തിരുവനന്തപുരം: രാജ്യാന്തര ടൂറിസം ദിനാചരണത്തിന്റെ ഭാഗമായി ഏര്പ്പെടുത്തിയ മെട്രോ എക്സ്പെഡിഷന് അവാര്ഡ് 2022 ൽ നേട്ടം കൈവരിച്ച് സംസ്ഥാനത്തെ ഹോസ്പിറ്റാലിറ്റി രംഗത്തെ പ്രമുഖരായ സിട്രിൻ ഗ്രൂപ്പ്.
മികച്ച ബൂട്ടിക് ബിസിനസ് ഹോട്ടൽ വിഭാഗത്തിൽ തിരുവനന്തപുത്തെ ദി ടെറസും, മികച്ച ഫാമിലി റിസോർട്ട് വിഭാഗത്തിൽ വയനാട് ദി വേവും, മികച്ച ജംഗിൽ റിസോർട്ട് വിഭാഗത്തിൽ നെല്ലിയാമ്പതിയിലെ വന്യ ഹോളിഡേ റിസോർട്ട്, മികച്ച റോമാന്റിക് റിസോർട്ട് വിഭാഗത്തിൽ വയനാട് കോൺടൂർ ഐലന്റ് റിസോട്ടും, മികച്ച ഹീലിംഗ് വില്ലേജ് വിഭാഗത്തിൽ തിരുവനന്തപുരം പൂവത്തൂർ ഇന്റിമസി ഹീലിംഗ് വില്ലേജുമാണ് പുരസ്കാരം നേടിയത്.
കോവളത്ത് വെച്ച് നടന്ന ചടങ്ങിൽ മന്ത്രി ജെ. ചിഞ്ചുറാണിയിൽ നിന്നും ഹോട്ടൽ മാനേജർമാർ പുരസ്കാരം ഏറ്റുവാങ്ങി.