ഇടപാടുകാർ അധിക പണം ആവശ്യപ്പെട്ടു; വീഡിയോയ്ക്ക് പിന്നാലെ കർഷകൻ ആത്മഹത്യ ചെയ്തു

ഡല്‍ഹി: കടം വാങ്ങിയ തുകയ്ക്ക് പുറമെ കൂടുതല്‍ പണം നല്‍കണമെന്ന് പ്രാദേശിക പണമിടപാടുകാര്‍ സമ്മര്‍ദ്ദം ചെലുത്തിയതിനെ തുടര്‍ന്ന് കര്‍ഷകന്‍ ആത്മഹത്യ ചെയ്തു. നവംബര്‍ 26 ന് മഹാരാഷ്ട്രയിലെ അകോളയിലാണ് സംഭവം.

മരിക്കുന്നതിന് മുമ്പ്, പണം നല്‍കിയില്ലെങ്കില്‍ തന്റെ ജീവിതം ദുഷ്‌കരമാക്കുമെന്ന് രണ്ട് വായ്പാദാതാക്കളും ഭീഷണിപ്പെടുത്തിയതായി ഗോപാല്‍ വാമന്റാവു പട്‌ഖെഡെ എന്നയാള്‍ വീഡിയോയില്‍ അവകാശപ്പെട്ടു.

'ഞാന്‍ സമ്മര്‍ദ്ദത്തിലാണ്. ആ ആളുകള്‍ എന്നെ ജീവിക്കാന്‍ അനുവദിക്കുന്നില്ല. അതുകൊണ്ടാണ് ഞാന്‍ ആത്മഹത്യ ചെയ്യുന്നത്,' ആത്മഹത്യ ചെയ്യുന്നതിന് മുമ്പ് കര്‍ഷകന്‍ പറഞ്ഞ അവസാന വാക്കുകള്‍ ഇതായിരുന്നു.

വീഡിയോയില്‍, രാകേഷ് ഭൂപേന്ദ്ര ഗാന്ധി, ബണ്ടി അരുണ്‍ ഖരാല്‍ എന്നീ രണ്ട് പണമിടപാടുകാരുടെ പേര് അദ്ദേഹം പരാമര്‍ശിച്ചിട്ടുണ്ട്.