ഭാര്യയെയും മകളെയും ബന്ധുവിനെയും അരിവാള്‍ കൊണ്ട് വെട്ടികൊന്ന് യുവാവ് തൂങ്ങിമരിച്ചു

ഹൈദരാബാദ്: തെലങ്കാനയിലെ വികാരാബാദ് ജില്ലയില്‍ യുവാവ് ഭാര്യയെയും മകളെയും ബന്ധുവായ സ്ത്രീയെയും കൊലപ്പെടുത്തി തൂങ്ങിമരിച്ചു. വീട്ടില്‍ നിന്ന് നാല് മൃതദേഹങ്ങള്‍ കണ്ടെത്തി.

ആക്രമണത്തിന് ശേഷം യുവാവ് തന്റെ മൂത്ത മകളെയും ആക്രമിച്ചിരുന്നു. പരിക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചു.

കുലകചെര്‍ല മണ്ഡലത്തില്‍ പുലര്‍ച്ചെ 2:30 നും 3:00 നും ഇടയിലാണ് സംഭവം നടന്നതെന്ന് ഉദ്യോഗസ്ഥര്‍ പറഞ്ഞു. മരിച്ചവരില്‍ 35 വയസ്സുള്ള ഭാര്യയും, 10 വയസ്സുള്ള ഇളയ മകളും, 40 വയസ്സുള്ള മറ്റൊരു ബന്ധുവും ഉള്‍പ്പെടുന്നു.

അരിവാള്‍ ഉപയോഗിച്ചാണ് ഇയാള്‍ കുറ്റകൃത്യം ചെയ്തതെന്ന് ഉദ്യോഗസ്ഥന്‍ പറഞ്ഞു. സംഭവത്തിന് ശേഷം പ്രതി വീട്ടില്‍ തൂങ്ങിമരിച്ചു. സംഭവത്തില്‍ പോലീസ് കേസ് രജിസ്റ്റര്‍ ചെയ്ത് അന്വേഷണം നടത്തിവരികയാണ്.