/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/3eQo7omkUziUAK7bACbe.jpg "publive-image")
ഇന്ത്യന്‍ ഇ-കൊമേഴ്സ് പ്ലാറ്റ്‌ഫോമായ മീഷോ മലയാളം ഉള്‍പ്പെടെ എട്ട് ഭാഷകളില്‍ കൂടി സേവനം ലഭ്യമാക്കി. ഇ-കൊമേഴ്സ് രംഗം എല്ലാവര്‍ക്കുമാക്കുക എന്ന കമ്പനിയുടെ ദൗത്യത്തിന് ഭാഗമായാണ് എട്ട് പുതിയ പ്രാദേശിക ഭാഷകള്‍ കൂടി മീഷോ പ്ലാറ്റ്‌ഫോമില്‍ ഉള്‍ക്കൊള്ളിച്ചത്.
മലയാളം, തമിഴ്, കന്നഡ, തെലുങ്ക്, മറാത്തി, ഗുജറാത്തി, ബംഗാളി ഒഡിയ എന്നീ ഭാഷകളാണ് മീഷോ ആപ്പില്‍ പുതിയതായി ചേര്‍ത്തത്. അക്കൗണ്ടിലേക്കും ഉല്‍പ്പന്ന വിവരങ്ങളിലേക്കും പ്രവേശിക്കുന്നതിനും, ഓര്‍ഡറുകള്‍ നല്‍കുന്നതിനും, ട്രാക്ക് ചെയ്യുന്നതിനും, പേയ്‌മെന്റുകള്‍ നടത്തുന്നതിനും, ഡീലുകളും കിഴിവുകളും നേടുന്നതിനും ആന്‍ഡ്രോയിഡ് ഫോണുകളില്‍ മീഷോ ഉപഭോക്താക്കള്‍ക്ക് ഇനി ഇഷ്ട ഭാഷ തിരഞ്ഞെടുക്കാം.
കുറഞ്ഞ കാലയളവുകൊണ്ട് മികച്ച ജനപ്രീതി നേടിയ ഷോപ്പിംഗ് വെബ്സൈറ്റുകളിൽ ഒന്നാണ് മീഷോ. കൂടാതെ, സാധാരണക്കാരുടെ ഷോപ്പിംഗ് വെബ്സൈറ്റ് എന്ന നിലയിലേക്ക് ഉയരാനും മീഷോയ്ക്ക് സാധിച്ചിട്ടുണ്ട്. രാജ്യത്തുടനീളം പ്രവർത്തനം വ്യാപിപ്പിക്കുന്നതിന്റെ ഭാഗമായാണ് ഉപഭോക്താക്കൾക്ക് പുതിയ അപ്ഡേറ്റുമായി മീഷോ എത്തിയിരിക്കുന്നത്.
പ്രാദേശിക ഭാഷകൾ അവതരിപ്പിക്കുന്നതോടെ, ഉപഭോക്താക്കൾ നേരിടുന്ന ഭാഷ തടസങ്ങൾ നീക്കം ചെയ്ത് ഇ- കൊമേഴ്സ് സേവനങ്ങൾ എല്ലാവരിലേക്കും എത്തിക്കാനാണ് കമ്പനി ലക്ഷ്യമിടുന്നത്. മലയാളം, തമിഴ്, കന്നട, തെലുങ്ക്, മറാത്തി, ഗുജറാത്തി, ബംഗാളി, ഒഡിയ എന്നിവയാണ് പുതുതായി ഉൾപ്പെടുത്തിയ ഭാഷകൾ. പ്രാദേശിക ഭാഷകളുടെ കടന്നുവരവ് കൂടുതൽ ജനങ്ങളെ ഇ- കൊമേഴ്സ് രംഗത്തേക്ക് ആകർഷിക്കാൻ വഴിയൊരുക്കുമെന്നാണ് വിലയിരുത്തൽ.
മീഷോ ഉപയോഗിക്കുന്ന എല്ലാ ഉപഭോക്താക്കൾക്കും അക്കൗണ്ട് വിവരങ്ങൾ ഉൾപ്പെടുത്താനും, ഉൽപ്പന്ന വിവരങ്ങളിലേക്ക് പ്രവേശിക്കാനും, ഓർഡറുകൾ നൽകാനും, ട്രാക്ക് ചെയ്യാനും, പേയ്മെന്റുകൾ നടത്താനും മറ്റ് ആവശ്യങ്ങൾക്കും ഇനി ഇഷ്ട ഭാഷ തിരഞ്ഞെടുക്കാൻ കഴിയും.