വീല്‍ചെയറില്‍ വോട്ട് ചെയ്യാന്‍ പോളിംഗ് ബൂത്തിലെത്തി ആര്‍ജെഡി നേതാവ് തേജസ്വി യാദവ്

പട്ന: 2024 ലോക്സഭാ തിരഞ്ഞെടുപ്പിലെ വോട്ടെടുപ്പ് അവസാന മണിക്കൂറുകളിലേക്ക് കടക്കുമ്പോള്‍ രാഷ്ട്രീയ ജനതാദള്‍ (ആര്‍ജെഡി) നേതാവ് തേജസ്വി യാദവ് പട്നയില്‍ ബാലറ്റ് രേഖപ്പെടുത്തി.

തേജസ്വി യാദവ് തന്റെ സഹോദരന്‍ തേജ് പ്രതാപ് യാദവിനൊപ്പമാണ് പട്നയിലെ വെറ്ററിനറി ഗ്രൗണ്ടിലെ പോളിംഗ് ബൂത്തില്‍ എത്തിയത്. കാറില്‍ നിന്ന് ഇറങ്ങിയ തേജസ്വി യാദവിനെ വീല്‍ചെയറില്‍ ഇരുത്തി പാര്‍ട്ടി പ്രവര്‍ത്തകര്‍ പോളിങ് ബൂത്തിലേക്ക് ആനയിച്ചു.

റാബ്റി ദേവിക്കും തേജസ്വിയുടെ സഹോദരി രോഹിണി ആചാര്യക്കുമൊപ്പം പിതാവും ആര്‍ജെഡി അധ്യക്ഷനുമായ ലാലു പ്രസാദ് യാദവ് വോട്ട് രേഖപ്പെടുത്തി മിനിറ്റുകള്‍ക്ക് ശേഷമാണ് തേജസ്വി യാദവ് പോളിംഗ് ബൂത്തിലെത്തിയത്.