ഹരിപ്പാട് ലോട്ടറി തൊഴിലാളിയെ  കിണറ്റില്‍ മരിച്ച നിലയില്‍ കണ്ടെത്തി

ഹരിപ്പാട്: ലോട്ടറി തൊഴിലാളിയെ കിണറ്റില്‍ മരിച്ച നിലയില്‍ കണ്ടെത്തി. മുതുകുളം തെക്ക് കാങ്കാലില്‍ വീട്ടില്‍ ബി. വേണുകുമാറിനെ(53)യാണ് വീടിന് സമീപത്തുള്ള ആള്‍താമസമില്ലാത്ത വീട്ടിലെ കിണറ്റില്‍ മരിച്ച നിലയില്‍ കണ്ടെത്തിയത്. അസുഖത്തെത്തുടര്‍ന്നുള്ള മനോവിഷമത്താല്‍ ആത്മഹത്യ ചെയ്‌തെന്നാണ് നിഗമനം. 

ഭിന്നശേഷിക്കാരനായ വേണുകുമാര്‍ മുതുകുളം തെക്ക് മാമൂട് ജങ്ഷനില്‍ ലോട്ടറി കച്ചവടം നടത്തിവരികയായിരുന്നു. വെള്ളിയാഴ്ച വൈകുന്നേരം അഞ്ചിന് പ്രദേശവാസിയാണ്  വേണുകുമാര്‍ ഉപയോഗിച്ചിരുന്ന വടിയും വസ്ത്രങ്ങളും ചെരിപ്പും കിണറിനു സമീപത്ത് കണ്ടത്.

കായംകുളത്ത് നിന്ന് ഫയര്‍ഫോഴ്‌സ് വന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. ഭാര്യ: ശോഭ. മക്കള്‍: സാന്ദ്ര, ശ്രുതി. മരുമകന്‍: നന്ദു. മൃതദേഹം കായംകുളം താലൂക്ക് ആശുപത്രി മോര്‍ച്ചറിയില്‍.