ഒരു മൃതദേഹത്തിന് തലയില്ല, രണ്ടാമത്തേത് വെറും ശരീരഭാഗങ്ങള്‍ മാത്രം. രണ്ട് മൃതദേഹങ്ങളും തീവ്രവാദികളുടേതോ?

ഡല്‍ഹി: ഡല്‍ഹി സ്‌ഫോടനത്തില്‍ കൊല്ലപ്പെട്ട പത്ത് പേരില്‍ എട്ട് പേരെ തിരിച്ചറിഞ്ഞു. അവശേഷിക്കുന്ന രണ്ട് മൃതദേഹങ്ങളുടെ തിരിച്ചറിയില്‍ അസാധ്യമായ അവസ്ഥയിലാണ്. ഡല്‍ഹി പോലീസിനും എന്‍ഐഎയും മറ്റ് ഏജന്‍സികള്‍ക്കും ഈ രണ്ട് മൃതദേഹങ്ങള്‍ തിരിച്ചറിയുക എന്നത് വെല്ലുവിളിയാണ്. 

ഒരു മൃതദേഹത്തിന് തലയില്ല, രണ്ടാമത്തേത് വെറും ശരീരഭാഗങ്ങള്‍ മാത്രമാണ്. ഒന്ന് വയറിന്റെ ഭാഗവും മറ്റൊന്ന് മുറിച്ചുമാറ്റിയ വിരലുകളുമാണ്. ഇതിന്റെ അടിസ്ഥാനത്തില്‍ ഈ രണ്ട് മൃതദേഹങ്ങളുടെയും ഐഡന്റിറ്റി സ്ഥാപിക്കുക എന്നത് മിക്കവാറും അസാധ്യമാണ്. 

അന്വേഷണ ഏജന്‍സികള്‍ക്ക് മുന്നിലുള്ള ഏക പോംവഴി അവയുടെ യഥാര്‍ത്ഥവും ശാസ്ത്രീയവുമായ ഐഡന്റിറ്റി സ്ഥാപിക്കുന്നതിനുള്ള ഡിഎന്‍എ പരിശോധനയാണ്. 

സ്‌ഫോടനത്തിലെ പ്രധാന വ്യക്തിയായ ഡോ. ഉമര്‍ മുഹമ്മദിന്റെ അമ്മയുടെ ഡിഎന്‍എ സാമ്പിള്‍ സംഭവസ്ഥലത്ത് നിന്ന് കണ്ടെത്തിയ ശരീരഭാഗങ്ങളുമായി ഒത്തുനോക്കാന്‍ അന്വേഷണ ഏജന്‍സികള്‍ എടുത്തിട്ടുണ്ട്. 

ഡല്‍ഹി സ്‌ഫോടനത്തില്‍ തീവ്രവാദി ഡോ. ഉമര്‍ മുഹമ്മദ് കൊല്ലപ്പെട്ടോ എന്ന ചോദ്യവും ഇത് ഉയര്‍ത്തുന്നു. സ്‌ഫോടനം നടക്കുമ്പോള്‍ ശ20 യില്‍ മൂന്ന് പേര്‍ ഉണ്ടായിരുന്നു എന്നാണ് ആദ്യം അവകാശപ്പെട്ടിരുന്നത്.

എന്നാല്‍, സ്‌ഫോടന സമയത്ത് ഡോ. ഉമര്‍ മുഹമ്മദ് കാറിലുണ്ടായിരുന്നുവെന്ന് സിസിടിവി ദൃശ്യങ്ങള്‍ സ്ഥിരീകരിച്ചിട്ടുണ്ട്.