ഹിമാലയൻ യാത്രയ്ക്കിടെ സൂര്യാഘാതമേറ്റ പെരുമ്പാവൂർ സ്വദേശി മരിച്ചു

അലഹബാദ്: ഹിമാലയൻ യാത്രയ്ക്കിടെ സൂര്യാഘാതമേറ്റ പെരുമ്പാവൂർ സ്വദേശി അലഹബാദിൽ മരിച്ചു. പെരുമ്പാവൂർ അഞ്ജനം വീട്ടിൽ ഉണ്ണികൃഷ്ണൻ(58) ആണ് മരിച്ചത്. കഴിഞ്ഞ ഒരാഴ്ച മുൻപാണ് ഇദ്ദേഹം പെരുമ്പാവൂരിൽ നിന്ന് ഹിമാലയം യാത്രക്കായി പോയത്.

അലഹബാദിൽ നിന്നും ഹിമാലയൻ സന്ദർശനത്തിനായി പുറപ്പെടാനിരിക്കുകയായിരുന്നു. അതിനിടയിലാണ് ​സൂര്യാഘാതമേറ്റ് മരിച്ചത്. 

കപ്പൽ ജീവനക്കാരനായിരുന്നു ഉണ്ണിക്കൃഷ്ണൻ. റിട്ടയർമെൻ്റിന് ശേഷം ക്ഷേത്രങ്ങളിൽ സഹായിയായി പോയിരുന്നു. തീർത്ഥാടക സംഘത്തിനൊപ്പം പോവുന്നതായിരുന്നു ശീലം. മാസങ്ങളായി പല സ്ഥലങ്ങളിലേക്ക് പോയിവന്നിരുന്നു. അതിനിടയിൽ ഇന്നലെയാണ് ദാരുണമായ സംഭവമുണ്ടായത്.