New Update
Advertisment
വാഷിങ്ടണ്: തിരമാലകളായി ഐസുകട്ടകള് കരയിലേയ്ക്ക് കുതിച്ചുവരുന്ന അപൂര്വ്വ ദൃശ്യങ്ങളാണ് ഇപ്പോള് സമൂഹമാധ്യമങ്ങളില് വൈറലാകുന്നത്. അതിശൈത്യം അനുഭവപ്പെടുന്ന അമേരിക്കയില്നിന്നും ബ്രാന്ഡന് ബാന്ക്രോഫ്റ്റ് എന്നയാളാണ് ഫേസ്ബുക്കില് വീഡിയോ പോസ്റ്റ് ചെയ്തിരിക്കുന്നത്.
https://www.facebook.com/neuseriverbaitandtackle/videos/1981241792114878/
തണുത്തുറഞ്ഞ് കട്ടിയായ അറ്റ്ലാന്റിക് സമുദ്രത്തില്നിന്ന് ഐസുകട്ടകള് തിരമാലകളായി തീരത്തേയ്ക്ക് കയറുകയാണ്. നോര്ത്ത് കരോലിനയില് കടല്ത്തീരത്ത് റസ്റ്റോറന്റ് നടത്തുന്ന ബാന്ക്രോഫ്റ്റ് ഈ അപൂര്വ്വ പ്രതിഭാസം കാണുകയും ഫെയ്സുബുക്കില് ലൈവ് വീഡിയോ പോസ്റ്റ് ചെയ്യുകയുമായിരുന്നു.
ബോട്ടു ജട്ടിയിലെ തൂണുകളിലും ഭിത്തിയിലും ഹിമപാളികള് ശക്തമായി വന്നിടിക്കുന്നതും തൂണുകളെ കടപുഴക്കുന്നതും ദൃശ്യത്തില് കാണാം. വലിയ ശബ്ദത്തോടെയുള്ള മഞ്ഞുപാളികളുടെ ആക്രമണം കാഴ്ചക്കാരില് ഭീതി ജനിപ്പിക്കുന്നതാണ്.