/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/02/03/TwzUaj7OdNQt7xhNgj2o.jpg)
ഡല്‍ഹി: ആറ് സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും ഉപതിരഞ്ഞെടുപ്പ് ഫലം ഇന്ന്, നവംബര്‍ 14 ന് പുറത്തുവരും. ജമ്മു കശ്മീരിലെ ബുഡ്ഗാം, നഗ്രോട്ട, രാജസ്ഥാനിലെ ആന്റ, ജാര്‍ഖണ്ഡിലെ ഘട്സില, തെലങ്കാനയിലെ ജൂബിലി ഹില്‍സ്, പഞ്ചാബിലെ തരണ്‍ തരണ്‍, മിസോറാമിലെ ദമ്പ, ഒഡീഷയിലെ നുപദ എന്നിവിടങ്ങളിലെ വോട്ടെണ്ണല്‍ ആരംഭിച്ചു.
ബീഹാറിലെ അമൂര്‍, ബഹാദൂര്‍ഗഞ്ച് എന്നിവിടങ്ങളില്‍ നിന്നുള്ള ആദ്യ ട്രെന്‍ഡുകളില്‍ അസദുദ്ദീന്‍ ഒവൈസിയുടെ എഐഎംഐഎം മുന്നിലാണ്
രാജസ്ഥാനിലെ ആന്റയില്‍ 79.32 ശതമാനവും ജാര്‍ഖണ്ഡിലെ ഘട്സിലയില്‍ 74.63 ശതമാനവും തെലങ്കാനയിലെ ജൂബിലി ഹില്‍സില്‍ 48.43 ശതമാനവും പഞ്ചാബിലെ തരണ്‍ തരണ്‍- 60.95 ശതമാനവും മിസോറാമിലെ ദമ്പ- 82 ശതമാനവും ഒഡീഷയിലെ നുപദ- 83.45 ശതമാനവും പോളിംഗ് രേഖപ്പെടുത്തി.
ഹൈദരാബാദിലെ യൂസഫ്ഗുഡയിലുള്ള കോട്ല വിജയ് ഭാസ്‌കര്‍ റെഡ്ഡി ഇന്‍ഡോര്‍ സ്റ്റേഡിയത്തില്‍ സജ്ജീകരിച്ചിരിക്കുന്ന വോട്ടെണ്ണല്‍ കേന്ദ്രത്തില്‍ നിന്നുള്ള ദൃശ്യങ്ങള്‍. ജൂബിലി ഹില്‍സ് നിയമസഭാ ഉപതിരഞ്ഞെടുപ്പിന്റെ വോട്ടെണ്ണല്‍ രാവിലെ 8 മണിക്ക് ആരംഭിച്ചു.
ബിആര്‍എസ് എംഎല്‍എ മാഗന്തി ഗോപിനാഥിന്റെ നിര്യാണത്തെത്തുടര്‍ന്ന് ഒഴിവുവന്ന സീറ്റില്‍ നവംബര്‍ 11 ന് ഉപതിരഞ്ഞെടുപ്പ് നടന്നു.
ജൂബിലി ഹില്‍സ് നിയമസഭാ ഉപതെരഞ്ഞെടുപ്പിന്റെ വോട്ടെണ്ണല്‍ യൂസഫ്ഗുഡയിലെ കോട്ല വിജയ ഭാസ്‌കര്‍ റെഡ്ഡി ഇന്‍ഡോര്‍ സ്റ്റേഡിയത്തില്‍ ആരംഭിച്ചു. എക്‌സിറ്റ് പോള്‍ പ്രകാരം, ബിആര്‍എസിനും ബിജെപിക്കും മുന്നില്‍ കോണ്‍ഗ്രസ് ആണ്.
ബുദ്ഗാം നിയമസഭാ മണ്ഡലത്തില്‍ ഏകദേശം 1.26 വോട്ടര്‍മാരാണുള്ളത്. മുഖ്യമന്ത്രി ഒമര്‍ അബ്ദുള്ള സര്‍ക്കാരിനും അദ്ദേഹത്തിന്റെ പാര്‍ട്ടിയായ നാഷണല്‍ കോണ്‍ഫറന്‍സിനും (എന്‍സി) ഒരു അഗ്‌നിപരീക്ഷയായിട്ടാണ് ഈ തെരഞ്ഞെടുപ്പ് കാണുന്നത്.
കഴിഞ്ഞ വര്‍ഷത്തെ നിയമസഭാ തെരഞ്ഞെടുപ്പില്‍ കുടുംബത്തിന്റെ കോട്ടയായ ഗണ്ടര്‍ബലില്‍ നിന്ന് തിരഞ്ഞെടുക്കപ്പെട്ടതിനെത്തുടര്‍ന്ന് അബ്ദുള്ള സീറ്റ് ഒഴിഞ്ഞതിനെ തുടര്‍ന്നാണ് ഉപതിരഞ്ഞെടുപ്പ് അനിവാര്യമായത്.