ശരീരത്തിലെ വിഷാംശങ്ങളെ പുറന്തള്ളാന്‍ കരിപ്പെട്ടി

കരിപ്പെട്ടിക്ക് ധാരാളം ആരോഗ്യ ഗുണങ്ങളുണ്ട്. ശുദ്ധീകരിച്ച പഞ്ചസാരയില്‍ നിന്ന് വ്യത്യസ്തമായി, കരിപ്പെട്ടിയില്‍ ഇരുമ്പ്, കാത്സ്യം, മഗ്നീഷ്യം, പൊട്ടാസ്യം തുടങ്ങിയ ധാരാളം ധാതുക്കള്‍ അടങ്ങിയിട്ടുണ്ട്. 

ഇതില്‍ അടങ്ങിയിരിക്കുന്ന ആന്റിഓക്സിഡന്റുകളും സിങ്കും പ്രതിരോധ സംവിധാനത്തെ ശക്തിപ്പെടുത്താനും അസുഖങ്ങളെ ചെറുക്കാനും സഹായിക്കുന്നു. ദഹനവ്യവസ്ഥയെ ശുദ്ധീകരിക്കുന്നതിനും കരളിലെ അനാവശ്യ കണങ്ങളെ നീക്കം ചെയ്യുന്നതിനും ഇത് സഹായിക്കും. 

ശരീരത്തിലെ വിഷാംശങ്ങളെ പുറന്തള്ളാന്‍ സഹായിക്കുന്ന ഡൈയൂററ്റിക് (മൂത്രവിസര്‍ജ്ജനം വര്‍ദ്ധിപ്പിക്കുന്ന) ഗുണങ്ങളുണ്ട്. കാത്സ്യം ധാരാളം അടങ്ങിയിരിക്കുന്നതിനാല്‍ എല്ലുകളുടെയും പല്ലുകളുടെയും ആരോഗ്യം മെച്ചപ്പെടുത്തുന്നു. ഇത് സന്ധി വേദനയെ ലഘൂകരിക്കാനും സഹായിക്കും. 

ശരീരത്തിലെ ഉപാപചയ പ്രവര്‍ത്തനങ്ങളെ സന്തുലിതമാക്കാനും ഊര്‍ജ്ജം നല്‍കാനും കരിപ്പെട്ടി സഹായിക്കും. പതിവായി കഴിക്കുന്നത് ആസ്ത്മ, അലര്‍ജി തുടങ്ങിയ രോഗങ്ങളെ അകറ്റാന്‍ സഹായിക്കും. 
രോഗപ്രതിരോധ ശേഷി വര്‍ദ്ധിപ്പിക്കാനും രക്തവുമായി ബന്ധപ്പെട്ട വൈകല്യങ്ങള്‍ തടയാനും ഇത് സഹായിക്കും. അസ്ഥികളെ ശക്തിപ്പെടുത്തുന്നതിനാല്‍ സന്ധി വേദനയും അനുബന്ധ പ്രശ്‌നങ്ങളും കുറയ്ക്കാന്‍ സഹായിക്കുന്നു.