Advertisment

പാലക്കാട് വിൽപ്പനയ്ക്കായി സൂക്ഷിച്ചിരുന്ന എട്ടേകാൽ കിലോ കഞ്ചാവും 162 ലിറ്റർ ചാരായവുമായി പ്രതികൾ എക്‌സൈസിന്റെ പിടിയിൽ

New Update
GANJA

പാലക്കാട്: വിൽപ്പനയ്ക്കായി വാടക വീടിനുള്ളിൽ ഒളിപ്പിച്ച് സൂക്ഷിച്ചിരിക്കുകയായിരുന്ന എട്ടേകാൽ കിലോ കഞ്ചാവും 162 ലിറ്റർ ചാരായവുമായി പ്രതികൾ എക്‌സൈസിന്റെ പിടിയിൽ. 

Advertisment

8.32 കിലോഗ്രാം കഞ്ചാവാണ് തിരുവേഗപ്പുറ സ്വദേശി മുസ്തഫ (66) യിൽ നിന്ന് പിടിച്ചെടുത്തത്. വീടിനുള്ളിൽ നടത്തിയ എക്സൈസ് പരിശോധനയിലാണ് ഇവ കണ്ടെത്തിയത്. പട്ടാമ്പി എക്സൈസ് റേഞ്ച് ഇൻസ്‌പെക്ടർ എച്ച് വിനുവും സംഘവും ചേർന്നാണ് കഞ്ചാവ് കണ്ടെടുത്തത്. 

അതേസമയം പാലക്കാട് മണ്ണാർക്കാട് ഒളിപ്പിച്ച് സൂക്ഷിച്ചിരുന്ന 162 ലിറ്റർ ചാരായം കൂടി കണ്ടെടുത്തു. 35 ലിറ്റർ ചാരായവുമായി എക്സൈസ് പിടികൂടിയ പ്രതിയുടെ സ്ഥലത്തുനിന്നുമാണ് വീണ്ടും ചാരായം പിടിച്ചത്. മണ്ണാർക്കാട് സ്വദേശിയായ ഗോപിനാഥന്റെ ഉടമസ്ഥതയിലുള്ള സ്ഥലത്ത് നിന്നാണ് ചാരായം കണ്ടെടുത്തത്. ഇയാൾ ചാരായവുമായി പിടിയിലായതിന് നിലവിൽ റിമാന്റിൽ കഴിയുകയാണ്. തുടർന്നാണ് എക്സൈസുകാർ ഇയാളുടെ ഉടമസ്ഥതയിലുള്ള സ്ഥലത്ത് വീണ്ടും പരിശോധന നടത്തിയത്. 

മണ്ണാർക്കാട് എക്സൈസ് റേഞ്ച് ഓഫീസിലെ അസിസ്റ്റന്റ് എക്സൈസ് ഇൻസ്‌പെക്ടർ ബഷീർകുട്ടിയുടെ നേതൃത്വത്തിലാണ് പരിശോധന നടത്തിയത്. സിവിൽ എക്സൈസ് ഓഫീസർമാരായ ആശ്വന്ത്, രാജു എന്നിവരും എക്സൈസ് സംഘത്തിലുണ്ടായിരുന്നു.

Advertisment