കളര്‍കോട് വാഹനാപകടം: കാറുടമയ്‌ക്കെതിരേ  മോട്ടോര്‍ വാഹന വകുപ്പ് കേസെടുത്തു

ആലപ്പുഴ: കളര്‍കോട് വാഹനാപകടത്തില്‍ കാറുടമയ്‌ക്കെതിരേ മോട്ടോര്‍ വാഹനവകുപ്പ് കേസെടുത്തു. കാക്കാഴം സ്വദേശി ഷാമില്‍ ഖാനെതിരെയാണ് കേസെടുത്തത്. വാഹനം നിയമവിരുദ്ധമായി വാടകയ്ക്ക് നല്‍കിയതിനാണ് നടപടി. 

വാഹനം വാടകയ്ക്ക് നല്‍കിയതല്ലെന്നാണ് ഷാമില്‍ പറയുന്നത്. അപകടത്തില്‍ പരിക്കേറ്റ വിദ്യാര്‍ഥികളുടെ മൊഴി കൂടി രേഖപ്പെടുത്തിയശേഷമാണ് കേസെടുത്തത്. 

വിദ്യാര്‍ഥികള്‍ ആയിരം രൂപ ഷാമിലിനു ഗൂഗിള്‍ പേ ചെയ്തു നല്‍കിയിരുന്നു. ഇതിന്റെ ബാങ്ക് രേഖകളും ശേഖരിച്ചിട്ടുണ്ട്. മോട്ടോര്‍ വാഹന നിയമപ്രകാരമാണ് കേസെടുത്തത്.