പ്രോട്ടീന്‍, വിറ്റാമിനുകള്‍, ഇരുമ്പ്, ധാതുക്കള്‍; കക്കയിറച്ചിയിലുണ്ട് എല്ലാം

കക്കയിറച്ചിപ്രോട്ടീന്‍, വിറ്റാമിനുകള്‍, ധാതുക്കള്‍ എന്നിവയുടെ കലവറയാണ്. ഇരുമ്പിന്റെ മികച്ച ഉറവിടം കൂടിയാണ് കക്കയിറച്ചി. പേശികളുടെ വളര്‍ച്ചയ്ക്കും കേടുപാടുകള്‍ തീര്‍ക്കുന്നതിനും ശരീരത്തിന് ആവശ്യമായ പ്രോട്ടീന്‍ കക്കയിറച്ചിയില്‍ നിന്ന് ലഭിക്കുന്നു.

വിളര്‍ച്ച തടയാനും ശരീരത്തിന് ഊര്‍ജ്ജം നല്‍കാനും ഇരുമ്പ് അത്യാവശ്യമാണ്. കക്കയിറച്ചി ഇരുമ്പിന്റെ നല്ല ഉറവിടമാണ്. നാഡീവ്യവസ്ഥയുടെ ശരിയായ പ്രവര്‍ത്തനത്തിന് വിറ്റാമിന്‍ ബി 12 ആവശ്യമാണ്. കക്കയിറച്ചിയില്‍ ധാരാളമായി വിറ്റാമിന്‍ ബി 12 അടങ്ങിയിട്ടുണ്ട്.

തൈറോയിഡ് ഗ്രന്ഥിയുടെ ശരിയായ പ്രവര്‍ത്തനത്തിന് കക്കയിറച്ചി സഹായിക്കുന്നു. മാനസിക ക്ഷീണം അകറ്റാനും മസ്തിഷ്‌കത്തിന്റെ ശരിയായ പ്രവര്‍ത്തനത്തിനും കക്കയിറച്ചി കഴിക്കുന്നത് നല്ലതാണ്. ഹൃദയാരോഗ്യത്തിന് അത്യാവശ്യമായ ഒമേഗ 3 ഫാറ്റി ആസിഡുകള്‍ കക്കയിറച്ചിയില്‍ ഉണ്ട്. കാത്സ്യം, സിങ്ക്, മാംഗനീസ് തുടങ്ങിയ ധാതുക്കള്‍ കക്കയിറച്ചിയില്‍ അടങ്ങിയിട്ടുണ്ട്. ഇത് എല്ലുകളുടെയും പല്ലുകളുടെയും ആരോഗ്യത്തിന് പ്രധാനമാണ്