പ്രശസ്ത പരിസ്ഥിതി പ്രവര്‍ത്തക പത്മശ്രീ സാലുമരദ തിമ്മക്ക 114-ാം വയസ്സില്‍ അന്തരിച്ചു

ഡല്‍ഹി: പ്രശസ്ത പരിസ്ഥിതി പ്രവര്‍ത്തക പത്മശ്രീ സാലുമരദ തിമ്മക്ക തന്റെ 114-ാം വയസ്സില്‍ അന്തരിച്ചു.  കുറച്ചുകാലമായി അസുഖബാധിതയായിരുന്നു.

ബെംഗളൂരുവിലെ ഒരു സ്വകാര്യ ആശുപത്രിയില്‍ ചികിത്സയിലായിരുന്നു. 1911 ജൂണ്‍ 30 ന് തുമകുരു ജില്ലയിലെ ഗുബ്ബി താലൂക്കില്‍ ജനിച്ച തിമ്മക്ക, ഗ്രാമീണ കര്‍ണാടകയെ ഹരിതാഭമാക്കുന്നതിനുള്ള പതിറ്റാണ്ടുകളുടെ പ്രതിബദ്ധതയിലൂടെ ദേശീയ പ്രശസ്തിയിലേക്ക് ഉയര്‍ന്നു.

ബെംഗളൂരു സൗത്തിന്റെ ഭാഗമായ രാമനഗര ജില്ലയിലെ ഹുളിക്കലിനും കുഡൂരിനും ഇടയിലുള്ള 4.5 കിലോമീറ്റര്‍ ദൂരത്തില്‍ 385 ആല്‍മരങ്ങള്‍ നട്ടുപിടിപ്പിച്ചതിന് ശേഷമാണ് അവര്‍ക്ക് 'മരങ്ങളുടെ നിര' എന്നര്‍ത്ഥം വരുന്ന 'സാലുമരദ' എന്ന പേര് ലഭിച്ചത്.