ഉണക്കമുന്തിരിയില്‍ ഉയര്‍ന്ന അളവില്‍ കലോറി

ഉണക്കമുന്തിരിയില്‍ ഉയര്‍ന്ന അളവില്‍ കലോറി അടങ്ങിയിട്ടുണ്ട്. ഇത് അമിതമായി കഴിച്ചാല്‍ ശരീരഭാരം കൂടാന്‍ കാരണമാകും. ഉണക്കമുന്തിരിയില്‍ നാരുകള്‍ ധാരാളമുണ്ട്. ഇത് മലബന്ധം അകറ്റാന്‍ സഹായിക്കുമെങ്കിലും അമിതമായി കഴിച്ചാല്‍ വയറുവേദന, വയറുവീര്‍പ്പ്, ഗ്യാസ് തുടങ്ങിയ ദഹനപ്രശ്‌നങ്ങളുണ്ടാകാന്‍ സാധ്യതയുണ്ട്.

ചില ആളുകള്‍ക്ക് ഉണക്കമുന്തിരിയോടു അലര്‍ജിയുണ്ടാകാം. ഇത് ചര്‍മ്മത്തില്‍ ചൊറിച്ചില്‍, തടിപ്പ്, ശ്വാസമെടുക്കാന്‍ ബുദ്ധിമുട്ട് തുടങ്ങിയ ലക്ഷണങ്ങളിലേക്ക് നയിച്ചേക്കാം. ഉണക്കമുന്തിരിയില്‍ പഞ്ചസാരയുടെ അളവ് കൂടുതലാണ്. 

ഇത് പല്ലില്‍ പറ്റിപ്പിടിച്ച് പല്ലിന് കേടുവരുത്താന്‍ സാധ്യതയുണ്ട്. പ്രമേഹമുള്ളവര്‍ ഉണക്കമുന്തിരി അമിതമായി കഴിക്കുകയാണെങ്കില്‍ രക്തത്തിലെ പഞ്ചസാരയുടെ അളവ് കൂടാന്‍ സാധ്യതയുണ്ട്. ചിലരില്‍ തലവേദന, മൈഗ്രേന്‍, നെഞ്ചെരിച്ചില്‍ തുടങ്ങിയ പ്രശ്‌നങ്ങളുമുണ്ടാകാം.