എസ്‌യുവികൾ പോലുള്ള വലുതും കടുപ്പമുള്ളതുമായ കാറുകൾ; ഉയർന്ന നിലവാരമുള്ള ഫീച്ചറുകളുള്ള ടോപ്പ് എൻഡ് വേരിയന്റുകൾക്ക് ഏറ്റവും കൂടുതൽ ആവശ്യക്കാര്‍

എസ്‌യുവികൾ ലോകത്തിന്റെ മറ്റു ഭാഗങ്ങളെപ്പോലെ ഇന്ത്യയിലും ജനപ്രിയമായിക്കൊണ്ടിരിക്കുകയാണ്. മുമ്പെങ്ങുമില്ലാത്തവിധം രാജ്യത്ത് എസ്‌യുവികളുടെ വളർച്ചയ്ക്ക് ആക്കം കൂട്ടുന്ന ഡിമാൻഡ് കുതിച്ചുയരുകയാണെന്നാണ് റിപ്പോര്‍ട്ടുകള്‍. നിലവിൽ ഏറ്റവും ജനപ്രിയമായ ചില മോഡലുകൾക്കായുള്ള കാത്തിരിപ്പ് കാലയളവ് രണ്ട് വർഷത്തിലധികം നീണ്ടുനിൽക്കുന്നു. എങ്കിലും, പുതിയ ഓർഡറുകൾ ഇപ്പോഴും ഒഴുകുകയാണെന്നും റിപ്പോർട്ട് അവകാശപ്പെടുന്നു.

ഇത് കഴിഞ്ഞ അഞ്ച് വർഷത്തിനിടെ രാജ്യത്ത് 36 എസ്‌യുവികൾ പുറത്തിറക്കാൻ വിവിധ വാഹന നിർമ്മാതാക്കളെ പ്രേരിപ്പിച്ചതായി പിടിഐയെ ഉദ്ദരിച്ച് എച്ച്ടി ഓട്ടോ റിപ്പോർട്ട് ചെയ്യുന്നു. എസ്‌യുവികൾ പോലുള്ള വലുതും കടുപ്പമുള്ളതുമായ കാറുകൾ ഇന്ത്യൻ റോഡ് സാഹചര്യങ്ങളിൽ അവയുടെ പ്രായോഗികത കാരണം വാങ്ങുന്നവരിൽ നിന്ന് കൂടുതൽ ആകർഷണം നേടുന്നു.

കഴിഞ്ഞ കുറച്ച് വർഷങ്ങളായി എസ്‌യുവി സെഗ്‌മെന്റ് വലിയ വളർച്ച കൈവരിച്ചതായി മാരുതി സുസുക്കി ഇന്ത്യ സീനിയർ എക്‌സിക്യൂട്ടീവ് ഡയറക്ടർ ശശാങ്ക് ശ്രീവാസ്‍തവ
പറഞ്ഞു. അത് മാത്രമല്ല, ഉയർന്ന നിലവാരമുള്ള ഫീച്ചറുകളുള്ള ടോപ്പ് എൻഡ് വേരിയന്റുകൾക്കാണ് ഏറ്റവും കൂടുതൽ ആവശ്യക്കാര്‍. സൺറൂഫും കണക്റ്റഡ് സാങ്കേതികവിദ്യകളും പോലുള്ള ഫീച്ചറുകൾ പ്രത്യേകിച്ച് വാങ്ങുന്നവരിൽ നിന്ന് കൂടുതൽ ഡിമാൻഡിന് സാക്ഷ്യം വഹിക്കുന്നു. എസ്‌യുവികളുടെ കുതിപ്പ് ഹാച്ച്ബാക്കുകളുടെയും സെഡാനുകളുടെയും വിപണി വിഹിതത്തെ തകർക്കുന്നു.

ബുക്ക് ചെയ്‍ത ഈ മഹീന്ദ്ര വണ്ടി കയ്യില്‍ കിട്ടണമെങ്കില്‍ രണ്ടുവര്‍ഷം വേണം, അമ്പരന്ന് വാഹനലോകം! കൊവിഡ് മാഹാമാരിയുമായി ബന്ധപ്പെട്ട വിവിധ തടസങ്ങള്‍ കാരണം, രാജ്യത്തുടനീളമുള്ള ഉപഭോക്താക്കൾ അവരുടെ സ്വകാര്യ യാത്രാരീതിയിൽ ശ്രദ്ധ കേന്ദ്രീകരിക്കുന്നു. ഇത് വ്യക്തിഗത വാഹന വിൽപ്പനയുടെ വളർച്ചയ്ക്ക് ആക്കം കൂട്ടുന്നു.