സാങ്കേതിക തകരാറിനെ തുടർന്ന് ദോഹയിലേക്കുള്ള എയർ ഇന്ത്യ എക്സ്പ്രസ് വിമാനം കോഴിക്കോട്ടേക്ക് തിരിച്ചുവിട്ടു

കോഴിക്കോട്:  കോഴിക്കോട് നിന്ന് ദോഹയിലേക്ക് ബുധനാഴ്ച രാവിലെ പോയ എയര്‍ ഇന്ത്യ എക്‌സ്പ്രസ് വിമാനം സാങ്കേതിക തകരാറിനെ തുടര്‍ന്ന് പറന്നുയര്‍ന്ന ഉടന്‍ തന്നെ കോഴിക്കോട് വിമാനത്താവളത്തിലേക്ക് തിരിച്ചുവിട്ടു.

'സാങ്കേതിക പ്രശ്നം കാരണം ഞങ്ങളുടെ ഒരു വിമാനം പറന്നുയര്‍ന്ന ശേഷം കോഴിക്കോടേക്ക് തിരിച്ചുപോയി. മുന്‍ഗണനാക്രമത്തില്‍ ഒരു ബദല്‍ വിമാനം ഞങ്ങള്‍ ക്രമീകരിച്ചു.

വൈകിയ സമയത്ത് അതിഥികള്‍ക്ക് ലഘുഭക്ഷണം നല്‍കി. വിമാനം പുറപ്പെട്ടു. അസൗകര്യത്തില്‍ ഞങ്ങള്‍ ഖേദിക്കുന്നു. ഞങ്ങളുടെ പ്രവര്‍ത്തനങ്ങളുടെ എല്ലാ മേഖലകളിലും സുരക്ഷ ഞങ്ങളുടെ മുന്‍ഗണനയാണെന്ന് ആവര്‍ത്തിക്കുന്നു' എന്ന് എയര്‍ ഇന്ത്യ എക്‌സ്പ്രസ് വക്താവ് പറഞ്ഞു.