ഇന്ന് ആഗസ്റ്റ് 20: ദേശീയ സദ്ഭാവന ദിനവും ലോക കൊതുകു ദിനവും ഇന്ന്: എന്‍. ആര്‍. നാരായണ മൂര്‍ത്തിയുടെയും ഗോവിന്ദമേനോന്‍ ശങ്കരനാരായണന്റെയും രാജസേനന്റേയും ജന്മദിനം: മാപ്പള ലഹള എന്നു കൂടി അറിയപ്പെടുന്ന 'മലബാര്‍ കലാപ'ത്തിന് തുടക്കമായതും ഹൈഡ്രജന്‍ ബോംബ് പരീക്ഷിച്ചതായി സോവിയറ്റ് യൂണിയന്‍ പരസ്യപ്പെടുത്തുന്നതും ചരിത്രത്തില്‍ ഇതേദിനം തന്നെ: ജ്യോതിര്‍ഗമയ വര്‍ത്തമാനങ്ങളും

1199   ചിങ്ങം 4
അത്തം  / ചതുർത്ഥി
2023  ആഗസ്റ്റ് 20, ഞായർ

ഇന്ന്;
ഇന്ന് ദേശീയ സദ്ഭാവന ദിനം !
***********
<രാജിവ് ഗാന്ധി ഭാരതീയ അക്ഷയ ഊർജ്ജ ദിനം ; ശ്രീപെരുമ്പത്തൂരിൽ വച്ച് തമിഴ് പുലികളാൽ  കൊല്ലപ്പെട്ട മുൻ പ്രധാനമന്ത്രി രാജിവ് ഗാന്ധിയുടെ ജന്മദിനം (1944)>

ലോക കൊതുകു ദിനം !
്്്്്്്്്്്്്്്്്്്്‌്‌
< World Mosquito Day ; ചെറുതെങ്കിലും വലിയ അപകടകാരികളായ രോഗവാഹകർ കൂടിയായ കൊതുകുകളെ കുറിച്ചുള്ള ബോധവത്കരണത്തിനുള്ള ദിനം >

ദേശീയ റേഡിയോ ദിനം !             
 **********

മെഡിക്കൽ ട്രാൻസ്പോർട്ടേഴ്സ്‌ ദിനം !
**************
< International Day of Medical Transporters
ആംബുലൻസ്‌ തുടങ്ങി ചികിത്സാ സംബന്ധിയായ വാഹനദാതാക്കളുടെ ദിനം. >

ഹങ്കറി: സെയ്ൻറ് സ്റ്റീഫൻസ് ഡേ !
എസ്റ്റോണിയ: സ്വാതന്ത്ര്യ പുനഃസ്ഥാപന ദിനം !

In USA :
* Break The Monotony Day
* National Chocolate Pecan Pie Day

 ഇന്നത്തെ മൊഴിമുത്ത്
 ്്്്്്്്്്്്്്്്്്്്‌്‌്‌
''മനുഷ്യാണാം മനുഷ്യത്വം 
ജാതിർഗോത്വം ഗവാം യഥാ 
ന ബ്രാഹ്മനാദിരസ്യൈവം 
ഹാ തത്ത്വം വേത്തി കോ പി ന.''

 - ശ്രീ നാരായണഗുരു >
*********** 
ഇൻഫോസിസ് സ്ഥാപകരിലൊരാളായ എൻ. ആർ. നാരായണ മൂർത്തിയുടെയും (1946),

സെന്റർ ഫോർ ഹെറിറ്റേജ് സ്റ്റഡീ സെന്ററിന്റെ ഡയറകടറായിരുന്ന പ്രമുഖ ചരിത്രപണ്ഡിതനും അദ്ധ്യാപകനും എഴുത്തുകാരനുമായ പ്രൊഫ. എം.ജി.എസ്. നാരായണൻ  എന്ന മുറ്റയിൽ ഗോവിന്ദമേനോൻ ശങ്കരനാരായണന്റെയും (1932),

1982-ൽ മരുപ്പച്ച എന്ന സിനിമയിൽ സംവിധാന സഹായിയായി മലയാള സിനിമാരംഗത്ത്‌ തുടക്കം കുറിക്കുകയും തുടർന്ന് . പാവം ക്രൂരൻ, മേലേപ്പറമ്പിൽ ആൺവീട്, ആദ്യത്തെ കണ്മണി, അനിയൻ ബാവ ചേട്ടൻ ബാവ തുടങ്ങി  നാല്പതോളം സിനിമകൾ  സംവിധാനം ചെയ്യുകയും പത്തിലധികം സിനിമകൾക്ക്   കഥ, തിരക്കഥ, സംഭാഷണം രചിക്കുകയും ഒപ്പം നല്ലൊരു ഗായകനും സംഗീത സംവിധായകനും അഭിനേതാവും കൂടിയായ രാജസേനന്റേയും (1958),

2010 ല്‍ പുറത്തിറങ്ങിയ ഫോര്‍ ഫ്രണ്ട്‌സ് എന്ന ചിത്രത്തിലൂടെ തുടക്കം കുറിക്കുകയും 22 ഫീമെയില്‍ കോട്ടയം, അന്നയും റസൂലും, 1983, മസാല റിപ്പബ്ലിക്‌, തട്ടത്തിന്‍ മറയത്ത്,  തുടങ്ങി നിരവധി ചിത്രങ്ങളില്‍ മികച്ച കഥാപാത്രങ്ങളിലൂടെ പ്രേക്ഷകരുടെ പ്രിയപ്പെട്ട താരമായി മാറുകയും ചെയ്ത
 നടിയും  സംവിധാന സഹായിയും ടെലിവിഷന്‍  അവതാരകയും മോഡലുമായ ശ്രിന്ദയുടേയൂം (1985),

ഇന്ത്യയിലെ സ്ത്രീപക്ഷ ചരിത്രകാരികളിലൊരാളും "ഗുജറാത്ത് നീതിക്കായുള്ള അന്തഃദേശീയ ട്രൈബ്യൂണലിന്റെ" അംഗമായി പ്രവർത്തിക്കുകയും  ആദ്യകാല ഇന്ത്യയുടെ ചരിത്രം, തുടങ്ങിയ വിഷയങ്ങളിലും സമകാലിക വിഷയങ്ങളിലും ശ്രദ്ധേയമായ രചനകൾ നടത്തുകയും ഡൽഹിയിലെ വനിതാ സർവ്വകലാശാലയിൽ 1966 മുതൽ 1998 വരെയുള്ള അദ്ധ്യാപന വൃത്തിക്കുശേഷം ഇപ്പോൾ, "ഇന്റർനാഷണൽ ഫെഡറേഷൻ ഫോർ റിസർച്ച് ഇൻ വിമൻസ് ഹിസ്റ്ററി" എന്ന അന്തഃരാഷ്ട്ര സംഘടനയുടെ ബോർഡ് അംഗവും വൈസ് പ്രസിഡന്റുമായി പ്രവർത്തിക്കുകയും ചെയ്യുന്ന  ഡോ. ഉമാ ചക്രവർത്തിയുടേയും (1941)

രണ്ട് തവണ കർണാടക സാഹിത്യ അക്കാദമി അവാർഡും കേന്ദ്ര സാഹിത്യ അക്കാദമി  അവാർഡും  സരസ്വതി സമ്മാനും  നേടിയ  കന്നട എഴുത്തുകാരനായ എസ്.എൽ. ഭൈരപ്പയുടെയും(1931),

ഇറ്റലിയിൽ  മധ്യ ഇടതുപക്ഷ പാർട്ടിയുടെ ഉപനേതാവും മുൻ പ്രധാനമന്ത്രിയും ആയിരുന്ന   എൻറികൊ ലെറ്റയുടെയും   (1966),

അഞ്ച് അക്കാഡമി അവാർഡുകൾ, അഞ്ച്   ഗോൾഡൻ ഗ്ലോബ് അവാർഡുകൾ, ആറ് സ്ക്രീൻ ആക്റ്റേഴ്സ് ഗിൽഡ് അവാർഡുകൾ, നാല് ബാഫ്റ്റ അവാർഡുകൾ, ഒമ്പത്  ബി.എഫ്.സി.എ അവാർഡുകൾ എന്നിവയ്ക്ക് നാമനിർദ്ദേശം ചെയ്യപ്പെട്ട  അമേരിക്കൻ അഭിനേത്രിയും ഗായികയുമായ ഏമി ആഡംസിന്റെയും (1974)‌,

2016 ലെ റിയോ ഒളിമ്പിക്‌സിന് യോഗ്യത നേടിയതിലൂടെ 2004ലെ ഏതൻസ് ഒളിമ്പിക്‌സിന് ശേഷം ഒരു ഒളിമ്പിക്‌സ് മത്സരത്തിൽ പങ്കെടുത്ത ആദ്യ ഇന്ത്യൻ നീന്തൽ താരമായ  ശിവാനി കട്ടാരിയയുടേയും (1999) 

ഒരു അമേരിക്കൻ ഗായികയും ഗാനരചയിതാവും അഭിനേത്രിയുമായ  ഡെമി ലൊവാറ്റോയുടേയും (1992),

 ശാസ്ത്രവും ഫാന്റസിയും ഹൊറർ ഫിക്ഷനും എഴുതിയ ഒരു അമേരിക്കൻ എഴുത്തുകാരനായ എച്ച്പി ലവ്ക്രാഫ്റ്റിൻ്റേയും (1890), ജന്മദിനം !

ഇന്നത്തെ സ്മരണ !!!
********

ചെങ്കളത്ത് കുഞ്ഞിരാമ മേനോൻ (എം.ആർ.കെ.സി) മ. (1857-1935)
പി. വി. കൃഷ്ണൻ നായർ മ. (1911-1973)
ആലപ്പുഴ പുഷ്പം മ. ( - 2009)
ഹർചരൺസിങ് ലോംഗോവാൾ മ.  (1932-1985).
ഗോപിനാഥ് മൊഹന്തി മ. (1914-1991)
ട്രിച്ചി എസ് ഗണേശൻ മ. (1960-2016)
എം.കെ. പാന്ഥെ മ. (1924 - 2011)
ആർ എസ് ശർമ്മ, മ. (1919-2011)
നരേന്ദ്ര ധാബോൽക്കർ മ. (1945-2013)
ബി.കെ.എസ്. അയ്യങ്കാർ മ. (1918 -2014)
ജോൺ ഡെവിറ്റ് മ. (1625-1672)
വില്യം ബൂത്ത്‌ മ. (1829-1912 )
അഡോൾഫ് വോൺബയർ മ.(1835-1917)
വിശുദ്ധ ബെർണാർഡ് മ. (1090-1153)

രാജീവ്  ഗാന്ധി ജ. (1944-1991)
ശ്രീനാരായണഗുരു ജ. (1856-1928)
ഡോ.ടി. ഭാസ്കരൻ ജ. (1929- 2010 )
പറവൂർ ജോർജ് ജ.(1938- 2013)
എൻ.എൻ. ഇളയത് ജ. (1940 -2014)
അസഫ് ജാ ജ. (1671-1748)
വാസിലി ആക്സിയോനൊവ് ജ.(1932-2009)
സ്ലൊബൊദാൻ മിലോഷെവിച്ച് ജ. (1941-2006)

ചരിത്രത്തിൽ ഇന്ന് …
********

1828- രാജാറാം മോഹൻ റോയ് ബ്രഹ്മ സമാജത്തിന്റെ ആദ്യ യോഗം സംഘടിപ്പിച്ചു.

1897 -  ബ്രിട്ടീഷ് ഡോക്ടർ സർ റൊണാൾഡ് റോസ്, പെൺ കൊതുകുകളാണ് മലേറിയ മനുഷ്യരിൽ പരത്തുന്നത് എന്ന് കണ്ടു പിടിച്ചു. 

1917 - ഇന്ത്യയിൽ ഉത്തരവാദ ഭരണം സംഭവിച്ച ബ്രിട്ടിഷ് വാഗ്ദാനം,,,

1921 - മാപ്പള ലഹള എന്നു കൂടി അറിയപ്പെടുന്ന 'മലബാർ കലാപ'ത്തിന് തുടക്കം

1953 - ഹൈഡ്രജൻ ബോംബ്  പരീക്ഷിച്ചതായി സോവിയറ്റ് യൂണിയൻ പരസ്യപ്പെടുത്തുന്നു.

1960 - സെനഗൽ മാലിയിൽ നിന്നും സ്വതന്ത്രമായി.

1975 - നാസ വൈകിംഗ് 1  വിക്ഷേപിച്ചു.‍

1977 - അമേരിക്ക വോയേജർ 2വിക്ഷേപിച്ചു.

1979 - പ്രധാനമന്തി ചരൺ സിങ് രാജിവച്ചു.

1980 - ഇറ്റാലിയൻ പർവതാരോഹകനായ റെയ്ൻ ഹോർഡ് മെസ്നർ ആദ്യമായി ഒറ്റയ്ക്ക് എവറസ്റ്റ് കൊടുമുടി കീഴടക്കി.

1988 - ഇറാൻ-ഇറാക്ക് യുദ്ധം; എട്ടു വർഷത്തെ യുദ്ധത്തിനു വിരാമമിട്ട വെടിനിർത്തൽ പ്രഖ്യാപിക്കപ്പെട്ടു.

1991 - എസ്തോണിയ സോവിയറ്റ് യൂണിയനിൽ നിന്ന് സ്വതന്ത്രമായി.

1995 - ഫിറോസബാദ് തീവണ്ടി ദുരന്തം. 

1995 - പുരുഷോത്തം എക്സ്പ്രസും
 കാളിന്ദി  എക്സ്പ്രസും എക്സ്പ്രസ് നേർക്കുനേർ കൂട്ടിയിടിച്ച് പട്ടാളക്കാർ ഉൾപ്പെടെ 350 മരണം,

2000 - ഇടുക്കിയിലെ കൂത്തുങ്കൽ ജലവൈദ്യുത പദ്ധതി കമ്മീഷൻ ചെയ്തു.

2014 - 14 വർഷത്തെ തടവിനു ശേഷം മണിപ്പൂരിലെ ഉരുക്കു വനിത എന്നറിയപ്പെടുന്ന ഇറോം ശർമിള മോചിതനായി.

2016 - ലോകത്തിലെ ഏറ്റവും വലിയ ചില്ലു പാലം ചൈനയിൽ ഉദ്ഘാടനം ചെയ്തു.
്്്്്്്്്്്്്്്്്്്്്‌്‌്‌്‌്‌്‌്‌
ഇന്ന്, 

കൽകത്തയിലെ "അമൂതബസാർ പത്രിക" എന്ന പത്രത്തിൽനിന്ന് പ്രചോദന മുൾക്കൊണ്ട്‌ വായനക്കാരിൽ ദേശീയ അവബോധം വളർത്തുന്നതിന്  വളരെ പ്രാധാന്യം നൽകി കോഴിക്കോടിൽ നിന്നും "കേരള പത്രിക" എന്ന മലയാളത്തിലെ ആദ്യത്തെ വർത്തമാനപത്രം സ്വന്തം പത്രാധിപതത്വത്തിൽ തുടങ്ങുകയും കമ്പരുടെ രാമായണ കഥകൾ തമിഴിൽ നിന്നും മൊഴിമാറ്റം ചെയ്യുകയും, രഘുവംശ ചരിത്രം സംസ്കൃതത്തിൽ നിന്നും തർജിമ ചെയ്യുകയും ചെയ്ത ചേങ്ങലത്ത് കുഞ്ഞിരാമ മേനോനെയും (1857– ഓഗസ്റ്റ് 20, 1935)

നിരുപകനും സാഹിത്യ പഠനവും ഗവേഷണവും വളരെ ശ്രദ്ധയോടെയും സത്യസന്ധതയോടെയും കൈകാര്യം ചെയ്ത സാഹിത്യകാരൻ പി. വി. കൃഷ്ണൻ നായരെയും (1911-1973 ഓഗസ്റ്റ് 20)

അകാലി ദളിന്റെ മുൻ അദ്ധ്യക്ഷനും ,  പഞ്ചാബിലെ സിവിൽ നിസ്സഹകരണ   പ്രസ്ഥാനത്തിന്റെ മുൻ നിരയിൽ പ്രവർത്തിക്കുകയും, സർക്കാരിലേയ്ക്കു നികുതിയൊന്നും കൊടുക്കേണ്ടതില്ല എന്നും, പഞ്ചാബിനു പുറത്തേയ്ക്കു ധാന്യങ്ങളുടേയും ഭക്ഷ്യ വസ്തുക്കളുടേയും നീക്കം മരവിപ്പിയ്ക്കാനും 1984 ജൂൺ 3 നു  പ്രസ്താവന നടത്തുകയും കേന്ദ്ര സർക്കാറിനെ ഓപ്പറേഷൻ ബ്ലൂസ്റ്റാർ നടത്താൻ പ്രകോപിപ്പിക്കുകയും ചെയ്ത   ഹർചരൺസിങ് ലോംഗോവാളിനേയും (2 ജാനു: 1932 − 20 ആഗസ്റ്റ് 1985),

ജ്ഞാനപീഠ പുരസ്‌കാര ജേതാവും,   അമൃത സന്താന എന്ന നോവലിന്   1955- ൽ ദേശീയ സാഹിത്യ അക്കാദമി അവാർഡ് നേടിയ ആദ്യ ജേതാവും  ഇരുപതാം നൂറ്റാണ്ടിന്റെ മധ്യത്തിലെ   ഒരു മികച്ച ഒഡിയ എഴുത്തുകാരനായി  കരുതപ്പെടുന്ന ഗോപിനാഥ് മൊഹന്തിയെയും (20 ഏപ്രിൽ 1914 - 1991 ഓഗസ്റ്റ് 20 ),

ആകാശവാണിയിൽ സ്റ്റാഫ്ആർടിസ്റ്റും സ്വരപ്രസ്താരത്തിലുംലയസംബന്ധമായ പ്രാവിണ്യത്തിലും പ്രത്യേക സിദ്ധി ആർജിച്ച സംഗീതജ്ഞരിൽ ഒരാളും പാലക്കാട് മണ്ണാർകാടുകാരൻ   ട്രിച്ചി എസ് ഗണേശനെയും ( 1960 -2016 ഓഗസ്റ്റ് 20),

സി.പി.എം. കേന്ദ്ര സമിതിയംഗം,  സി.ഐ.ടി.യു. ജനറൽ സെക്രട്ടറി,  പ്രസിഡന്റ്, സി.പി.എം. പൊളിറ്റ് ബ്യൂറോ മെംബർ എന്നീ പദവികൾ വഹിച്ചിരുന്ന പ്രമുഖ കമ്മ്യൂണിസ്റ്റ് നേതാവ് എം.കെ. പാന്ഥെയെയും (മധുകർ കാശിനാഥ് പാന്ഥെ) (ജനനം ജൂൺ 11, 1924 - മരണം ആഗസ്റ്റ് 20,2011)

ഇന്ത്യൻ കൗൺസിൽ ഓഫ് ഹിസ്റ്റോറിക്കൽ റിസർച്ചിന്റെ (ICHR) സ്ഥാപക ചെയർമാനും,  അന്തർദേശീയ തലത്തിൽ പ്രസിദ്ധിയാർജ്ജിച്ച ചരിത്രകാരനും,
നൂറ്റി പതിനഞ്ചോളം കൃതികൾ വിവിധ ഭാഷകളിലായി  പ്രസിദ്ധപ്പെടുത്തുകയും ചെയ്ത  പ്രഗൽഭനായ  ഇന്ത്യൻ ചരിത്രകാരൻ   ആർ എസ് ശർമ്മ എന്ന റാം ശരൺ ശർമ്മയെയും( 26 നവംബർ 1919 - 20 ഓഗസ്റ്റ് 2011),

ദുർമന്ത്രവാദവും മറ്റ് അനാചാരങ്ങളും നിരോധിക്കുന്ന, അന്ധവിശ്വാസ ദുരാചാരനിർമാർജജന നിയമം (Anti-superstition and black magic bill) പാസാക്കാൻ മഹാരാഷ്ട്ര സർക്കാരിനുമേൽ സമ്മർദം ചെലുത്തിവരികയായിരുന്ന സമയത്ത് 2013 ൽ വെടിയേറ്റ് മരിച്ച ഇന്ത്യൻ കബഡി ടീമംഗവും  സാമൂഹിക പ്രവർത്തകനുമായിരുന്ന നരേന്ദ്ര ധാബോൽക്കറെയും (1945 നവംബർ 1-20 ഓഗസ്റ്റ് 2013),

അയ്യങ്കാർ യോഗ' എന്ന യോഗാ പ്രസ്ഥാനത്തിന്റെ സ്ഥാപകനും ലോക പ്രശസ്തനായ യോഗ ആചാര്യനുമായ ബി.കെ.എസ്. അയ്യങ്കാർ എന്ന ബേലൂർ കൃഷ്ണമചാർ സുന്ദരരാജ അയ്യങ്കാരെയും (14 ഡിസംബർ 1918 - 20 ഓഗസ്റ്റ് 2014)

വിശുദ്ധമറിയത്തോടുള്ള ഭക്തി പ്രചരിപ്പിക്കുന്നതിൽ മുഴുകിയ  ഫ്രെഞ്ച് ആശ്രമാധിപനും നവീകൃത സിസ്റ്റേഴ്സ്യൻ സമൂഹത്തിന്റെ മുഖ്യസ്ഥാപകനുമാണ് ക്ലെയർവോയിലെ ബെർണർദീനോസ് അഥവാ വിശുദ്ധ ബെർണാർഡ്  ( 1090- 1153 ആഗസ്ത് 20) ,

ഡച്ച് പ്രതിനിധിസഭയായ സ്റ്റേറ്റ്സ് ജനറലിന്റെ അധികാരങ്ങൾ വിപുലപ്പെടുത്തണമെന്നും ഡച്ച് ഭരണം നിയന്ത്രിക്കുന്ന രാജവംശമായ ഓറഞ്ചിന്റെ പരമ്പരാഗത അവകാശങ്ങൾ വെട്ടിക്കുറയ്ക്കണമെന്നും വാദിച്ച റിപ്പബ്ളിക്കൻ പാർട്ടിയുടെ നേതാവും, 1653-ൽ  പ്രധാനമന്ത്രിയായി സ്ഥാനമേക്കുകയും, വില്യം II-ന്റെ പിൻഗാമികൾ അധികാരത്തിൽ വരുന്നതു തടയുന്നതിനായി 'ഇറ്റേണൽ ഈഡിക്ട്' എന്ന നിയമം ഇ പാസാക്കിയെടുക്കുകയും ചെയ്ത ജോൺ ഡെ വിറ്റിനെയും( 1625 സെപ്റ്റംബർ 24- ഓഗസ്റ്റ് 20, 1672),

സാല്‍വേഷന്‍ ആര്‍മിയെന്ന പേരിൽ (രക്ഷാസൈന്യം) ലോകം മുഴുവന്‍ വ്യാപിച്ചുകിടക്കുന്ന ഒരു ശൃംഖല രൂപപ്പെടുത്തി  പാവപ്പെട്ടവരെ  യേശുവില്‍ എത്തിക്കുന്നതിനു വേണ്ടി  അധ്യാത്മിക ബോധം നൽകുകയും, ഇന്ത്യ ഉൾപ്പെടെ ലോകം മുഴുവൻ മതപരിവര്‍ത്തനത്തിൽ മുഴുകിയ വില്യം ബൂത്തിനെയും (ഏപ്രിൽ 10, 1829-1912 ഓഗസ്റ്റ് 20).

ഇൻഡിഗോ എന്ന സസ്യ വർണ്ണം കൃത്രിമമായി നിർമ്മിക്കുകയും, താലീൻ ചായങ്ങൾ കണ്ടെത്തുകയും
പോളിഅസറ്റിലീൻ, ഓക്സോണിയം ലവണങ്ങൾ, നൈട്രോസോ സംയുക്തങ്ങൾ, യൂറിക്ക് ആസിഡ് തുടങ്ങിയവയെപ്പറ്റി പഠിക്കുകയും, 1869ൽ ഇൻഡോളിന്റെ കൃത്യമായ രാസസൂത്രം  കണ്ടെത്തുകയും, ത്രിബന്ധത്തിൽ സ്ട്രൈൻ സിദ്ധാന്തവും ചെറിയ കാർബൺ വലയങ്ങളിലെ സ്ട്രൈൻ സിദ്ധാന്തവും രൂപികരിക്കുകയും, അമ്ല നിലയിൽ ഫ്താലിക് അൻഹൈഡ്രൈഡ് സാന്ദ്രീകരിച്ച് ഫിനോൾഫ്തലീൻ നിർമ്മിക്കുന്ന രീതി  കണ്ടെത്തുകയും കൃത്രിമമായി ഒരു ഫ്ലൂറോഫോർ വർണ്ണമായ ഫ്ലൂറസീൻ നിർമ്മിക്കാനുള്ള മാർഗ്ഗവും കണ്ടുപിടിക്കുകയും ഫീനോൾ, ഫോർമാൽഡിഹൈഡ് എന്നിവയുപയോഗിച്ച് ബെക്കലൈറ്റ് എന്ന വസ്തുവിന്റെ നിർമ്മാണത്തിന്റെ ആദ്യപടിയിലെത്തുകയും ചെയ്ത നോബൽ സമ്മാന ജേതാവ്  ജർമ്മൻ രസതന്ത്ര ശാസ്ത്രജ്ഞൻ അഡോൾഫ് വോൺ ബയർ എന്ന ജൊഹാൻ ഫ്രിഡ്രിഷ് വിൽഹെം അഡോൾഫ് വോൺ ബയറിനെയും (October 31, 1835 – August 20, 1917),

സന്ന്യാസിയും  കേരളത്തിലെ ജാതി വ്യവസ്ഥയെ ചോദ്യം ചെയ്ത ഏറ്റവും പ്രധാനപ്പെട്ട സാമൂഹിക പരിഷ്കർത്താവും, നവോത്ഥാനനായകനും ആയിരുന്ന  ശ്രീനാരായണഗുരുവിനെയും (1856 ഓഗസ്റ്റ് 20-1928 സെപ്തംബർ 20)

ശ്രീനാരായണഗുരുവിന്റെ സമ്പൂർണ്ണകൃതികൾക്ക് 'വിദ്യോതിനി' എന്ന പേരിൽ വ്യാഖ്യാനം, കുമാരനാശാന്റെ പ്രരോദനത്തിന്റെ 'പ്രദ്യോതിനി' എന്ന വ്യാഖ്യാനം,  ഭാസനാടകങ്ങൾ മലയാളലിപിയിൽ ഭാസനാടകചക്രം എന്ന പേരിൽ പ്രസിദ്ധികരണം,  കൃഷ്ണഗാഥയെ സംബന്ധിച്ച പഠനങ്ങൾ, ഭാരതീയകാവ്യശാസ്ത്രം ' എന്ന ഗ്രന്ഥം, തുടങ്ങിയ കൃതികൾ രചിക്കുകയും കേരള സർവ്വകലാശാലാ ഹസ്തലിഖിത ഗ്രന്ഥാലയത്തിന്റെ ഡയറക്റ്ററായിരിക്കെ നിരവധി ഗ്രന്ഥങ്ങൾ സംശോധനംചെയ്ത് പ്രസിദ്ധീകരിക്കുകയും ചെയ്ത സംസ്കൃതപണ്ഡിതനും,, അധ്യാപകനും വ്യാഖ്യാതാവും ആയിരുന്ന എഴുത്തുകാരനൻ ഡോ.ടി. ഭാസ്കരനെയും (1929 ഓഗസ്റ്റ് 20- 2010 ഓഗസ്റ്റ് 12 ),

നരഭോജികൾ,അക്ഷയപാത്രം,അഗ്നിപർവ്വതം, തീജ്ജ്വാല, ദിവ്യബലി, നേർച്ചക്കോഴി, കള്ളിപ്പൂച്ച വരുന്നേ! തുടങ്ങിയ നാടകങ്ങൾ രചിച്ചു നാടകകൃത്ത്,നടൻ,സംവിധായകൻ എന്നീ നിലകളിൽ പ്രവർത്തിച്ച പറവൂർ ജോർജ്ജിനെയും (20 ഓഗസ്റ്റ് 1938 -16 ഡിസംബർ 2013) ,

സ്വന്തം നാടകവേദിയായ മലയാള നാടകവേദി,​ എൻ.എൻ. പിള്ളയുടെ വിശ്വകലാസമിതി, വേട്ടക്കുളം ശിവാനന്ദന്റെ കേരള തിയറ്റേഴ്സ്, ദേശാഭിമാനി, വൈക്കം മാളവിക, പൂഞ്ഞാർ നവധാര, ചങ്ങനാശേരി ജയകേരള, കൊല്ലം ഉപാസന തുടങ്ങിയ സമിതികളുമായി ബന്ധപ്പെട്ട് പ്രവർത്തിക്കുകയും,വസുപഞ്ചകം,  സർവജ്ഞാനപീഠം, അമരകോശം, ഇതിഹാസം, ദൈവം ചിരിക്കുന്നു, ഉദയം കിഴക്കുതന്നെ, ഉൽപ്രേക്ഷ, ഉണരാൻ സമയമായി, തിരക്കഥ, അലയാഴി, കാമധേനു, സമരപുരാണം, മരിക്കാൻ ഞങ്ങൾക്ക് മനസ്സില്ല തുടങ്ങി മുപ്പതോളം നാടകങ്ങൾ രചിക്കുകയും സംവിധാനം ചെയ്യുകയും ചെയ്ത എൻ.എൻ. ഇളയത് എന്നറിയപ്പെട്ട എൻ. നാരായണൻ ഇളയതിനെയും(20 ആഗസ്റ്റ് 1940 - 29 ജൂലൈ 2014),

ഹൈദരാബാദ് രാജ്യത്തിന്റെ സ്ഥാപകനും, അസഫ് ജാ രാജവംശത്തിന്റെ സ്ഥാപകനും ആയിരുന്ന അസഫ് ജാ ഒന്നാമൻ എന്നറിയപ്പെടുന്ന ഖമർ  ഉദ്-ദിൻ  ചിൻ ഖിലിജ് ഖാൻ (ഖമർ ഉദ്-ദിൻ സിദ്ദിഖി) എന്ന നിസാം-ഉൾ-മുൽക് അസഫ് ജായെയും (ഓഗസ്റ്റ് 20, 1671 - ജൂൺ 1, 1748)

നാല്പതാമത്തെ വയസ്സിൽ പ്രധാനമന്ത്രി സ്ഥാനത്തെത്തി ഇന്ത്യയിലെ ഏറ്റവും പ്രായം കുറഞ്ഞ പ്രധാനമന്ത്രി എന്ന നേട്ടം കൈവരിക്കുകയും, ശ്രീപെരുംപുത്തൂരിൽ വെച്ച് എൽ.ടി.ടി.ഇ തീവ്രവാദികളാൽ വധിക്കപ്പെടുകയും, മരണാനന്തരം 1991 ൽ രാജ്യം ഒരു പൗരനു നൽകുന്ന പരമോന്നത ബഹുമതിയായ ഭാരതരത്ന പുരസ്കാരം നൽകി ആദരിക്കുകയും ചെയ്ത ഇന്ത്യയുടെ ആറാമത്തെ പ്രധാനമന്ത്രിയായിരുന്ന രാജീവ് രത്ന ഗാന്ധിയെയും(ഓഗസ്റ്റ് 20, 1944 - മേയ് 21,1991) ,

 വലുകൾ എഴുതി പ്രസിദ്ധനായ അമേരിക്കൻ കഥാകൃത്ത് ഹോവാഡ് ഫിലിപ്പ് ലവ് ക്രാഫ്റ്റിന്റെയും (ഓഗസ്റ്റ് 20, 1890- മാർച്ച് 15, 1937)

  സ്വന്തം അനുഭവത്തെ പറ്റി "കളീഗ്സ്" എന്ന നോവലും, സോവിയറ്റിലെ യുവജനങ്ങളെ പറ്റി ടിക്കറ്റ് റ്റു ദി സ്റ്റാർസ്  എന്നീ കൃതികൾ അടക്കം ധാരാളം നോവലുകളും കഥകളും കവിതകളും രചിച്ച റഷ്യൻ എഴുത്തുകാരൻ വാസിലി ആക്സിയോനൊവിനെയും (ആഗസ്റ്റ് 20, 1932 – ജൂലൈ 6, 2009),

ഒരു സെർബിയൻ യൂഗോസ്ലാവ് രാഷ്ട്രീയ നേതാവും സെർബിയയുടെ ആദ്യത്തെ പ്രസിഡൻറും യുഗോസ്ലാവിയ യുടെ മുന്നാമത്തെ  പ്രസിഡന്റും ആയിരുന്ന സ്ലൊബൊദാൻ മിലോഷെവിച്ചിനെയും (1941 ഓഗസ്റ്റ് 20-2006  മാർച്ച് 11) ഓർമ്മിക്കുന്നു .

.ടീം തത്ത്വമസി - ജ്യോതിർഗ്ഗമയ '