സ്വകാര്യ ട്യൂഷൻ സെൻ്ററിന് സമീപം വിദ്യാർത്ഥികൾ ഏറ്റുമുട്ടി. പത്താം ക്ലാസ് വിദ്യാർത്ഥിയുടെ നില ആതീവ ​ഗുരുതരം

കോഴിക്കോട്: താമരശ്ശേരിയിലെ സ്വകാര്യ ട്യൂഷൻ സെൻ്ററിന് സമീപം വെച്ച് വിദ്യാർത്ഥികൾ തമ്മിൽ ഏറ്റുമുട്ടി. വിദ്യാർത്ഥികൾ പരസ്പരം നടത്തിയ സംഘർഷത്തിൽ പത്താം ക്ലാസ് വിദ്യാർത്ഥിക്ക് പരിക്കേറ്റു. 

വിദ്യാർത്ഥിയുടെ നില അതീവ ഗുരുതരമെന്നാണ് റിപ്പോർട്ട്. എളേറ്റിൽ വട്ടോളി എം ജെ ഹയർ സെക്കണ്ടറി സ്കൂളിലെ മുഹമ്മദ് ഷഹബാസിന്റെ തലയ്ക്കാണ് സാരമായി പരിക്കേറ്റത്.

കഴിഞ്ഞ ഞായറാഴ്ചയായിരുന്നു സംഭവത്തിന്റെ തുടക്കം. എളേറ്റിൽ വട്ടോളി എം ജെ ഹയർ സെക്കണ്ടറി സ്കൂളിലെ കുട്ടികളുമാണ് താമരശ്ശേരി ഹയർ സെക്കണ്ടറി സ്കൂളിലെ കുട്ടികളുമാണ് പരസ്പരം ഏറ്റുമുട്ടിയത്. 

ട്യൂഷൻ സെൻ്ററിൽ പത്താം ക്ലാസുകാരുടെ "ഫെയർ വെൽ" പരിപാടിയുമായി ബന്ധപ്പെട്ട തര്‍ക്കമാണ് സംഘര്‍ഷത്തിന് കാരണം. 

ഞായറാഴ്ചയായിരുന്നു ട്യൂഷൻ സെന്ററിലെ പരിപാടി. ഇതിന്റെ തർക്കത്തിന്റെ തുടർച്ചയായി ഇന്നലെയാണ് വിദ്യാർത്ഥികൾ ഏറ്റുമുട്ടിയത്.