പാലക്കാട്: പാലക്കാട്-പൊന്നാനി സംസ്ഥാന പാതയിലെ കുമരനെല്ലൂർ പാലംകടവിൽ മില്ല് ബസ്സ്റ്റോപ്പിൽ ആണ് യാത്രക്കാർക്ക് ഭീഷണിയായ കുഴികൾ അടച്ചു പാലംക്കടവിലെ യുവാക്കൾ മാതൃകയായത്.
ഖത്തറിൽ പ്രവാസ ജീവിതം നയിക്കുന്ന അബി മാമത്രയത്തിന്റെ നേതൃത്വത്തിലാണ് ഒരു പറ്റം യുവാക്കൾ സന്നദ്ധ പ്രവർത്തനത്തിനു മുന്നിട്ടിറങ്ങിയത്. തൃത്താല മുതൽ നീലിയാട് വരെയുള്ള റോഡിൽ ഇത്തരത്തിൽ അപകട ഭീഷണിയായി വലുതും ചെറുതുമായ നിരവധി കുഴികൾ മൂലം ഈ മേഖലയിൽ നിരവധി വാഹനങ്ങളാണ് അപകടത്തിലാകുന്നത്. അറ്റകുറ്റപ്പണികൾ യഥാസമയം നടക്കുന്നില്ല എന്നതാണ് ഇതിന് കാരണം.