കുടലിന്റെ ആരോഗ്യം മെച്ചപ്പെടുത്താന്‍ പൈനാപ്പിള്‍ ജ്യൂസ്

പൈനാപ്പിള്‍ ജ്യൂസിലെ വിറ്റാമിന്‍ സിയും മറ്റ് ആന്റിഓക്സിഡന്റുകളും ശരീരത്തിന്റെ രോഗപ്രതിരോധ സംവിധാനം ശക്തിപ്പെടുത്താന്‍ സഹായിക്കുന്നു. ബ്രോമെലൈന്‍ എന്ന എന്‍സൈം പ്രോട്ടീനുകളെ തകര്‍ത്ത് ദഹനം എളുപ്പമാക്കുന്നു. ഇത് മലബന്ധം കുറയ്ക്കാനും കുടലിന്റെ ആരോഗ്യം മെച്ചപ്പെടുത്താനും സഹായിക്കും.

രക്തയോട്ടം മെച്ചപ്പെടുത്താനും ഹൃദ്രോഗ സാധ്യത കുറയ്ക്കാനും ഇത് സഹായിക്കും. ബ്രോമെലൈന്‍ വീക്കം കുറയ്ക്കാന്‍ സഹായിക്കുന്നു, ഇത് സ്‌പോര്‍ട്‌സ് പരിക്കുകള്‍ പോലുള്ള പ്രശ്‌നങ്ങള്‍ക്ക് ആശ്വാസം നല്‍കും.

ഇതിലെ മ്യൂക്കോലൈറ്റിക് ഗുണങ്ങള്‍ ശ്വാസനാളം വൃത്തിയാക്കാന്‍ സഹായിക്കുമെന്നും ഇത് ചുമ നിയന്ത്രിക്കാന്‍ ഫലപ്രദമാണെന്നും കരുതപ്പെടുന്നു. വിറ്റാമിന്‍ സിയും മറ്റ് പോഷകങ്ങളും ചര്‍മ്മത്തിന്റെ ആരോഗ്യത്തിന് ഗുണകരമാണ്.