കരള്‍ രോഗികള്‍ക്ക് കൊഴുപ്പ് കുറഞ്ഞ ഭക്ഷണങ്ങള്‍

കരള്‍ രോഗികള്‍ക്ക് കൊഴുപ്പ് കുറഞ്ഞ, നാരുകള്‍ അടങ്ങിയതും പോഷകസമൃദ്ധവുമായ ഭക്ഷണം നല്ലതാണ്. 

ചീര, കാബേജ് തുടങ്ങിയ ഇലക്കറികള്‍ വിഷാംശം നീക്കാനും കരളിന് ഗുണകരമായ ക്ലോറോഫില്‍ ധാരാളമായി അടങ്ങിയിരിക്കുന്നതുകൊണ്ടും ശരീരഭാരം കുറയ്ക്കാന്‍ സഹായിക്കും. ബെറികള്‍, ഓറഞ്ച്, നാരങ്ങ, ആപ്പിള്‍, അവോക്കാഡോ, പപ്പായ, തണ്ണിമത്തന്‍ എന്നിവ ആന്റിഓക്‌സിഡന്റുകളാലും നാരുകളാലും സമ്പന്നമാണ്. ഇത് ദഹനത്തെ സഹായിക്കുകയും കരളിനെ സംരക്ഷിക്കുകയും ചെയ്യുന്നു. 

വാല്‍നട്ട്, ബദാം തുടങ്ങിയ നട്‌സുകളില്‍ ആരോഗ്യകരമായ കൊഴുപ്പ്, വിറ്റാമിന്‍ ഇ, ആന്റിഓക്‌സിഡന്റുകള്‍ എന്നിവ അടങ്ങിയിട്ടുണ്ട്, ഇത് കരളിന് ക്ഷതം വരാതെ കാക്കുന്നു. 

ഓട്‌സ്, തവിട്ടുനെല്ല്, ക്വിനോവ പോലുള്ള ധാന്യങ്ങളില്‍ നാരുകളും സങ്കീര്‍ണ്ണമായ കാര്‍ബോഹൈഡ്രേറ്റുകളും അടങ്ങിയിട്ടുണ്ട്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാനും ആരോഗ്യകരമായ ഭാരം നിലനിര്‍ത്താനും സഹായിക്കുന്നു. 

സാല്‍മണ്‍, അയല, മത്തി എന്നിവയിലെ ഒമേഗ-3 ഫാറ്റി ആസിഡുകള്‍ വീക്കം കുറയ്ക്കാനും കരളിന്റെ പ്രവര്‍ത്തനത്തെ പിന്തുണയ്ക്കാനും സഹായിക്കുന്നു. കോളിഫ്‌ലവര്‍ തുടങ്ങിയ ക്രൂസിഫെറസ് പച്ചക്കറികള്‍ കരള്‍ എന്‍സൈമുകളെ ഉത്തേജിപ്പിക്കുകയും വിഷാംശം ഇല്ലാതാക്കുകയും ചെയ്യും.