കൊഴുപ്പ് കൂടിയ ഭക്ഷണങ്ങള്‍ അമിതമായാല്‍

കൊഴുപ്പ് കൂടുതലുള്ള ഭക്ഷണങ്ങളില്‍ എണ്ണ, വെണ്ണ, നെയ്യ് എന്നിവ ഉപയോഗിച്ച് തയ്യാറാക്കുന്ന ഭക്ഷണങ്ങളും, വറുത്തതും പൊരിച്ചതുമായ ഭക്ഷണങ്ങളും, ഫാസ്റ്റ് ഫുഡ് വിഭവങ്ങളും, മധുര പലഹാരങ്ങളും ഉള്‍പ്പെടുന്നു. 

ശരീരത്തിന് ഊര്‍ജ്ജം നല്‍കാനും, കോശങ്ങള്‍ നിര്‍മ്മിക്കാനും, ശരീരത്തിലെ അവയവങ്ങളെ സംരക്ഷിക്കാനും കൊഴുപ്പ് അത്യാവശ്യമാണ്. എന്നാല്‍ അമിതമായി കൊഴുപ്പ് കഴിക്കുന്നത് ശരീരത്തില്‍ കൊഴുപ്പ് അടിഞ്ഞുകൂടാനും അമിതവണ്ണത്തിനും മറ്റ് ആരോഗ്യപ്രശ്‌നങ്ങള്‍ക്കും കാരണമാകും. 

നല്ല കൊഴുപ്പുകള്‍ (അപൂരിത കൊഴുപ്പുകള്‍) ശരീരത്തിന് ഗുണം ചെയ്യും. ഇവ കൂടുതലായി അടങ്ങിയ ഭക്ഷണങ്ങളില്‍ ഒലിവ് ഓയില്‍, കനോല ഓയില്‍, സൂര്യകാന്തി എണ്ണ, പരിപ്പ്, വിത്തുകള്‍, മത്സ്യം എന്നിവ ഉള്‍പ്പെടുന്നു.