കടുത്ത തലവേദന, പനി; മസ്തിഷ്‌കജ്വരത്തിന്റെ ലക്ഷണങ്ങളറിയാം

മസ്തിഷ്‌കജ്വരത്തിന്റെ ലക്ഷണങ്ങള്‍ കണ്ടാല്‍ എത്രയും പെട്ടെന്ന് വൈദ്യസഹായം തേടണം. 

കടുത്ത തലവേദന
പനി
ഓക്കാനം
ഛര്‍ദ്ദി
കഴുത്ത് തിരിക്കാന്‍ ബുദ്ധിമുട്ട്
വെളിച്ചത്തിലേക്ക് നോക്കാന്‍ ബുദ്ധിമുട്ട്

കുട്ടികളിലെ ലക്ഷണങ്ങള്‍: ഭക്ഷണം കഴിക്കാന്‍ വിമുഖത, നിഷ്‌ക്രിയരായി കാണപ്പെടുന്നത്, സാധാരണമല്ലാത്ത പ്രതികരണങ്ങള്‍. ഗുരുതരമായ അവസ്ഥയിലുള്ള ലക്ഷണങ്ങള്‍ അപസ്മാരം, ബോധക്ഷയം, ഓര്‍മ്മക്കുറവ്, ശരീരത്തിനുള്ള അനക്കങ്ങളില്‍ ഉണ്ടാകുന്ന പ്രശ്‌നങ്ങള്‍, സംസാരശേഷി നഷ്ടപ്പെടല്‍.
 
ഈ ലക്ഷണങ്ങള്‍ കണ്ടാല്‍ ഉടന്‍ തന്നെ ഡോക്ടറെ കാണുക. കെട്ടിക്കിടക്കുന്ന വെള്ളത്തില്‍ കുളിക്കുകയോ ഡൈവ് ചെയ്യുകയോ ചെയ്തവരാണെങ്കില്‍ അത് ഡോക്ടറെ അറിയിക്കണം. വെള്ളത്തില്‍ കളിക്കുമ്പോഴോ കുളിക്കുമ്പോഴോ മൂക്കിലേക്ക് വെള്ളം കയറുന്നത് ഒഴിവാക്കാന്‍ ശ്രദ്ധിക്കുക. അമീബിക് മസ്തിഷ്‌കജ്വരം പോലുള്ള രോഗങ്ങള്‍ വരാതിരിക്കാന്‍ ജലസ്രോതസ്സുകളില്‍ കുളിക്കുന്നത് ഒഴിവാക്കുക.