തിരഞ്ഞെടുപ്പ് സാഹചര്യം, എസ്‌ഐആർ, മലിനീകരണം എന്നിവ വലിയ വിഷയങ്ങളാണ്. നമുക്ക് അവ ചർച്ച ചെയ്യാം. പിന്നെ പാർലമെന്റ് എന്തിനാണ്? പ്രധാനമന്ത്രിയ്ക്ക് മറുപടിയുമായി പ്രിയങ്ക ഗാന്ധി

ഡല്‍ഹി: വോട്ടര്‍ പട്ടികയുടെ പ്രത്യേക തീവ്ര പരിഷ്‌കരണം, ഡല്‍ഹിയിലെ വായു മലിനീകരണം തുടങ്ങിയ നിര്‍ണായക വിഷയങ്ങള്‍ പാര്‍ലമെന്റില്‍ ഉന്നയിക്കുന്നത് നാടകമല്ലെന്ന് കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി. 

പാര്‍ലമെന്റിന്റെ ശീതകാല സമ്മേളനത്തിന് മുന്നോടിയായി, പ്രതിപക്ഷത്തെ പരിഹസിച്ചുകൊണ്ട് കാര്യങ്ങള്‍ വ്യക്തമായി അവതരിപ്പിക്കണമെന്നും പാര്‍ലമെന്റ് നാടകത്തിനുള്ള വേദിയല്ലെന്നും പ്രധാനമന്ത്രി മോദി പറഞ്ഞിരുന്നു.

തിരഞ്ഞെടുപ്പ് സാഹചര്യം, എസ്ഐആര്‍, മലിനീകരണം എന്നിവ വലിയ വിഷയങ്ങളാണ്. നമുക്ക് അവ ചര്‍ച്ച ചെയ്യാം. പാര്‍ലമെന്റ് എന്തിനാണ്? അത് നാടകമല്ല.

വിഷയങ്ങളെക്കുറിച്ച് സംസാരിക്കുന്നതും ഉന്നയിക്കുന്നതും നാടകമല്ല. പൊതുജനങ്ങള്‍ക്ക് പ്രാധാന്യമുള്ള വിഷയങ്ങളെക്കുറിച്ചുള്ള ജനാധിപത്യ ചര്‍ച്ചകള്‍ അനുവദിക്കാതിരിക്കുന്നതാണ് നാടകം.'പ്രിയങ്ക ഗാന്ധി പറഞ്ഞു.