തിരുവമ്പാടിയില്‍ വയോധികയെ കഴുത്ത് മുറിച്ച്  മരിച്ച നിലയില്‍ കണ്ടെത്തി; മൃതദേഹം പശുത്തൊഴുത്തില്‍  കൈഞരമ്പ് മുറിച്ച് കസേരയില്‍ ഇരിക്കുന്ന നിലയില്‍

കോഴിക്കോട്: തിരുവമ്പാടിയില്‍ വയോധികയെ കഴുത്ത് മുറിച്ച് മരിച്ച നിലയില്‍ കണ്ടെത്തി. ആനക്കാംപൊയില്‍ ഓടപൊയില്‍ കരിമ്പിന്‍ പുരയിടത്തില്‍ റോസമ്മ(72)യാണ് മരിച്ചത്.

വീടിനോട് ചേര്‍ന്നുള്ള പശുത്തൊഴുത്തില്‍ കസേരയില്‍ ഇരിക്കുന്ന നിലയിലാണ് മൃതദേഹം കണ്ടെത്തിയത്. കൈ ഞരമ്പും മുറിച്ച നിലയിലാണ്. തിരുവമ്പാടി പോലീസും ഫോറന്‍സിക്, ഫിംഗര്‍ പ്രിന്റ്, ഡോഗ് സ്‌ക്വാഡ് സംഘങ്ങളും സ്ഥലത്ത് പരിശോധന നടത്തുകയാണ്.