വിദ്യാർഥികളുമായി സൗഹൃദം സ്ഥാപിക്കാൻ കാറും ബൈക്കും ഓടിക്കാൻ നൽകും. മദ്യവും കഞ്ചാവും നൽകി പീഡിപ്പിക്കും. വിദ്യാർത്ഥികളുടെ പരാതിയിൽ ബാർബർ ഷോപ്പ് ഉടമ പോക്സോ കേസിൽ അറസ്റ്റിൽ

മലപ്പുറം: മദ്യവും കഞ്ചാവും നൽകി വിദ്യാർഥികളെ പീഡിപ്പിച്ച ബാർബർ ഷോപ്പ് ഉടമയെ പൊലീസ് പിടികൂടി. താനാളൂർ ചാക്കുംകാട്ടിൽ വീട്ടിൽ അഹമ്മദ് കബീറിനെയാണ് (36) താനൂർ പൊലീസ് അറസ്റ്റ് ചെയ്ത്. 

താനാളൂരിൽ ബാർബർ ഷോപ്പ് നടത്തുന്ന കബീർ കാറും ബൈക്കും ഓടിക്കാൻ നൽകി കുട്ടികളുമായി സൗഹൃദം സ്ഥാപിച്ച ശേഷം മദ്യവും കഞ്ചാവും നൽകി കുട്ടികളെ ലൈംഗിക ചൂഷണത്തിന് ഇരയാക്കുകയായിരുന്നു. 

താനാളൂർ ബ്യൂട്ടി ഹെയർ സലൂൺ എന്ന ബാർബർ ഷോപ്പിൽ വെച്ചാണ് ഇയാൾ കുട്ടികളെ ലൈംഗികാതിക്രമത്തിന് ഇരയാക്കിയിരുന്നത്.

നാല് കുട്ടികളുടെ പരാതിയിൽ പ്രതിയെ പോക്സോ ചുമത്തിയാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.