റഷ്യയുമായി ചേർന്ന് Su-57 യുദ്ധവിമാനങ്ങളും S-500 മിസൈൽ പ്രതിരോധ കവചവും വാങ്ങാൻ ഇന്ത്യ പദ്ധതിയിടുന്നു

മോസ്‌കോ:  റഷ്യന്‍ പ്രസിഡന്റ് വ്ളാഡിമിര്‍ പുടിന്റെ ഈ ആഴ്ച ഇന്ത്യാ സന്ദര്‍ശന വേളയില്‍ Su-57 യുദ്ധവിമാനങ്ങളും S-500 മിസൈല്‍ പ്രതിരോധ സംവിധാനവും വാങ്ങുന്നതിനായി റഷ്യയുമായി ചര്‍ച്ചകള്‍ ആരംഭിക്കാന്‍ ഇന്ത്യ പദ്ധതിയിടുന്നതായി ബ്ലൂംബെര്‍ഗ് റിപ്പോര്‍ട്ട് ചെയ്തു. 

ഡിസംബര്‍ 4 ന് പുടിന്‍ തന്റെ ദ്വിദിന സന്ദര്‍ശനത്തിനായി ഇന്ത്യയിലെത്തുന്നത് പ്രധാനമന്ത്രി നരേന്ദ്ര മോദിയുമായി ചര്‍ച്ച നടത്താനാണ്. ഇതുവരെ 22 വാര്‍ഷിക ഉച്ചകോടി യോഗങ്ങള്‍ ഇന്ത്യയിലും റഷ്യയിലുമായി മാറിമാറി നടന്നിട്ടുണ്ട്. 

വരാനിരിക്കുന്ന ഉച്ചകോടി ഇരു രാജ്യങ്ങളും തമ്മിലുള്ള ഉഭയകക്ഷി തന്ത്രപരമായ ബന്ധം കൂടുതല്‍ ദൃഢമാക്കുന്നതിന് നിര്‍ണായക ഫലങ്ങള്‍ നല്‍കും.

നിലവില്‍ ഇന്ത്യയ്ക്ക് 200-ലധികം റഷ്യന്‍ യുദ്ധവിമാനങ്ങളും S-400 വ്യോമ പ്രതിരോധ സംവിധാനത്തിന്റെ നിരവധി ബാറ്ററികളുമുണ്ട്, ഇവ പാകിസ്ഥാനുമായുള്ള ഹ്രസ്വ സൈനിക സംഘട്ടനത്തില്‍ ഉപയോഗിച്ചിരുന്നു.