കാവാലത്ത് തെരുവ് നായയുടെ അക്രമത്തില്‍ കുട്ടിയ്ക്ക് പരിക്ക്. തെരുവു നായയുടെ ആക്രമണത്തില്‍ പരിക്കേറ്റത് വീട്ടുമുറ്റത്ത് കളിച്ചുകൊണ്ടിരുന്ന അഞ്ചു വയസ്സുള്ള കുട്ടിയ്ക്ക്

കുട്ടനാട്: കാവാലത്ത് തെരുവ് നായയുടെ അക്രമത്തില്‍ കുട്ടിയ്ക്ക് പരിക്ക്. വീട്ടുമുറ്റത്ത് കളിച്ചുകൊണ്ടിരുന്ന അഞ്ചു വയസ്സുള്ള കുട്ടിയ്ക്കാണ് തെരുവു നായയുടെ ആക്രമണത്തില്‍ പരിക്കേറ്റത്. പതിനൊന്നാം വാര്‍ഡ് ചെന്നാട്ട് വീട്ടില്‍ പ്രദീപിന്റെ മകന്‍ തേജസിനാണ് നായയുടെ കടിയേറ്റത്. 

കുട്ടിയുടെ തലയിലും കണ്ണിലും കയ്യിലും വയറിലും കടിച്ചു. കോട്ടയം മെഡിക്കല്‍ കോളേജില്‍ ചികിത്സ തേടി. ഈ കുട്ടിയെ കടിക്കുന്നതിനു മുന്‍പ് മറ്റൊരു പെണ്‍കുട്ടിയെയും റോഡില്‍ വെച്ച് പട്ടി കടിക്കാന്‍ ശ്രമിച്ചു. 

കുട്ടിയുടെ വസ്ത്രം കടിച്ചു വലിച്ചുകീറി. കാവാലം ഭാഗത്ത് തെരുവ് നായയുടെ ശല്യം രൂക്ഷമാണ്. റോഡ് വശങ്ങളില്‍ നായ്ക്കള്‍ അലഞ്ഞുതിരിഞ്ഞ് നടക്കുകയാണെന്ന് പരാതി ഉയരുന്നു.