മിസൈൽ കരുത്തിൽ ലോകശക്തിയാകാൻ ഇന്ത്യ; ഹൈപ്പർസോണിക് മിസൈലുകളും പുതിയ സാങ്കേതികവിദ്യയും വരുന്നു; വിശേഷണങ്ങളുമായി ഡിആർഡിഒ ചെയർമാൻ

ഡൽഹി: ആഗോള സംഘർഷങ്ങൾ വർദ്ധിച്ചുവരുന്ന പശ്ചാത്തലത്തിൽ, ഇന്ത്യയുടെ കര-വ്യോമ-നാവിക സേനകളുടെ പ്രഹരശേഷി വർദ്ധിപ്പിക്കുന്നതിനായി ഡിആർഡിഒ വികസിപ്പിക്കുന്ന പുതിയ മിസൈൽ സാങ്കേതികവിദ്യകളെക്കുറിച്ച് ചെയർമാൻ ഡോ. സമീർ വി. കാമത്ത് വെളിപ്പെടുത്തി.

ശബ്ദത്തേക്കാൾ അഞ്ചിരട്ടി വേഗത്തിൽ സഞ്ചരിക്കുന്ന ഹൈപ്പർസോണിക് മിസൈലുകളും ദീർഘദൂര കപ്പൽവേധ മിസൈലുകളുമാണ് ഇന്ത്യയുടെ അടുത്ത പ്രധാന ലക്ഷ്യം.

സോളിഡ് ഫ്യുവൽ ഡക്റ്റഡ് റാംജെറ്റ് സാങ്കേതികവിദ്യ ഇന്ത്യ വിജയകരമായി പരീക്ഷിച്ചു. 

മിസൈലുകൾക്ക് അതിവേഗതയും ദീർഘദൂര പരിധിയും നൽകുന്ന ഈ സംവിധാനം ലോകത്തെ ചുരുക്കം ചില രാജ്യങ്ങൾക്കുമാത്രമേ സ്വന്തമായുള്ളൂ. ഇത് ഭാവിയിലെ ആകാശപ്പോരാട്ടങ്ങളിൽ ഇന്ത്യൻ വ്യോമസേനയ്ക്ക് വൻ മുൻതൂക്കം നൽകും.

നിലവിലുള്ള ബ്രഹ്മോസ് മിസൈലുകളേക്കാൾ കൂടുതൽ ദൂരപരിധിയുള്ള അത്യാധുനിക മിസൈലുകൾ നാവികസേനയ്ക്കായി ഒരുങ്ങുന്നു. ഇതിന്റെ രണ്ട് പരീക്ഷണങ്ങൾ വിജയകരമായി പൂർത്തിയായി. മൂന്നാമത്തെ പരീക്ഷണം ഉടൻ നടക്കും.

ശത്രുക്കളുടെ പ്രതിരോധ സംവിധാനങ്ങളെ വെട്ടിച്ച് അതിവേഗത്തിൽ ആക്രമണം നടത്താൻ കഴിയുന്ന ഹൈപ്പർസോണിക് മിസൈലുകളുടെ നിർമ്മാണം ഡിആർഡിഒ വേഗത്തിലാക്കി. ഇവയുടെ മൂന്ന് വ്യത്യസ്ത പതിപ്പുകളാണ് വികസിപ്പിക്കുന്നത്: