പൂനെയിൽ കാർ രണ്ട് കണ്ടെയ്‌നർ ട്രക്കുകൾക്കിടയിൽ ഇടിച്ചുകയറി ഏഴ് പേർ മരിച്ചു, നിരവധി പേർക്ക് പരിക്കേറ്റു

പൂനെ: പൂനെയില്‍ കണ്ടെയ്നര്‍ ട്രക്കുകള്‍ക്കിടയില്‍ ഒരു കാര്‍ ഇടിച്ചുകയറി ഏഴ് പേര്‍ മരിച്ചു. വൈകുന്നേരം നവ്ലെ പാലത്തില്‍ നടന്ന അപകടത്തില്‍ എട്ട് മുതല്‍ പത്ത് വരെ പേര്‍ക്ക് പരിക്കേറ്റതായി പോലീസ് പറഞ്ഞു.

വ്യാഴാഴ്ച വൈകുന്നേരം പൂനെയിലെ നവലെ പാലത്തില്‍ അപകടം ഉണ്ടായതായി റിപ്പോര്‍ട്ടുകള്‍ പറയുന്നു. രണ്ട് ട്രക്കുകള്‍ക്ക് തീപിടിച്ച് ഒരു കാര്‍ അവയ്ക്കിടയില്‍ കുടുങ്ങി.

കാറില്‍ കുടുങ്ങിയ ഏഴ് പേര്‍ തീപിടുത്തത്തില്‍ മരിച്ചു. ഫയര്‍ എഞ്ചിനുകള്‍ സ്ഥലത്തെത്തി തീ നിയന്ത്രണവിധേയമാക്കി. അതേസമയം, സംഭവത്തെത്തുടര്‍ന്ന് തിരക്കേറിയ റോഡില്‍ വന്‍ ഗതാഗതക്കുരുക്ക് ഉണ്ടായി.

അപകടത്തിന്റെ വീഡിയോയില്‍ കാര്‍ രണ്ട് ഹെവി വാഹനങ്ങള്‍ക്കിടയില്‍ കുടുങ്ങിക്കിടക്കുന്നതും അവയ്ക്ക് തീപിടിച്ചിരിക്കുന്നതും കാണാം.  'അപകടം എങ്ങനെ സംഭവിച്ചുവെന്ന് ഞങ്ങള്‍ അന്വേഷിക്കുന്നുണ്ടെന്ന് ഒരു പോലീസ് ഉദ്യോഗസ്ഥന്‍ പറഞ്ഞു.

പരിക്കേറ്റവര്‍ക്ക് ഉടന്‍ തന്നെ ആശുപത്രി ചികിത്സ ഉറപ്പാക്കുക എന്നതാണ് ഇപ്പോള്‍ ഞങ്ങളുടെ മുന്‍ഗണന.' അഗ്‌നിശമന സേന സ്ഥലത്തേക്ക് വാട്ടര്‍ ടാങ്കറുകള്‍ അയച്ചതായും തീ നിയന്ത്രണവിധേയമാക്കിയതായും അദ്ദേഹം കൂട്ടിച്ചേര്‍ത്തു.