48 മണിക്കൂര്‍ നീണ്ട തിരച്ചില്‍; ഹിമാചലില്‍ കാണാതായ യുഎസ് പാരാഗ്ലൈഡറുടെ മൃതദേഹം 14,800 അടി ഉയരത്തില്‍ നിന്നും കണ്ടെത്തി

ഡല്‍ഹി: ഹിമാചലില്‍ കാണാതായ 31 കാരനായ അമേരിക്കന്‍ പാരാഗ്ലൈഡര്‍ ബോക്സ്റ്റാഹ്ലര്‍ ട്രെവറിനെ പര്‍വതത്തില്‍ മരിച്ച നിലയില്‍ കണ്ടെത്തി.

ലഹൗളിലെയും സ്പിതിയിലെയും കാസയ്ക്ക് സമീപമാണ് കാണാതായ ബോക്സ്റ്റാഹ്ലര്‍ ട്രെവോറിന്റെ അവശിഷ്ടങ്ങള്‍ കണ്ടെത്തിയത്. 48 മണിക്കൂറിലധികം നീണ്ടുനിന്ന തിരച്ചിലിനൊടുവിലാണ് മൃതദേഹം കണ്ടെത്തിയത്.

എസ്ഡിആര്‍എഫിന്റെയും പോലീസിന്റെയും സഹായത്തോടെ അവശിഷ്ടങ്ങള്‍ 14,800 അടിയില്‍ നിന്ന് താഴെയിറക്കി. മൃതദേഹം കാസ പോലീസ് സ്റ്റേഷനിലേക്ക് കൊണ്ടുപോയി.