'പ്രധാനമന്ത്രി എന്തിനെയാണ് ഭയപ്പെടുന്നത്?'; പാർലമെന്റിലെ മോദിയുടെ അസാന്നിധ്യത്തെ ചോദ്യം ചെയ്ത് പ്രിയങ്ക ഗാന്ധി; പോര് മുറുകുന്നു

ഡല്‍ഹി: പാര്‍ലമെന്റിലെ നിര്‍ണ്ണായക ചര്‍ച്ചകളില്‍ നിന്ന് പ്രധാനമന്ത്രി നരേന്ദ്ര മോദി ഒഴിഞ്ഞുമാറുന്നതിനെ രൂക്ഷമായി വിമര്‍ശിച്ച് കോണ്‍ഗ്രസ് എംപി പ്രിയങ്ക ഗാന്ധി വദ്ര. പ്രതിപക്ഷം ഉന്നയിക്കുന്ന ഗൗരവകരമായ വിഷയങ്ങളില്‍ മറുപടി പറയാതെ പ്രധാനമന്ത്രി എന്തിനാണ് സഭയില്‍ നിന്ന് വിട്ടുനില്‍ക്കുന്നതെന്ന് പ്രിയങ്ക ചോദിച്ചു.

രാഹുല്‍ ഗാന്ധിയെ 'നിഷ്‌കളങ്കനായ കുട്ടി' (അബോധ് ബാലക്) എന്ന് രാജ്യസഭയില്‍ വിശേഷിപ്പിച്ച കേന്ദ്രമന്ത്രി ജെ.പി. നദ്ദയ്ക്ക് പ്രിയങ്ക മറുപടി നല്‍കി.

'ഒരാളെ പരിഹസിക്കുന്നതാണോ ഭരണപക്ഷത്തിന്റെ രീതി? പ്രതിപക്ഷ നേതാവിനെ സ്വതന്ത്രമായി സംസാരിക്കാന്‍ അനുവദിക്കണം.

അദ്ദേഹം ഒരു പുസ്തകം ഉദ്ധരിക്കുന്നതിനെയാണോ നിങ്ങള്‍ ഭയപ്പെടുന്നത്? അതോ കര്‍ഷകരെ ബാധിക്കുന്ന ഇന്ത്യ-യുഎസ് കരാറിനെക്കുറിച്ചുള്ള ചോദ്യങ്ങളെയാണോ?' പ്രിയങ്ക ചോദിച്ചു.

വിവാദമായ 'എപ്സ്റ്റീന്‍ ഫയലുകളിലെ' പരാമര്‍ശങ്ങളെക്കുറിച്ചും പ്രിയങ്ക സൂചിപ്പിച്ചെങ്കിലും ഇവ അടിസ്ഥാനരഹിതമാണെന്ന് പറഞ്ഞ് സര്‍ക്കാര്‍ നേരത്തെ തന്നെ തള്ളിയിരുന്നു.