വഖഫ് സ്വത്തുക്കളുടെ രജിസ്ട്രേഷൻ നീട്ടിയേക്കില്ല; വിസമ്മതിച്ച് സുപ്രീം കോടതി

ഡല്‍ഹി: വഖഫ് സ്വത്തുക്കളുടെ വിവരങ്ങള്‍ ഉമീദ് പോര്‍ട്ടലില്‍ അപ്ലോഡ് ചെയ്യുന്നതിനുള്ള ആറ് മാസത്തെ സമയപരിധി നീട്ടാന്‍ സുപ്രീം കോടതി വിസമ്മതിച്ചു.

അപേക്ഷകര്‍ക്ക് കട്ട് ഓഫ് തീയതിക്ക് മുമ്പ് ആശ്വാസത്തിനായി അതത് ട്രൈബ്യൂണലുകളെ സമീപിക്കാമെന്ന് നിരീക്ഷിച്ചു.

രേഖകളുടെ ഡിജിറ്റലൈസേഷനിലെ ഏതെങ്കിലും സാങ്കേതിക തകരാറുകള്‍ വഖഫ് ട്രൈബ്യൂണലിന് സമയപരിധി നീട്ടുന്നത് സംബന്ധിച്ച് തീരുമാനിക്കുമ്പോള്‍ പരിഗണിക്കാമെന്ന് ജസ്റ്റിസ് ദീപങ്കര്‍ ദത്ത, ജസ്റ്റിസ് അഗസ്റ്റിന്‍ ജോര്‍ജ് മാസിഹ് എന്നിവരടങ്ങിയ ബെഞ്ച് അഭിപ്രായപ്പെട്ടു.