'ട്രംപ് സമാധാനത്തിന്റെ മനുഷ്യൻ'. നൊബേൽ സമാധാന സമ്മാനത്തിന് അർഹനെന്ന് പാക് പ്രധാനമന്ത്രി

ഇസ്ലാമാബാദ്:  ഗാസ സമാധാന ഉച്ചകോടിയില്‍ യുഎസ് പ്രസിഡന്റ് ട്രംപിനെ പ്രശംസ കൊണ്ട് മൂടി പാക് പ്രധാനമന്ത്രി ഷഹബാസ് ഷെരീഫ്. ട്രംപ് ദക്ഷിണേഷ്യയില്‍ സമാധാനം കൊണ്ടുവന്നുയെന്നത് മാത്രമല്ല, ദശലക്ഷക്കണക്കിന് പേരുടെ ജീവന്‍ രക്ഷിക്കുകയും ചെയ്തു. ട്രംപിനെ സമാധാനത്തിനുള്ള നോബല്‍ സമ്മാനത്തിന് നാമനിര്‍ദ്ദേശം ചെയ്യുന്നുവെന്നും ഷഹബാസ് ഷെരീഫ് പറഞ്ഞു.

ഗാസയില്‍ സമാധാനം പുനഃസ്ഥാപിക്കാന്‍ ലക്ഷ്യമിട്ട് ഈജിപ്ഷ്യന്‍ നഗരമായ ഷാം എല്‍-ഷെയ്ക്കില്‍ നടന്ന ഉച്ചകോടിയില്‍ ലോക നേതാക്കള്‍ ഒത്തുകൂടി.

ചെങ്കടലിലെ ഈ ആഡംബര റിസോര്‍ട്ട് പട്ടണത്തില്‍ നടന്ന സമ്മേളനത്തില്‍ 20-ലധികം രാജ്യങ്ങളില്‍ നിന്നുള്ള നേതാക്കള്‍ പങ്കെടുത്തു. ഗാസ വിഷയത്തിനൊപ്പം ധാരാളം നയതന്ത്ര പ്രശംസകളും ശ്രദ്ധ നേടി. 

പഹല്‍ഗാം ആക്രമണത്തിന് മറുപടിയായി ഇന്ത്യ പാകിസ്ഥാനെതിരെ ഓപ്പറേഷന്‍ സിന്ദൂര്‍ ആരംഭിച്ച മെയ് 7-ലെ സംഭവങ്ങളെ ഷഹബാസിന്റെ പ്രസംഗം വീണ്ടും പരാമര്‍ശിച്ചു . 

ട്രംപ് ഈ യുദ്ധത്തില്‍ ഇടപെട്ടില്ലായിരുന്നുവെങ്കില്‍ അടുത്തതായി എന്താണ് സംഭവിച്ചതെന്ന് പറയാന്‍ ആരാണ് ഇപ്പോഴും ജീവിച്ചിരിക്കുക എന്ന് അദ്ദേഹം ചോദിച്ചു.

'ഇന്ത്യയും പാകിസ്ഥാനും തമ്മിലുള്ള യുദ്ധം ആദ്യം അവസാനിപ്പിക്കുന്നതിലും പിന്നീട് തന്റെ അത്ഭുതകരമായ ടീമിനൊപ്പം വെടിനിര്‍ത്തല്‍ കൊണ്ടുവരുന്നതിലും മികച്ചതും അസാധാരണവുമായ സംഭാവന നല്‍കിയതിനാലാണ് പാകിസ്ഥാന്‍ പ്രസിഡന്റ് ട്രംപിനെ സമാധാനത്തിനുള്ള നോബല്‍ സമ്മാനത്തിന് നാമനിര്‍ദ്ദേശം ചെയ്തതെന്ന് ഞാന്‍ പറയും.'ഗാസയില്‍ 67,000 പേരുടെ മരണത്തിന് ശേഷം എത്തിയ സമാധാന കരാറിന് ട്രംപിനെ അഭിനന്ദിച്ച ഷഹബാസ് ഷെരീഫ് പറഞ്ഞു.