കായംകുളത്ത് കെ.എസ്.ആര്‍.ടി.സി. ബസും സ്വകാര്യ ബസും കൂട്ടിയിടിച്ച് അപകടം; ഇരുപത് പേര്‍ക്ക് പരിക്ക്

ആലപ്പുഴ: കായംകുളത്ത് കെ.എസ്.ആര്‍.ടി.സി. ബസും സ്വകാര്യ ബസും കൂട്ടിയിടിച്ചു. അപകടത്തില്‍ വിദ്യാര്‍ത്ഥികള്‍ ഉള്‍പ്പെടെ ഇരുപത് പേര്‍ക്ക് പരിക്കേറ്റു. 

ഇന്ന് രാവിലെ കെ.പി. റോഡില്‍ മൂന്നാം കുറ്റിക്ക് സമീപം കായംകുളത്ത് നിന്ന് അടൂരിലേക്ക് പോയ ബസുകളാണ് അപകടത്തില്‍പ്പെട്ടത്. കെ.എസ്.ആര്‍.ടി.സി. ബസ് മറികടക്കാന്‍ ശ്രമിക്കുന്നതിനിടെ സ്വകാര്യബസ് കെ.എസ്.ആര്‍.ടി.സി. ബസിന് പിന്നില്‍ ഇടിക്കുകയായിരുന്നു.