വയറുവേദന, വയറിളക്കം; ഓറഞ്ച് അമിതമായാല്‍

ഓറഞ്ച് അമിതമായി കഴിച്ചാല്‍ ഓറഞ്ചിലെ ഉയര്‍ന്ന അളവിലുള്ള ആസിഡ് നെഞ്ചെരിച്ചിലിനും അസിഡിറ്റിക്കും കാരണമാകും, ഇത് വയറ്റില്‍ ഗുരുതരമായ പ്രശ്‌നങ്ങള്‍ ഉണ്ടാക്കിയേക്കാം. 

ഓറഞ്ചിലെ ആസിഡ് പല്ലിന്റെ ഇനാമലിനെ ദോഷകരമായി ബാധിക്കാം. ഓറഞ്ചിലെ ഉയര്‍ന്ന നാരുകള്‍ ദഹനക്കേട്, വയറുവേദന, വയറിളക്കം എന്നിവയ്ക്ക് കാരണമാകാം. വൃക്ക സംബന്ധമായ രോഗങ്ങളുള്ളവര്‍ അമിതമായി ഓറഞ്ച് കഴിക്കുന്നത് വിട്ടുമാറാത്ത രോഗങ്ങള്‍ക്ക് കാരണമായേക്കാം. 

ഫ്രക്ടോസ് ധാരാളം അടങ്ങിയ ഓറഞ്ച് ജ്യൂസ് വെറും വയറ്റില്‍ കുടിക്കുന്നത് രക്തത്തിലെ പഞ്ചസാരയുടെ അളവ് കൂട്ടാന്‍ സാധ്യതയുണ്ട്. ഓറഞ്ച് ജ്യൂസ് അമിതമായി കഴിച്ചാല്‍ ഓക്കാനം, ഛര്‍ദ്ദി, തലവേദന, വയറു വീര്‍ക്കുക തുടങ്ങിയ പ്രശ്‌നങ്ങളും ഉണ്ടാകാം.