ഗുരുതര'ത്തിൽ നിന്നും മോശത്തിലേക്ക്; ഡൽഹിയിലെ വായു നിലവാരം നേരിയ തോതിൽ മെച്ചപ്പെട്ടു

ഡല്‍ഹി: ഡല്‍ഹിയിലെ ശരാശരി വായു ഗുണനിലവാര സൂചിക 270 ല്‍ എത്തി. ഇത് നഗരത്തെ 'മോശം' വിഭാഗത്തില്‍ ഉള്‍പ്പെടുത്തി എന്ന് കേന്ദ്ര മലിനീകരണ നിയന്ത്രണ ബോര്‍ഡ് (സിപിസിബി) അറിയിച്ചു. 

ഇന്നലെ വൈകുന്നേരം മെച്ചപ്പെട്ട ഉപരിതല കാറ്റിന്റെ ചലനം കാരണം കഴിഞ്ഞ കുറച്ച് ദിവസങ്ങളായി കണ്ട 'വളരെ മോശം', 'ഗുരുതരം' ശ്രേണിയില്‍ നിന്ന് ഡല്‍ഹിയിലെ വായുവിന്റെ ഗുണനിലവാരം ഇന്ന് രാവിലെ 'മോശം' വിഭാഗത്തിലേക്ക് മാറി. 

ഈ മാസം ആദ്യം ഉണ്ടായ ഗുരുതരമായ വര്‍ദ്ധനവില്‍ നിന്ന് നേരിയ പുരോഗതി ഉണ്ടായെങ്കിലും, തലസ്ഥാനത്തെ നിരവധി പോക്കറ്റുകള്‍ നഗര ശരാശരിയേക്കാള്‍ വളരെ മോശം വായു ശ്വസിക്കുന്നത് തുടരുകയാണ്.