/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/31/MCuNUfXCRDiBvgrjFG8z.jpg)
മലപ്പുറം: പെരുന്നാൾ ദിനത്തിൽ കൊച്ചുമകന്റെ നേട്ടത്തിലെ സന്തോഷം പങ്കുവച്ച് പി കെ കുഞ്ഞാലിക്കുട്ടി. പേരമകൻ അസാൻ ആഷിക്കിന് റോമ ഇന്റർനാഷണൽ കപ്പിൽ അണ്ടർ 15 വിഭാഗത്തിൽ ബൂട്ട് അണിയാനുള്ള അവസരം ലഭിച്ചെന്നും ഇത് ഏറെ സന്തോഷകരമായ വാർത്തയാണെന്നും കുഞ്ഞാലിക്കുട്ടി ഇൻസ്റ്റഗ്രാമിൽ കുറിച്ചു.
കൊച്ചുമകന്റെ ഫോട്ടോ ഉൾപ്പെടെയാണ് അദ്ദേഹം കുറിപ്പ് പങ്കുവച്ചത്. പെരുന്നാൾ ദിനത്തിൽ കൊച്ചുമകന്റെ വക ലഭിച്ച പെരുന്നാൾ സമ്മാനമാണ് ഈ നേട്ടമെന്നും അദ്ദേഹം പറഞ്ഞു.
"പെരുന്നാൾ സമ്മാനമായി പേരമകൻ അസാൻ ആഷിക്കിന്റെ വകയായൊരു സന്തോഷ വാർത്ത കിട്ടിയിരിക്കുന്നു. അസാന് പ്രശസ്ത ഫുട്ബോൾ ടൂർണമെന്റായ റോമ ഇന്റർനാഷണൽ കപ്പിൽ അണ്ടർ 15 വിഭാഗത്തിൽ ബൂട്ട് കെട്ടാൻ അവസരം ലഭിച്ചിരിക്കുന്നു എന്നതാണ് ആ സന്തോഷം.
ഇറ്റലിയിൽ വെച്ച് നടക്കുന്ന ടൂർണമെന്റിൽ യുഎഇയിലെ ടിഎഫ്പി അക്കാഡമിയെ പ്രതിനിധീകരിച്ചാണ് അസാൻ കളിക്കാനിറങ്ങുന്നത്. അസാനും സഹ ടീമംഗങ്ങൾക്കും എല്ലാ വിജയാശംസകളും നേരുന്നു."