കൊതുകിനെ ഓടിക്കാം...

കൊതുകുകടി ഒഴിവാക്കാന്‍ കട്ടിലിനു മുകളില്‍ കൊതുകുവല ഉപയോഗിക്കുന്നത് ഉറങ്ങുന്നതിനിടയില്‍ കൊതുകുകടി ഏല്‍ക്കാതിരിക്കാന്‍ സഹായിക്കും.

കൊതുകിനെ ഓടിക്കുന്ന ലോഷനുകള്‍ ശരീരത്തില്‍ പുരട്ടുന്നത് കൊതുകുകടി ഒഴിവാക്കാന്‍ സഹായിക്കും. ശരീരത്തിന്റെ ഭൂരിഭാഗം ഭാഗവും മറയ്ക്കുന്ന വസ്ത്രങ്ങള്‍ ധരിക്കുന്നത് കൊതുകുകടി ഏല്‍ക്കുന്നത് കുറയ്ക്കും.

വീടിന്റെ വാതിലുകളിലും ജനലുകളിലും കൊതുകുകയറാത്ത വലകള്‍ ഉപയോഗിക്കാം. വീടിനകത്ത് കൊതുകിനെ തുരത്താന്‍ എയര്‍കണ്ടീഷണറുകള്‍ ഉപയോഗിക്കാം.

മലേറിയ പടര്‍ന്നുപിടിച്ച പ്രദേശങ്ങളിലേക്കുള്ള യാത്ര ഒഴിവാക്കുക. യാത്ര ചെയ്യേണ്ടി വന്നാല്‍ കൊതുകുകടി ഏല്‍ക്കാതെ ശ്രദ്ധിക്കുക. മലേറിയ ബാധിച്ച പ്രദേശങ്ങളില്‍ പോകുമ്പോള്‍ ഡോക്ടറുടെ നിര്‍ദ്ദേശപ്രകാരം മലേറിയ പ്രതിരോധ മരുന്ന് കഴിക്കുന്നത് രോഗം വരാതിരിക്കാന്‍ സഹായിക്കും. വീടിനകത്തും പുറത്തും വെള്ളം കെട്ടിക്കിടക്കുന്നത് കൊതുകുകള്‍ പെരുകാന്‍ ഇടയാക്കും. അതിനാല്‍ വെള്ളം കെട്ടിക്കിടക്കുന്നത് ഒഴിവാക്കുക.