തേ​ടു​ക​യാ​ണ്. നാ​ളെ​യും മ​റ്റ​ന്നാ​ളു​മാ​യി ചേ​രു​ന്ന നി​യ​മ​സ​ഭ​യു​ടെ പ്ര​ത്യേ​ക സ​മ്മേ​ള​ന​ത്തി​ൽ ബി​ജെ​പി- ശി​വ​സേ​ന (ഷി​ൻ​ഡെ പ​ക്ഷം) സ​ർ​ക്കാ​ർ ജ​യി​ക്കു​മെ​ന്ന​തി​ൽ പ്ര​തി​പ​ക്ഷ​ത്തി​നും സം​ശ​യ​മി​ല്ല. ഇ​ന്നു പ​ത്രി​ക ന​ൽ​കു​ന്ന പു​തി​യ സ്പീ​ക്ക​റു​ടെ തെ​ര​ഞ്ഞെ​ടു​പ്പി​ലാ​കും അ​ടു​ത്ത ക​ളി​ക​ളു​ടെ തു​രു​പ്പു​ചീ​ട്ട്. സ​ഹ​പ്ര​വ​ർ​ത്ത​ക​രി​ൽനി​ന്നുപോ​ലും അ​ക​ന്ന ഉ​ദ്ധ​വ് താ​ക്ക​റെ​യു​ടെ അ​നി​വാ​ര്യ​ പ​ത​ന​ത്തി​നു മ​റ്റാ​രെ​യും പ​ഴി​ക്കാ​നാ​കി​ല്ല.

ര​ണ്ട​ര​വ​ർ​ഷം മു​ന്പു ന​ട​ന്ന അ​ധി​കാ​ര വ​ടം​വ​ലി​യി​ൽ ആ​ദ്യം ക​സേ​ര പി​ടി​ച്ച ബി​ജെ​പി​യും ഫ​ഡ്നാ​വി​സും ആ​ണു വീ​ണ​ത്. ഇ​പ്പോ​ഴ​തു നേ​രേ തി​രി​ഞ്ഞു. ഫ​ഡ്നാ​വി​സും ബി​ജെ​പി​ക്കാ​രും പു​തി​യ മു​ഖ്യ​മ​ന്ത്രി ഷി​ൻ​ഡെ​യും ഇ​പ്പോ​ൾ ഉൗ​റി​ച്ചി​രി​ക്കു​ക​യാ​ണ്. ഏ​ച്ചു​കെ​ട്ടു മു​ന്ന​ണി​യു​ണ്ടാ​ക്കി ഭ​രി​ച്ച ശി​വ​സേ​ന, എ​ൻ​സി​പി, കോ​ണ്‍ഗ്ര​സ് പാ​ർ​ട്ടി​ക​ൾ​ക്ക് അ​തേ നാ​ണ​യ​ത്തി​ൽ തി​രി​ച്ചു​കി​ട്ടി. ഇ​പ്പോ​ഴ​ത്തെ വീ​ഴ്ച​യു​ടെ ആ​ഘാ​തം ചി​ന്തി​ക്കാ​വു​ന്ന​തി​ലും വ​ലു​താ​യേ​ക്കും.

ബി​ജെ​പി​യു​ടെ അ​വ​സ​ര​വാ​ദ, അ​ധി​കാ​ര രാ​ഷ്ട്രീ​യ​ത്തെ കു​റ്റ​പ്പെ​ടു​ത്തു​ന്ന​വ​ർ ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​നു ശേ​ഷം മ​ഹാവി​കാ​സ് അ​ഗാ​ഡി എ​ന്ന പേ​രി​ൽ ത​ട്ടി​ക്കൂ​ട്ട്, വി​ചി​ത്ര മു​ന്ന​ണി​യു​ണ്ടാ​ക്കി ഭ​ര​ണം പി​ടി​ച്ച​വ​രാ​ണ്. വ​ർ​ഗീ​യ ഹി​ന്ദു​ത്വ​വാ​ദ പാ​ർ​ട്ടി​യെ​ന്നു ബി​ജെ​പി​യെ ആ​ക്ഷേ​പി​ക്കു​ന്ന കോ​ണ്‍ഗ്ര​സും എ​ൻ​സി​പി​യും ശി​വ​സേ​ന​യെ കൂ​ട്ടു​പി​ടി​ച്ച​തി​നെ ന്യാ​യീ​ക​രി​ച്ച​വ​രാ​ണ്. ബി​ജെ​പി​യേ​ക്കാ​ളും തീ​വ്ര​ഹി​ന്ദു​ത്വ​വും വ​ർ​ഗീ​യ​ത​യും മ​റാ​ത്ത വാ​ദ​വും ഉ​യ​ർ​ത്തു​ന്ന പാ​ർ​ട്ടി​യാ​ണു താ​ക്ക​റെ​യു​ടെ ശി​വ​സേ​ന എ​ന്ന​റി​യാ​ഞ്ഞി​ട്ട​ല്ല.

സോ​ണി​യ ഗാ​ന്ധി​യു​ടെ വി​ദേ​ശ​ജ​ന്മ പ്ര​ശ്നം ഉ​യ​ർ​ത്തി കോ​ണ്‍ഗ്ര​സ് വി​ട്ട് എ​ൻ​സി​പി രൂ​പീ​ക​രി​ച്ച ശ​ര​ദ് പ​വാ​റി​ന് പി​ന്നീ​ട് സോ​ണി​യ​യു​ടെ കീ​ഴി​ൽ യു​പി​എ​യി​ൽ ചേ​ർ​ന്നും മ​​​​ഹാ​​​​രാ​​​ഷ്‌​​​ട്രയി​ൽ കോ​ണ്‍ഗ്ര​സും ശി​വ​സേ​ന​യു​മാ​യി ചേ​ർ​ന്നും അ​ധി​കാ​രം നു​ണ​യാ​നും ഉ​ളു​പ്പു​ണ്ടാ​യി​ല്ല. ഏ​താ​നും വ​ർ​ഷം മു​ന്പു വ​രെ കോ​ണ്‍ഗ്ര​സി​നോ എ​ൻ​സി​പി​ക്കോ ആ​ലോ​ചി​ക്കാ​നാ​കാ​ത്ത കാ​ര്യ​മാ​യി​രു​ന്നു ശി​വ​സേ​ന​യു​മാ​യു​ള്ള കി​ട​ക്കപ​ങ്കി​ട​ൽ.

ഉ​ളു​പ്പി​ല്ലാ​ത്ത കൂ​റു​മാ​റ്റ​ങ്ങ​ൾ

രാഷ്‌ട്രീ​യ ​മാ​ന്യ​ത​ക​ളും മ​ര്യാ​ദ​ക​ളും ജ​നാ​ധി​പ​ത്യ മൂ​ല്യ​ങ്ങ​ളും പ​ച്ച​യാ​യി വ​ലി​ച്ചു​കീ​റി അ​ധി​കാ​രം പി​ടി​ക്കാ​ൻ ഏ​തു വൃ​ത്തി​കെ​ട്ട നീ​ക്ക​വും ന​ട​ത്താ​ൻ പ്ര​മു​ഖ രാ​ഷ്ട്രീ​യ പാ​ർ​ട്ടി​ക​ളൊ​ന്നും മ​ടി​ച്ചി​ട്ടി​ല്ല, മ​ടി​ക്കു​ന്നി​ല്ല. കോ​ണ്‍ഗ്ര​സ് അ​ട​ക്കം പ​ല​രും പ​യ​റ്റി​യ അ​വ​സ​ര​വാ​ദ, അ​ധി​കാ​ര ക​ളി​ക​ൾ ഒ​രു മ​റ​യു​മി​ല്ലാ​തെ ബി​ജെ​പി വി​ജ​യ​ക​ര​മാ​യി ന​ട​പ്പാ​ക്കു​ന്നു.

മ​ധ്യ​പ്ര​ദേ​ശ്, ക​ർ​ണാ​ട​ക, മേ​ഘാ​ല​യ, അ​രു​ണാ​ച​ൽ​പ്ര​ദേ​ശ്, ഗോ​വ, മ​ണി​പ്പൂ​ർ തു​ട​ങ്ങി പ​ല സം​സ്ഥാ​ന​ങ്ങ​ളി​ൽ ജ​ന​വി​ധി അ​നു​കൂ​ലം അ​ല്ലാ​തി​രു​ന്ന​പ്പോ​ഴും വ​ള​ഞ്ഞ വ​ഴി​ക​ളി​ലൂ​ടെ അ​ധി​കാ​രം കൈ​ക്ക​ലാ​ക്കി​യ പാ​ർ​ട്ടി​യാ​ണ് ബി​ജെ​പി. ജ​മ്മു കാ​ഷ്മീ​രി​ൽ അ​ധി​കാ​രം പി​ടി​ക്കാ​ൻ പി​ഡി​പി​യു​മാ​യി സ​ഖ്യമുണ്ടാ​ക്കി​യ ബി​ജെ​പി​ക്കാ​ർ ശി​വ​സേ​ന​യു​മാ​യി ചേ​രു​ന്ന​തി​ന് പ്ര​ത്യ​യ​ശാ​സ്ത്ര ന്യാ​യം ക​ണ്ടെ​ത്താ​ൻ ശ്ര​മി​ക്കു​ന്ന​താ​ണു പ​രി​താ​പ​ക​രം. കേ​ന്ദ്ര​ത്തി​ലും സം​സ്ഥാ​ന​ങ്ങ​ളി​ലും അ​ധി​കാ​രം പി​ടി​ക്കാ​ൻ മു​ന്പ് കോ​ണ്‍ഗ്ര​സ് പ​യ​റ്റി​യ ക​ള്ള​ക്ക​ളി​ക​ളും മ​റ​ക്ക​രു​ത്. കൊ​ടു​ത്ത​തു കൊ​ല്ല​ത്തും കി​ട്ടു​ന്ന നി​ല​യാ​ണി​പ്പോ​ൾ കോ​ണ്‍ഗ്ര​സി​ന്‍റേ​ത്.

ബി​ഹാ​റി​ൽ 17 വ​ർ​ഷം നീ​ണ്ട ബി​ജെ​പി സ​ഖ്യം വി​ട്ട് 2013ൽ ​പു​റ​ത്തി​റ​ങ്ങി പ​ഴ​യ ബ​ദ്ധ​വൈ​രി ലാ​ലു പ്ര​സാ​ദ് യാ​ദ​വി​ന്‍റെ ആ​ർ​ജെ​ഡി​യു​മാ​യി ചേ​ർ​ന്ന ജെ​ഡി​യു നേ​താ​വ് നി​തീ​ഷ് കു​മാ​ർ പ​റ​ഞ്ഞ ന്യാ​യ​ങ്ങ​ൾ എ​ത്ര വേ​ഗ​മാ​ണ് അ​ദ്ദേ​ഹംത​ന്നെ മാ​റ്റിപ്പറ​ഞ്ഞ​ത്. ന​രേ​ന്ദ്ര മോ​ദി​യും ബി​ജെ​പി​യും കേ​ന്ദ്ര​ത്തി​ൽ അ​ധി​കാ​രം ഉ​റ​പ്പി​ച്ച​തോ​ടെ 20 മാ​സ​ത്തെ ആ​ർ​ജെ​ഡി ബ​ന്ധം അ​വ​സാ​നി​പ്പി​ച്ച് നി​തീ​ഷ് 2017ൽ ​വീ​ണ്ടും ബി​ജെ​പി​യോ​ടൊ​പ്പം ചേ​ർ​ന്നു. ബി​ജെ​പി​യു​മാ​യി അ​ഭി​പ്രാ​യ​വ്യ​ത്യാ​സ​ങ്ങ​ളു​ള്ള നി​തീ​ഷ് വീ​ണ്ടും സ​ഖ്യം മാ​റു​മെ​ന്ന അ​ഭ്യൂ​ഹ​ങ്ങ​ൾ ശ​ക്ത​മാ​ണ്.

താ​നെ​യി​ലെ ഓ​ട്ടോ ഭാ​യ്

താ​നെ​യി​ലെ ഓ​ട്ടോ​റി​ക്ഷ ഡ്രൈ​വ​റാ​യി​രു​ന്ന ഏ​ക്നാ​ഥ് ഷി​ൻ​ഡെ മ​ഹാ​രാ​ഷ്ട്ര മു​ഖ്യ​മ​ന്ത്രി ആ​യ​താ​ണ് അ​ധി​കാ​ര രാഷ്‌ട്രീ​യ​​ക്ക​ളി​ക​ളു​ടെ പു​തി​യ സാ​ക്ഷ്യ​പ​ത്രം. രാ​ഷ്‌ട്രപ​തി​മാ​രാ​യി​രു​ന്ന ഗ്യാ​നി സെ​യി​ൽ സിം​ഗ്, കെ.​ആ​ർ. നാ​രാ​യ​ണ​ൻ, പ്ര​തി​ഭ പാ​ട്ടീ​ൽ എ​ന്നി​വ​ർ മു​ത​ൽ നി​ല​വി​ലെ രാ​ഷ്‌ട്രപ​തി​ രാം​നാ​ഥ് കോ​വി​ന്ദും എ​ൻ​ഡി​എ​യു​ടെ രാ​ഷ്‌ട്രപ​തി​ സ്ഥാ​നാ​ർ​ഥി ദ്രൗ​പ​ദി മു​ർ​മു​വും ഇ​തേ പോ​ലെ അ​ത​തു കാ​ല​ത്ത് അ​പ്ര​തീ​ക്ഷി​ത പ​ദ​വി​ക​ൾ നേ​ടി​യ​വ​രാ​ണ്.

വോ​ട്ടു​ബാ​ങ്കി​നാ​യു​ള്ള രാഷ്‌ട്രീ​യ പ്ര​തീ​കാ​ത്മ​ക​ത​യും ഭ​ര​ണം നി​യ​ന്ത്രി​ക്കു​ന്ന നേ​താ​വി​നോ​ടു​ള്ള വി​ധേ​യ​ത്വ​വും ആ​കും ഇ​വ​രെ​യെ​ല്ലാം പ്ര​ധാ​ന​മാ​യും തു​ണ​ച്ച​ത്. എ.​പി.​ജെ. അ​ബ്ദു​ൾ ക​ലാം മു​ത​ൽ പ്ര​ണാ​ബ് മു​ഖ​ർ​ജി വ​രെ​യു​ള്ള​വ​ർ സ​ർ​വ​താ യോ​ഗ്യ​രാ​യി​രു​ന്ന​തു രാ​ജ്യ​ത്തി​ന്‍റെ ഭാ​ഗ്യം.

പ​ത​റാ​തെ മു​ർ​മു, ഷി​ൻ​ഡെ

ദ്രൗ​പ​ദി മു​ർ​മു​വും (64) ഏ​ക്നാ​ഥ് ഷി​ൻ​ഡെ​യും (58) സ​മാ​ന ദു​ര​ന്ത​ങ്ങ​ളെ അ​തി​ജീ​വി​ച്ച​വ​രാ​ണ്. ര​ണ്ടു മ​ക്ക​ളു​ടെ അ​കാ​ല ദു​ര​ന്തമ​ര​ണം നേ​രി​ട്ട​വ​രാ​ണ് ഇ​രു​വ​രും. ഒ​ഡീ​ഷ​യി​ലെ അ​വി​ക​സി​ത​മാ​യ മ​യൂ​ർ​ബ​ഞ്ച് ജി​ല്ല​യി​ലെ ആ​ദി​വാ​സി കു​ഗ്രാ​മം ആ​യ ഉ​പ​ർ​ബേ​ദ​യി​ൽ സന്താ​ൾ ഗോ​ത്ര​വ​ർ​ഗ​ത്തി​ൽ ജ​നി​ച്ച ദ്രൗ​പ​ദി പ്ര​തി​സ​ന്ധി​ക​ളി​ൽനി​ന്നാ​ണു ക​രു​ത്താ​ർ​ജി​ച്ച​ത്. ബോ​ട്ട് മ​റി​ഞ്ഞു​ണ്ടാ​യ അ​പ​ക​ട​ത്തി​ൽ ഷി​ൻ​ഡെ​യു​ടെ മ​ക​നും മ​ക​ളും മു​ങ്ങി​മ​രി​ക്കു​ക​യാ​യി​രു​ന്നു. ഇ​തി​നു ശേ​ഷം വി​ഷാ​ദ​രോ​ഗം പോ​ലും ഉ​ണ്ടാ​യ ശേ​ഷം ക​രു​ത്ത​നാ​യാ​ണു മു​ഖ്യ​മ​ന്ത്രിപ​ദ​ത്തി​ലേ​ക്കു​ള്ള വ​ള​ർ​ച്ച.

ദ്രൗ​പ​ദി മു​ർ​മു​വി​ന്‍റെ മൂ​ന്നു മ​ക്ക​ളി​ൽ ആ​ദ്യ​ത്തെ മ​ക​ൻ 2009ൽ ​ദു​രൂ​ഹ​സാ​ഹ​ച​ര്യ​ത്തി​ലാ​ണു മ​രി​ച്ച​ത്. ര​ണ്ടാ​മ​ത്തെ മ​ക​ൻ 2013ൽ ​റോ​ഡ​പ​ക​ട​ത്തി​ൽ കൊ​ല്ല​പ്പെ​ട്ടു. ദീ​ർ​ഘ​കാ​ലം രോ​ഗ​ബാ​ധി​ത​നാ​യി​രു​ന്ന ദ്രൗ​പ​ദി​യു​ടെ ഭ​ർ​ത്താ​വ് ശ്യാം ​ച​ര​ണ്‍ മു​ർ​മു 2014ൽ ​ഹൃ​ദ​യാ​ഘാ​തം മൂ​ലം മ​രി​ച്ചു. യു​കോ ബാ​ങ്കി​ലെ ഉ​ദ്യോ​ഗ​സ്ഥ​യാ​ണ് ദ്രൗ​പ​തി​യു​ടെ ഏ​ക​മ​ക​ൾ ഇ​തി​ശ്രീ മു​ർ​മു. 2015ൽ ​ഗ​ണേ​ഷ് ച​ന്ദ്ര ഹെ​ബ്രാം എ​ന്ന​യാ​ളെ വി​വാ​ഹം ക​ഴി​ച്ച മ​ക​ൾ സു​ഖ​മാ​യി ജീ​വി​ക്കു​ന്ന​താ​ണ് ആ​ശ്വാ​സം. വ്യ​ക്തി​ജീ​വി​ത​ത്തെ ത​ള​ർ​ത്തി​യ മൂ​ന്നു ദു​ര​ന്ത​ങ്ങ​ൾ​ക്കു ശേ​ഷ​മു​ള്ള ദ്രൗ​പ​ദി​യു​ടെ ഉ​യ​ർ​ച്ച​യ്ക്കു ത​ങ്ക​ത്തി​ള​ക്ക​മു​ണ്ട്.

ജ​ന്മ​ഗ്രാ​മം ആ​യ സ​ത്താ​റ​യ്ക്ക് അ​ടു​ത്തു​ള്ള ത​ടാ​ക​ത്തി​ൽ മ​ക​ൻ ദി​പേ​ഷും (11), മ​ക​ൾ ശു​ഭ​ദ​യും (7) മു​ങ്ങി​മ​രി​ച്ച​ത് ഏ​ക്നാ​ഥ് ഷി​ൻ​ഡെ​യെ ത​ള​ർ​ത്തി​യി​രു​ന്നു. 2000 ജൂ​ണ്‍ ര​ണ്ടി​ന് ബോ​ട്ട് മ​റി​ഞ്ഞു​ള്ള അ​പ​ക​ടം. മ​ക്ക​ളെ ന​ഷ്ട​മാ​യ ദു​ര​ന്ത​ത്തി​നു ശേ​ഷം ഷി​ൻ​ഡെ വി​ഷാ​ദാ​വ​സ്ഥ​യി​ലാ​യി. പ​ക്ഷേ നി​ശ്ച​യ​ദാ​ർ​ഢ്യ​ത്തോ​ടെ രാഷ്‌ട്രീ​യ​ത്തി​ൽ സ​ജീ​വ​മാ​യ താ​ക്ക​റേശി​ഷ്യ​ൻ പി​ന്നീ​ട് ഇ​തെ​ല്ലാം അ​തി​ജീ​വി​ച്ചു. എ​ത്ര വ​ലി​യ ദു​ര​ന്ത​ങ്ങ​ളി​ലും ത​ക​രാ​തെ പി​ടി​ച്ചു​നി​ന്നാ​ൽ വി​ജ​യം ഒ​പ്പ​മു​ണ്ടാ​കു​മെ​ന്ന​തി​ന്‍റെ ഉ​ദാ​ഹ​ര​ണങ്ങ​ളാ​ണ് ദ്രൗ​പ​ദി​യും ഏ​ക്നാ​ഥും.

ദി​ഗേ എ​ന്ന ഗോ​ഡ്ഫാ​ദ​ർ

ഏ​ക്നാ​ഥ് ഷി​ൻ​ഡെ മു​ഖ്യ​മ​ന്ത്രി​യാ​യി സ​ത്യ​പ്ര​തി​ജ്ഞ ചെ​യ്ത ച​ട​ങ്ങി​ൽ പ​ര​സ്യ​മാ​യി പ​റ​ഞ്ഞ ര​ണ്ടു പേ​രു​ക​ൾ - ബാ​ലാ​സാ​ഹെ​ബ് താ​ക്ക​റെ, ആ​ന​ന്ദ് ദി​ഗേ എ​ന്നി​വ​രു​ടേ​താ​ണ്. താ​ക്ക​റെ​യെ അ​റി​യു​മെ​ങ്കി​ലും ഈ ​ദി​ഗേ ആ​രെ​ന്നു സം​ശ​യി​ച്ചേ​ക്കാം. ഷി​ൻ​ഡേ​യു​ടെ ഉ​പ​ദേ​ശ​ക​ൻ മാ​ത്ര​മ​ല്ല ദി​ഗേ.

താ​നെ​യി​ലെ ശി​വ​സേ​ന നേ​താ​വ് ദി​ഗേ​യു​ടെ അ​രു​മ​ശി​ഷ്യ​നാ​യാ​ണ് ഷി​ൻ​ഡെ​യു​ടെ ഉ​യ​ർ​ച്ച. താ​നെ​യി​ലെ താ​ക്ക​റെ എ​ന്നാ​ണ് ദി​ഗേ അ​റി​യ​പ്പെ​ട്ടി​രു​ന്ന​ത്. ശി​വ​സേ​നാ നേ​താ​വെ​ന്ന നി​ല​യി​ൽ 24 മ​ണി​ക്കൂ​റും ആ​ർ​ക്കും എ​ന്തി​നും സ​മീ​പി​ക്കാ​വു​ന്ന നേ​താ​വാ​യ ദി​ഗേ ഏ​തു കേ​സി​ലും അ​ന്തി​മ​വാ​ക്ക് ആ​യി​രു​ന്നു. ദി​ഗേ​യു​ടെ പ്ര​വ​ർ​ത്ത​ന​ങ്ങ​ളി​ൽ പോ​ലീ​സ് പോ​ലും ഇ​ട​പെ​ടാ​റി​ല്ലാ​യി​രു​ന്നു. താ​നെ​യി​ൽ ശി​വ​സേ​ന​യെ വ​ള​ർ​ത്തി​യ ദി​ഗേ​യാ​ണ് 1980ക​ളി​ൽ ഏ​ക്നാ​ഥി​നെ ശി​വ​സേ​ന​യു​ടെ പോ​രാ​ളി​യാ​ക്കി​യ​ത്.

വാ​ഗ്‌ലെ ഇ​ൻ​ഡ​സ്ട്രി​യ​ൽ എ​സ്റ്റേ​റ്റി​ൽ തൊ​ഴി​ലാ​ളി നേ​താ​വാ​യി​രി​ക്കെ 1980ന്‍റെ തു​ട​ക്ക​ത്തി​ൽ ശി​വ​സേ​ന​യു​ടെ താ​നെ യൂ​ണി​റ്റ് പ്ര​സി​ഡ​ന്‍റ് ആ​യാ​ണ് ഷി​ൻ​ഡെ​യെ ദി​ഗെ അ​വ​ത​രി​പ്പി​ച്ച​ത്. മ​ഹാ​രാ​ഷ്ട്ര-​ക​ർ​ണാ​ട​ക പ്ര​ക്ഷോ​ഭ​ത്തി​നി​ടെ ഷി​ൻ​ഡെ​യെ പോ​ലീ​സ് അ​റ​സ്റ്റ് ചെ​യ്ത് 40 ദി​വ​സം ത​ട​വി​ലി​ടു​ക​യും ചെ​യ്തു. 1997ൽ ​താ​നെ മു​നി​സി​പ്പ​ൽ കോ​ർ​പ​റേ​ഷ​നി​ലേ​ക്കു ഷി​ൻ​ഡെ ജ​യി​ച്ചു. ഷി​ൻ​ഡെ​യെ കോ​ർ​പ​റേ​ഷ​നി​ലെ ശി​വ​സേ​നാ നേ​താ​വാ​ക്കി​യ​തും ദി​ഗെ​യാ​ണ്. പി​ന്നീ​ട് കോ​പ്രി പ​ഞ്ച്പ​ഖാ​ഡി മ​ണ്ഡ​ല​ത്തി​ൽനി​ന്ന് ശി​വ​സേ​നാ എം​എ​ൽ​എ ആ​യ​തോ​ടെ ഭാ​ഗ്യം തെ​ളി​ഞ്ഞു. 2019ലെ ​നി​യ​മ​സ​ഭാ തി​ര​ഞ്ഞെ​ടു​പ്പി​ൽ തു​ട​ർ​ച്ച​യാ​യി നാ​ലാം ത​വ​ണ ജ​യി​ച്ച​തോ​ടെ മ​ന്ത്രി​യാ​യും ക​രു​ത്ത​നാ​യി.

എ​വി​ടെ സം​ശു​ദ്ധ രാ​ഷ്‌ട്രീ​യം?

മ​​​​ഹാ​​​​രാ​​​ഷ്‌​​​ട്രയി​ലെ ശി​വ​സേ​ന​യു​ടെ ഹി​ന്ദു​ത്വ വോ​ട്ടു​ബാ​ങ്ക് ബി​ജെ​പി പോ​ക്ക​റ്റി​ലാ​ക്കു​മെ​ന്ന​തോ, ശി​വ​സേ​ന​യും കോ​ണ്‍ഗ്ര​സും എ​ൻ​സി​പി​യും ത​ള​രു​മെ​ന്ന​തോ രാഷ്‌ട്രീ​യ​ത്തി​ൽ വ​ലി​യ സം​ഭ​വ​മ​ല്ല. വി​മ​ത ശി​വ​സേ​ന നേ​താ​വ് ഏ​ക്നാ​ഥി​നെ മു​ഖ്യ​മ​ന്ത്രി​യാ​ക്കി​യ​തും വ​ലി​യ പാ​ർ​ട്ടി​യാ​യ ബി​ജെ​പി പി​ന്നി​ൽ നി​ന്നു ച​ര​ടു വ​ലി​ക്കു​ന്ന​തും മ​ന​സി​ലാ​ക്കാം. താ​ക്ക​റെ​യു​ടെ ശി​വ​സേ​ന രാഷ്‌ട്രീ​യ​ ഇ​ടം ബി​ജെ​പി കൈ​ക്കലാ​ക്കി​യേ​ക്കാം. രാഷ്‌ട്രീ​യ​ നാ​ട​ക​ങ്ങ​ൾ തു​ട​രും.

ഇ​ന്ത്യ​ൻ രാഷ്‌ട്രീ​യ​​വും ജ​നാ​ധി​പ​ത്യ​വും നേ​രി​ടു​ന്ന വെ​ല്ലു​വി​ളി​ക​ളും നി​ല​വാ​രത്ത​ക​ർ​ച്ച​യും ജ​ന​ങ്ങ​ളു​ടെ വി​ശ്വാ​സം ഇ​ല്ലാ​താ​ക്കും. ഭ​ര​ണ​ഘ​ട​നാ ശി​ൽ​പി​ക​ളും രാ​ഷ്‌ട്രപി​താ​വ് മ​ഹാ​ത്മാഗാ​ന്ധി​യും വി​ഭാ​വ​നം ചെ​യ്ത സം​ശു​ദ്ധ രാഷ്‌ട്രീ​യ​വും ജ​ന​കീ​യ ഭ​ര​ണ​വും ഉ​റ​പ്പാ​ക്കു​ക​യാ​ണു പ്ര​ധാ​നം. ഇ​ന്ത്യ​യും ജ​നാ​ധി​പ​ത്യ​വും ജ​യി​ക്ക​ണം.

നി​ങ്ങ​ളു​ടെ സ​ർ​ക്കാ​രി​ന്‍റെ കാ​ര്യ​ങ്ങ​ളി​ൽ നി​ങ്ങ​ൾ താ​ത്​പ​ര്യം കാ​ണി​ക്കു​ന്നി​ല്ലെ​ങ്കി​ൽ, വി​ഡ്ഢി​ക​ളു​ടെ ഭ​ര​ണ​ത്തി​ൻ​കീ​ഴി​ൽ ജീ​വി​ക്കാ​ൻ വി​ധി​ക്ക​പ്പെ​ട്ട​വ​രാ​കും എ​ന്ന് വി​ഖ്യാ​ത ഗ്രീ​ക്ക് ചി​ന്ത​ക​ൻ പ്ലേ​റ്റോ മു​ന്ന​റി​യി​പ്പു ന​ൽ​കി​യി​രു​ന്നു. രാഷ്‌ട്രീ​യ​ത്തി​ൽ പ​ങ്കാ​ളി​ക​ളാ​കാ​ൻ വി​സ​മ്മ​തി​ക്കു​ന്ന​തി​നു​ള്ള ശി​ക്ഷ​ക​ളി​ലൊ​ന്ന്, ത​രം​താ​ണ​വ​ർ ഭ​രി​ക്കും എ​ന്ന​താ​ണെ​ന്നുകൂ​ടി പ്ലേ​റ്റോ പ​റ​ഞ്ഞി​ട്ടു​ണ്ട്.