ഇന്ത്യ-പാക് യുദ്ധം അവസാനിപ്പിക്കുമെന്ന ട്രംപിന്റെ അവകാശവാദങ്ങളെ വീണ്ടും പിന്തുണച്ച് ഷെഹ്ബാസ് ഷെരീഫ്

ഇസ്ലാമാബാദ്:  ഇന്ത്യ-പാക് സംഘര്‍ഷം അവസാനിപ്പിക്കുമെന്ന യുഎസ് പ്രസിഡന്റ് ഡൊണാള്‍ഡ് ട്രംപിന്റെ അവകാശവാദത്തെ പാകിസ്ഥാന്‍ പ്രധാനമന്ത്രി ഷെഹ്ബാസ് ഷെരീഫ് വീണ്ടും പിന്തുണച്ചു. 

ഗാസയില്‍ രണ്ട് വര്‍ഷമായി നീണ്ടുനിന്ന സംഘര്‍ഷം അവസാനിപ്പിക്കുന്നതിനുള്ള പദ്ധതികളെക്കുറിച്ച് ചര്‍ച്ച ചെയ്യാന്‍ ഈജിപ്തിലെ ഷാം എല്‍-ഷെയ്ക്കില്‍ ലോക നേതാക്കളുടെ സമ്മേളനത്തെ അഭിസംബോധന ചെയ്യുകയായിരുന്നു ഷെരീഫ്.

ഇസ്രായേലും ഹമാസും തമ്മിലുള്ള വെടിനിര്‍ത്തലിന് മധ്യസ്ഥത വഹിച്ചതിന് ട്രംപിനെ അദ്ദേഹം പ്രശംസിക്കുകയും സമാധാനത്തിനുള്ള നോബല്‍ സമ്മാനത്തിന് യുഎസ് പ്രസിഡന്റിനെ വീണ്ടും നാമനിര്‍ദ്ദേശം ചെയ്യുകയും ചെയ്തു.

ഷെരീഫിനെ വേദിയിലേക്ക് ക്ഷണിക്കുന്നതിന് മുമ്പ്, ഫീല്‍ഡ് മാര്‍ഷല്‍ അസിം മുനീറിനെ ട്രംപ് പ്രശംസിച്ചിരുന്നു . 

ഹമാസുമായുള്ള വെടിനിര്‍ത്തല്‍ കരാറിന്റെ അടിസ്ഥാനത്തില്‍ ഗാസയില്‍ രണ്ട് വര്‍ഷത്തെ തടവില്‍ കഴിഞ്ഞ ഇരുപത് ഇസ്രായേലി ബന്ദികളെ തിങ്കളാഴ്ച മോചിപ്പിച്ചു. ട്രംപിന്റെ മധ്യസ്ഥതയിലാണ് സമാധാന കരാര്‍. യുഎസ് പ്രസിഡന്റിന്റെ ശ്രമങ്ങളെ അംഗീകരിച്ചുകൊണ്ട് ഷെരീഫ് പറഞ്ഞു.

'സമകാലിക ചരിത്രത്തിലെ ഏറ്റവും മഹത്തായ ദിവസങ്ങളിലൊന്നാണ് ഇന്ന്, കാരണം ട്രംപിന്റെ നേതൃത്വത്തിലുള്ള അശ്രാന്ത പരിശ്രമത്തിലൂടെയാണ് സമാധാനം കൈവരിക്കാനായത്.

അദ്ദേഹം യഥാര്‍ത്ഥത്തില്‍ ഒരു സമാധാന പ്രിയനാണ്, ഈ ലോകത്തെ സമാധാനത്തോടെയും സമൃദ്ധിയോടെയും ജീവിക്കാന്‍ കഴിയുന്ന ഒരു സ്ഥലമാക്കി മാറ്റാന്‍ ഈ മാസങ്ങളില്‍ മുഴുവന്‍ അക്ഷീണം പ്രവര്‍ത്തിച്ചിട്ടുണ്ട്.'ഷെരീഫ് പറഞ്ഞു.