തിരുവനന്തപുരം: ഭൂമി കയ്യേറ്റവിവാദത്തില്‍ മുന്‍ മന്ത്രി തോമസ്‌ ചാണ്ടി കുറ്റക്കാരനാണെന്ന് വിജിലന്‍സ് റിപ്പോര്‍ട്ട് നല്‍കുകയും മുന്‍ മന്ത്രി എ കെ ശശീന്ദ്രന്‍ പീഡിപ്പിച്ചെന്ന പരാതി പിന്‍വലിക്കാന്‍ അനുമതി തേടി സമര്‍പ്പിച്ച ഹര്‍ജി പരാതിക്കാരി പിന്‍വലിക്കാന്‍ അനുമതി തേടി സമര്‍പ്പിച്ച ഹര്‍ജി പരാതിക്കാരി പിന്‍വലിക്കുകയും ചെയ്ത സാഹചര്യത്തില്‍ എന്‍ സി പിയുടെ മന്ത്രിസ്ഥാനം സി പി എം ഏറ്റെടുത്തേക്കും.
/ "publive-image")
എന്‍സിപി എം എല്‍ എമാര്‍ വ്യവഹാര കുരുക്കിലായതോടെ ഇനി അവരുടെ മടങ്ങി വരവിന് വര്‍ഷങ്ങള്‍ വേണ്ടി വരുമെന്നതാണ് എന്‍ സി പിയുടെ ഒഴിവുള്ള മന്ത്രിസ്ഥാനം തിരികെയെടുക്കാന്‍ സി പി എമ്മിനെ പ്രേരിപ്പിക്കുന്നത്.
പകരം ബന്ധു നിയമന വിവാദത്തില്‍ രാജിവച്ച് നേരത്തെ കുറ്റവിമുക്തനാക്കപ്പെട്ട ഇ പി ജയരാജനെ മന്ത്രിസഭയിലേക്ക് തിരികെ കൊണ്ടുവരാനായിരിക്കും സി പി എം ശ്രമിക്കുക.
ബന്ധു നിയമന വിവാദത്തില്‍ ജയരാജന് കുറ്റക്കാരനല്ലെന്നു വിജിലന്‍സ് കണ്ടെത്തിയിരുന്നു. ഈ റിപ്പോര്‍ട്ട് കോടതിയും അംഗീകരിച്ചതാണ്. രാജിയ്ക്ക് ശേഷം പാര്‍ട്ടി അച്ചടക്കത്തിന് അനുയോജ്യമാംവിധം പാര്‍ട്ടി പ്രവര്‍ത്തനങ്ങളില്‍ ജയരാജന് സജീവവുമാണ്. ഈ സാഹചര്യത്തില്‍ ജയരാജനെ മന്ത്രിസഭയിലേക്ക് തിരികെ കൊണ്ടുവരണമെന്ന അഭിപ്രായം പാര്‍ട്ടിയില്‍ ശക്തമാണ്.
മാത്രമല്ല, മുതിര്‍ന്ന നേതാവായ ഇ പി ജയരാജനെതിരെ രാജിവയ്ക്കുന്ന സമയത്തുണ്ടായിരുന്ന എതിര്‍പ്പ് ഇപ്പോള്‍ പാര്‍ട്ടിയിലില്ല. അന്ന് ജയരാജനെ എതിര്‍ത്തിരുന്ന നേതാക്കള്‍ ഇപ്പോള്‍ ജയരാജന് അനുകൂലവുമാണ്.
ഇതിനിടെ കെ ബി ഗണേഷ് കുമാറിനെ പാര്‍ട്ടിയില്‍ എത്തിച്ച് മന്ത്രിയാകുന്നതിന് എന്‍ സി പി നടത്തിയ നീക്കവും പാളിയിരുന്നു. കേരളാ കോണ്‍ഗ്രസ് - ബി നേതാവ് ആര്‍ ബാലകൃഷ്ണപിള്ളയും ഇതിനെതിരെ രംഗത്ത് വന്നിരുന്നു. ഈ സാഹചര്യത്തില്‍ മന്ത്രിസ്ഥാനം സി പി എം തിരികെയെടുക്കാനാണ് സാധ്യത. എന്‍ സി പിയ്ക്ക് മന്ത്രിയില്ലാതെ മുന്നണിയില്‍ തുടരേണ്ടി വരും.
Follow Us/sathyam/media/agency_attachments/5VspLzgrB7PML1PH6Ix6.png)
