ഇന്ന് ആഗസ്റ്റ് 31: നാലാം ഓണം ! ലോക സംസ്‌കൃതദിനവും ശ്രീനാരായണ ഗുരു ജയന്തിയും ഇന്ന്: അജയകുമാറിന്റേയും ജവഗല്‍ ശ്രീനാഥിന്റെയും രാജ് കുമാര്‍ റാവുവിന്റെയും ജന്മദിനം: ബൈസന്റൈന്‍ ചക്രവര്‍ത്തിനി തിയോഡോറ രാജ്യാവകാശികളില്ലാതെ മരിക്കുന്നതും മുഗള്‍ ചക്രവര്‍ത്തി ജഹാംഗീറിന്റെ ജനനവും ലോകത്തിലെ ആദ്യ റേഡിയോ ന്യൂസ് പ്രക്ഷേപണം ആരംഭിച്ചതും ചരിത്രത്തില്‍ ഇതേദിനം തന്നെ: ജ്യോതിര്‍ഗമയ വര്‍ത്തമാനങ്ങളും

1199   ചിങ്ങം 15
ചതയം  / പൗർണ്ണമി
2023  ആഗസ്റ്റ് 31, വ്യാഴം
നാലാം ഓണം !

ഇന്ന്;
ലോക സംസ്കൃതദിനം !
്്്്്്്്്്്്്്്്്്
ശ്രീനാരായണ ഗുരു ജയന്തി !
്്്്്്്്്്്്്്്്്്്്്്്്്
 കുമരകം ശ്രീനാരായണ വള്ളംകളി !

International Overdose Awareness Day !
 ~~~~~~~
<അന്താരാഷ്‌ട്ര ഓവർഡോസ് അവബോധ ദിനം . (ഐഒഎഡി), ഓവർഡോസിനെതിരെയുള്ള വാർഷിക പ്രചാരണ ദിവസമാണിന്ന്.
മയക്കുമരുന്ന് അമിതമായി കഴിച്ച് മരണമടഞ്ഞ പ്രിയപ്പെട്ടവരെ ഓർക്കുക , 
ലഹരിവസ്തുക്കളുടെ ഉപയോഗവും അമിത അളവും മൂലം ആഘാതം നേരിടുന്ന എല്ലാവർക്കും പിന്തുണയും , പ്രോത്സാഹിപ്പിക്കുന്നവർക്കെതിരെ നടപടിയും ഉറപ്പാക്കുക.>

National Trail Mix Day
********
<നട്‌സ്, ഡ്രൈ ഫ്രൂട്ട്‌സ്, ധാന്യങ്ങൾ എന്നിവയാൽ നിറച്ച ട്രയൽ മിക്സ് ശരീരത്തിന് ഏറ്റവും ആവശ്യമുള്ളപ്പോൾ കാർബോഹൈഡ്രേറ്റ് വർദ്ധിപ്പിക്കും.
(യാത്രകൾക്ക് പോകുമ്പോൾ എടുക്കുന്ന ഉണക്ക പഴങ്ങളുടെയും നട്ട്സിന്റെയും  മിക്സ്നാണ് ട്രയൽ മിക്സ് എന്ന് വിളിക്കുന്നത്‌.)>

* ക്രയ്ഗിസ്ഥാൻ, മലയ, ട്രിനാഡ് &
   ടൊബാഗൊ എന്നീ രാജ്യങ്ങളുടെ
   സ്വാതന്ത്ര്യ ദിനം!
* മോൾഡോവ: ദേശീയ ഭാഷ ദിനം!
* ബലൂച് പക്തൂണി ഏകത ദിനം !
* In USA;
We Love Memoirs Day !
National Eat Outside Day !
Go for the classic, or check out the bulk !
Love Litigating Lawyers Day !
Daffodil Day !

ഇന്നത്തെ മൊഴിമുത്തുകൾ !
***********

“മടിയന്മാരായി ജീവിക്കുന്നത് നീതിക്ക് നിരക്കാത്തത്”

"വിവേകം താനേ വരില്ല, യത്നിക്കണം ധാരാളം വായിക്കണം”.

“ശുചിത്വം അടുക്കളയില്‍ നിന്ന് തുടങ്ങുക”.

“വ്യവസായം കൊണ്ടല്ലാതെ ധനാഭിവൃധി ഉണ്ടാക്കുവാന്‍ സാധിക്കുന്നതല്ല”.

“കൃഷിചെയ്യണം, കൃഷിയാണ് ജീവരാശിയുടേ നട്ടെല്ല്”.

“അനാവശ്യമായ ധനവ്യയം ഒരു മംഗളകർമ്മത്തിനും പാടില്ല.”

"വാദിക്കുന്നത്‌ വാദത്തിനു വേണ്ടിയാവരുത്‌, സംശയനിവൃത്തിക്കും തത്ത്വപ്രകാശനത്തിനും വേണ്ടിയാവണം"

“ഈ ലോകം സത്യത്തിലാണ് സ്ഥിതിചെയ്യുന്നത് അതുകൊണ്ട് കള്ളം പറയരുത്, സത്യം മാത്രം പറയുക”.

“മതം,ഈശ്വര സാക്ഷാൽക്കാരത്തിനുള്ള ഒരു ഉപാധിമാത്രം, മതം അല്ല ദൈവം”.

“ഭക്തിയില്ലാത്ത ജീവിതത്തിനു ഉപ്പില്ലാത്ത ചോറ് കൊടുക്കണം”.

"അവനവനാത്മ സുഖതിന്നാചരിക്കുന്നവ അപരന് സുഖത്തിനായ് വരേണം”

.< -  ശ്രീനാരായണ ഗുരു >
.*************** 

മിമിക്രി ആര്‍ട്ടിസ്റ്റ് ആയി കരിയര്‍ ആരംഭിക്കുകയും കോളേജില്‍ പഠിക്കുന്ന കാലം മുതല്‍  കലോത്സവങ്ങളില്‍ പങ്കെടുത്ത് നിരവധി സമ്മാനങ്ങള്‍ കരസ്ഥമാക്കുകയും മംഗളം മിമിക്‌സ്, നാദിര്‍ഷാസ് കൊച്ചിന്‍ യൂണിവേഴ്‌സല്‍, കോട്ടയം നസീര്‍സ് കൊച്ചിന്‍ ഡിസ്‌കവ്‌റി എന്നിവയില്‍ മിമിക്രി ആര്‍ട്ടിസ്റ്റായി ജോലി ചെയ്യുകയും വിനയന്‍ സംവിധാനം ചെയ്ത അത്ഭുതദ്വീപ് എന്ന ചിത്രത്തിലൂടെ സിനിമരംഗത്തേക്കു പ്രവേശിക്കുകയും ചെയ്ത 76 സെന്റിമീറ്റര്‍ മാത്രം ഉയരമുള്ള ഉണ്ടപക്രു ഗിന്നസ് പക്രു എന്നീ പേരുകളിൽ  അറിയപ്പെടുന്ന അജയകുമാറിന്റേയും (1976),

കപിൽ ദേവിനും ഇഷാന്ത് ശർമ്മക്കും സഹീർ ഘാനും പുറമേ ടെസ്റ്റ് ക്രിക്കറ്റിൽ ഇരുനൂറിലേറെ വിക്കറ്റു നേടിയ ഇന്ത്യൻ  ഫാസ്റ്റ് ബൗളർ   ജവഗൽ  ശ്രീനാഥിന്റെയും (1969),

മികച്ച നടനുള്ള ദേശീയ പുരസ്കാരം  നേടിയ   ഹിന്ദിയിലെ ഒരു നല്ല ചലചിത്ര നായകനടൻ രാജ് കുമാർ റാവുവിന്റെയും (1984),

പാകിസ്താനിലെ ഒരു രാഷ്ട്രീയ, സാമൂഹിക പ്രവർത്തകയും, അധ്യാപികയുമായ   സുബൈദ ജലാൽ ഖാനിന്റെയും (1959),

ലെബനനിലെ ചെറുത്തു നിൽപ്പ്‌ പ്രസ്ഥാനമായ ഹിസ്‌ബുല്ലയുടെ ജനറൽ സെക്രട്ടറി സയ്യദ്   ഹസൻ നസ്റുല്ലയുടെയും   (1960 ),

1970-കളിൽ  സിനിമകളിൽ  അഭിനയിക്കാൻ തുടങ്ങിയ ഒരു അമേരിക്കൻ നടനായ ലുക്കിംഗ് ഫോർ മിസ്റ്റർ ഗുഡ്‌ബാറിൽ (1977) ഒരു സഹകഥാപാത്രവും ഡെയ്‌സ് ഓഫ് ഹെവൻ (1978) എന്ന ചിത്രത്തിലെ പ്രധാന വേഷവും ചെയ്ത അമേരിക്കൻ ഗിഗോളോ (1980) എന്ന സിനിമയിലെ അഭിനയത്തിലൂടെ  ശ്രദ്ധേയനായ റിച്ചാർഡ് ടിഫാനി ഗെരെയുടേയും (1949) ജന്മദിനം !

ഇന്നത്തെ സ്മരണ
********

പി.സി. ചെറിയാൻ മ. (1918-1989)
എ.എ. റഹീം മ. (1920 -1995)
കെ.കെ. ബാലകൃഷ്ണൻ മ. (1927- 2000)
ബി.എ. ചിദംബരനാഥ് മ. (1923-2007)
മറിയാമ്മ ജോൺ (കോത)മ. (1920-2008)
പൂച്ചാലി ഗോപാലൻ മ. (1933-2009)
എസ്. പാവമണി മ. (1932-2010 )
കാരിക്കത്ത് സുഭദ്രാമ്മ മ. (1913-2013)
വി.വി.ദക്ഷിണാമൂർത്തി മ. (1935-2016)
കുറൂർ നിലകണ്oൻ നമ്പൂതിരിപ്പാട് മ. (1896-1981)
കാണിപ്പയ്യൂർ ശങ്കരൻ നമ്പൂതിരിപ്പാട്‌ മ. (1891-1981)
വിൽഹെം  വൂണ്ഡ് മ. (1832-1920),
ഡയാന സ്പെൻസർ മ. (1961-1997)
ബിയാന്ത് സിങ് മ. (1922-1995)

കോവുണ്ണി നെടുങ്ങാടി ജ. (1830-1889)
ജഹാംഗീർ ജ. (1569-1627 )
അമൃതാ പ്രീതം ജ. (1919-2005)
ഋതുപർണ ഘോഷ് ജ. (1963-2013)
എഡ്വേർഡ് തോൺഡൈക് ജ. (1874-1949)
തായ്ഷോ ചക്രവർത്തി ജ. (1879-1926)
രമൺ  മാഗ്‌സസെ ജ. (1907-1957)
മരിയ മോൻഡിസ്സറി ജ. (1870-1952)
രമൺ മഗ്സസെ ജ. (1907-1957)

ചരിത്രത്തിൽ ഇന്ന്…
*********

1056 - ബൈസന്റൈൻ ചക്രവർത്തിനി  തിയോഡോറ രാജ്യാവകാശികളില്ലാതെ മരിക്കുന്നു.  മാസിഡോണിയൻ രാജവംശത്തിന്റെ  അന്ത്യം.

1569 - ജഹാംഗീർ, മുഗൾ ചക്രവർത്തിയുടെ ജനനം (മ. 1627)

1920 - ലോകത്തിലെ ആദ്യ റേഡിയോ ന്യൂസ് പ്രക്ഷേപണം ആരംഭിച്ചു.

1947 - പഞ്ചാബിലെ വർഗീയ ലഹള ബാധിത പ്രദേശങ്ങളിൽ നെഹ്റു, പട്ടേൽ, ലിയാക്കത്ത് അലി ഖാൻ എന്നിവർ സംയുക്ത സന്ദർശനം നടത്തി

1956 - ഇന്ത്യയിലെ സംസ്ഥാന പുന സംഘടനാ നിയമത്തിൽ രാഷ്ട്രപതി രാജേന്ദ്ര പ്രസാദ് ഒപ്പുവച്ചു.

1957 - മലേഷ്യ ബ്രിട്ടനിൽ നിന്ന് സ്വാതന്ത്യം നേടി

1991 - ഉസ്ബെക്കിസ്ഥൻ സ്വതന്ത്രമായി.

1997 - ലോക് സഭ 22 മണിക്കുർ തുടർച്ചയായി യോഗം ചേർന്ന് ചരിത്രം സൃഷ്ടിച്ചു

1998 - ഉത്തര കൊറിയ ആദ്യ ഉപഗ്രഹം വിക്ഷേപിച്ചു.

1999 - ബ്യൂണസ് അയേഴ്സിലെ ജോർജ് ന്യൂബറി വിമാനത്താവളത്തിൽ നിന്ന് ടേക്ക്ഓഫിനിടെ ഒരു LAPA ബോയിംഗ് 737-200 തകർന്നു , 65 പേർ മരിച്ചു.

2002 - 43 വർഷത്തിനിടെ ദക്ഷിണ കൊറിയയെ ബാധിച്ച ഏറ്റവും ശക്തമായ ചുഴലിക്കാറ്റായ റൂസ ചുഴലിക്കാറ്റ് കരയിൽ പതിക്കുകയും 236 പേരെങ്കിലും കൊല്ലപ്പെടുകയും ചെയ്തു. 

2005 -  ബാഗ്ദാദിലെ അൽ -ഐമ്മ പാലത്തിലുണ്ടായ തിക്കിലും തിരക്കിലും പെട്ട് 953 പേർ മരിച്ചു.

2006 - 2004 ഓഗസ്റ്റ് 22-ന് മോഷ്ടിക്കപ്പെട്ട എഡ്വാർഡ് മഞ്ചിന്റെ പ്രശസ്തമായ ചിത്രം ദി സ്‌ക്രീം നോർവീജിയൻ പോലീസ് നടത്തിയ റെയ്ഡിൽ കണ്ടെടുത്തു.

2016 - ബ്രസീൽ പ്രസിഡന്റ് ദിൽമ റൂസഫിനെ ഇംപീച്ച് ചെയ്യുകയും സ്ഥാനത്തു നിന്ന് നീക്കം ചെയ്യുകയും ചെയ്തു .

2019 - നോർവേയിലെ ആൾട്ടയിലെ സ്കോഡേവാരെ പർവതങ്ങളിൽ ഒരു കാഴ്ചാ ഹെലികോപ്റ്റർ തകർന്ന് 6 യാത്രക്കാരും മരിച്ചു.
്്്്്്്്്്്്്്്്്്്്്‌്‌്‌്‌്‌്‌്‌
ഇന്ന്‍ 

കോട്ടയം ഡി.സി.സി. പ്രസിഡന്റും, ഐ.എൻ.റ്റി.യു.സി. നേതാവും, സ്വാതന്ത്ര്യ സമരസേനാനിയും, പുതുപ്പള്ളി നിയോജകമണ്ഡലത്തെ ഒന്നും രണ്ടും കേരള നിയമസഭയിൽ പ്രതിനിധീകരിക്കുകയും ചെയ്ത  പി.സി. ചെറിയാനെയും (1918- 31 ഓഗസ്റ്റ് 1989),

മുൻ കേന്ദ്രമന്ത്രി, മേഘാലയയുടെ ഗവർണർ, കേരള നിയമസഭാംഗം  കോൺഗ്രസ് പാർട്ടിയുടെ ഉപനേതാവ്, എ.ഐ.സി.സി. അംഗം,കൊച്ചിൻ സർവകലാശാല സെനറ്റംഗം, കേന്ദ്ര സംസ്ഥാന വഖഫ് ബോർഡിലെ അംഗം,കെ.പി.സി.സി. വൈസ് പ്രസിഡന്റ്, ടി.കെ.എം. കോളേജ് ഡയറക്ടർബോർഡ് ചെയർമാൻഎന്നീ നിലകളിൽ പ്രവർത്തിച്ച  അബൂബക്കർ അബ്ദുൽ റഹീം എന്ന എ.എ. റഹീമിനെയും (07 ഫെബ്രുവരി 1920 - 31 ഓഗസ്റ്റ് 1995),

വൈക്കം നീയോജക മണ്ഡലത്തെ പ്രതിനിധികരിച്ച്, ഹരിജനക്ഷേമം, ജലസേചനം, ഗതാഗതം എന്നീ വകുപ്പുകളുടെ മന്ത്രിയായിരുന്ന കോൺഗ്രസ് നേതാവ്  കെ.കെ. ബാലകൃഷ്ണനെയും (ജൂൺ 20, 1927- 2000 ആഗസ്റ്റ് 31)

മലയാളചലച്ചിത്രസംഗീത സംവിധായകനായിരുന്ന ഭൂതപ്പാണ്ടി അണ്ണാവി ചിദംബരനാഥൻ എന്ന ബി.എ. ചിദംബരനാഥിനെയും (10 ഡിസംബർ 1923 - 31 ഓഗസ്റ്റ് 2007),

ചങ്ങനാശ്ശേരി എസ്‌.ബി.കോളേജിൽ തൂപ്പുകാരിയായിരിക്കെ അവിടെ എം.എ.വിദ്യാർത്ഥികൾക്ക്‌ നാടൻ  പാട്ടുകളെക്കുറിച്ച് ക്ലാസെടുത്ത അറിയപ്പെടുന്ന ഒരു ദളിത്‌ നാടൻപാട്ടുകാരിയും മുടിയാട്ട കലാകാരിയുമായിരുന്ന മറിയാമ്മച്ചേടത്തി എന്നറിയപ്പെടുന്ന മറിയാമ്മ ജോണിനെയും (ഓഗസ്റ്റ് 31, 2008)

കണ്ണൂര്‍ സഹകരണ സ്​പിന്നിങ് മില്‍ ചെയര്‍മാനും, സഹകരണ പ്രസ് ഡയറക്ടറും, എളയാവൂര്‍ പഞ്ചായത്ത് പ്രസിഡന്റും, ചൊവ്വ കോര്‍പറേറ്റീവ് ബാങ്ക് പ്രസിഡന്റും, സാഹിത്യ പ്രവര്‍ത്തക സഹകരണ സംഘം മുന്‍ പ്രസിഡന്റും, കായിക അദ്ധ്യാപകനും, കമ്യൂണിസ്റ്റ് നേതാവും, പ്രമുഖ സഹകാരിയുമായ പൂച്ചാലി ഗോപാലനെയും (1933-2009 ഓഗസ്റ്റ് 31)

വിവിധഭാഷകളിലായി ഇരുന്നൂറിലധികം ചിത്രങ്ങൾ  വിതരണം ചെയ്ത ചലച്ചിത്രവിതരണക്കാരനും മലയാളചലച്ചിത്രനിർമ്മാതാവുമായിരുന്ന എസ്. പാവമണിയെയും (1932-2010 ഓഗസ്റ്റ് 31),

തൃശൂർ ശ്രീരാമകൃഷ്ണാശ്രമത്തിലെ അദ്ധ്യാപികയും ഇന്ത്യൻ സ്വാതന്ത്ര്യ സമര സേനാനിയുമായിരുന്ന കാരിക്കത്ത് സുഭദ്രാമ്മ എന്ന സുഭദ്രാമ്മ ടീച്ചറിനെയും (1913-2013 ഓഗസ്റ്റ് 31),

സി.പി.എം -ന്റെ സംസ്ഥാന സെക്രട്ടറിയേറ്റംഗമായും കമ്മ്യൂണിസ്റ്റ് പാർട്ടി(മാർക്സിസ്റ്റ്)യുടെ മുഖപത്രമായ ദേശാഭിമാനിയുടെ മുഖ്യ പത്രാധിപരായും പ്രവർത്തിച്ച ഒരു രാഷ്ട്രീയ പ്രവർത്തകനും നിയസഭാ സാമാജികനുമായിരുന്ന  വി.വി.ദക്ഷിണാമൂർത്തിയെയും(20 മെയ് 1935 - 31 ഓഗസ്റ്റ് 2016)

പരീക്ഷണോന്മുഖ മനഃശാസ്ത്രത്തിന്റെ പിതാവ് എന്ന് അറിയപ്പെടുന്ന ജർമ്മൻകാരനായ മനഃശാസ്ത്രജ്ഞനും ശരീരശാസ്ത്രകാരനും ആയിരുന്ന വിൽഹെം മാക്സിമിലിയൻ വൂണ്ഡിനെയും ( ഓഗസ്റ്റ്16, 1832 – ഓഗസ്റ്റ് 31, 1920),

ചാൾസ് രാജകുമാരന്റെ ആദ്യഭാര്യയും, വിവാഹമോചനം നേടിയ ശേഷം ഒരു കാർ ആക്സിഡൻറ്റിൽ മരണപ്പെട്ട ഡയാന സ്പെൻസറിനെയും (01-07-1961- 31-08-1997),

സംസ്കൃത പണ്ഡിതനും 'കേരളകൗമുദി' എന്ന മലയാള വ്യാകരണ കൃതിയുടെ രചയിതാവുമായിരുന്ന കോവുണ്ണി നെടുങ്ങാടിയെയും (31 ആഗസ്റ്റ് 1830 - 26 നവംബർ 1889),

പിതാവായ അക്ബറുടെ മരണത്തിന് 8 ദിവസങ്ങൾക്കു ശേഷം ബല പ്രയോഗത്തിലൂടെ അധികാരം പിടിച്ചെടുത്ത മുഗൾ സാമ്രാജ്യത്തിലെ നാലാമത്തെ ചക്രവർത്തി ജഹാംഗീറിനെയും (പൂർണ്ണനാമം:നൂറുദ്ദീൻ സലീം ജഹാംഗീർ) (1569 ഓഗസ്റ്റ് 31 – 1627 ഒക്ടോബർ 28),

ഠണ്ടിയ കിർണാ, അമൃത ലഹരാ, ജീവൃന്ദാം ജീവൻ, മേം തവാരിഖ് ഹാം ഹിന്ദ്ഹീ, ലോക്പീഡാ സർഘിവേള സുനേഹാരേ, കാഗസ് തേ ക്യാൻവാസ്, ഏക് സൌ ഇക്താലീസ് കവിതായേം തുടങ്ങിയ കാവു സമാഹാരങ്ങൾ രചിച്ച ജ്ഞാനപീഠ പുരസ്കാര ജേതാവും പഞ്ചാബി: ਅਮ੍ਰਿਤਾ ਪ੍ਰੀਤਮ, amritā prītam). പഞ്ചാബിൽ നിന്നുള്ള ആദ്യത്തെ പ്രശസ്തയായ കവയിത്രിയും നോവലിസ്റ്റും ഉപന്യാസകാരിയും ആയിരുന്ന അമൃതാ പ്രീതമിനെയും(ഓഗസ്റ്റ് 31, 1919 - ഒക്ടോബർ 31, 2005) ,

രണ്ട് പതിറ്റാണ്ട് നീണ്ടുനിന്ന തന്റെ സിനിമാ ജീവിതത്തിൽ ഘോഷ് പന്ത്രണ്ടോളം ദേശീയപുരസ്ക്കാരങ്ങൾക്ക് അർഹനായ ബംഗാളി ചലച്ചിത്രസംവിധായകനായിരുന്ന ഋതുപർണ ഘോഷിനെയും(ഓഗസ്റ്റ് 31 1963 –മേയ് 30 2013),

മൃഗങ്ങളിൽ, പ്രത്യേകിച്ച് പൂച്ചകളിൽ നടത്തിയ ഗവേഷണത്തിൽനിന്ന് ഉദ്ദേശിച്ച ഫലം നൽകുന്ന പ്രതികരണങ്ങൾ മാത്രം സ്വായത്തമാക്കപ്പെടുകയും മറ്റുള്ളവ സ്വായത്തമാക്കപ്പെടുന്നില്ല എന്ന ശ്രമ-പുനഃശ്രമപഠന സിദ്ധാന്തം 
(Trial and Error Learning Theory) അവതരിപ്പിക്കുകയും ചോദന-പ്രതികരണ മനഃശാസ്ത്രം (Stimulus-response Psychology) അഥവാ സംബന്ധവാദം (Connection) എന്ന ശാഖക്ക് ജന്മം കൊടുക്കുകയും ചെയ്ത അമേരിക്കൻ മനഃശാസ്ത്രജ്ഞൻ എഡ്വേർഡ് തോൺഡൈകിനെയും (1874 ഓഗസ്റ്റ് 31- 1949 ഓഗസ്റ്റ് 9 ),

ആഭ്യന്തര രംഗത്ത് പാർലമെന്ററി പ്രവർത്തനങ്ങളുടെ വിപുലീകരണം നടത്തിയ ജപ്പാനിലെ 123-ആമതു ചക്രവർത്തിയായിരുന്ന തായ്ഷോ ചക്രവർത്തി യെയും (1879 ഓഗസ്റ്റ് 31 – 1926 ഡിസംബർ 25),

റിപ്പബ്ലിക്ക് ഓഫ് ഫിലിപ്പൈൻസിന്റെ മൂന്നാമത്തെ പ്രസിഡണ്ടായിരുന്ന രമൺ ഡെൽ ഫിറോ മാഗ്‌സസെയും  (ഓഗസ്റ്റ് 31 1907 - മാർച്ച് 17, 1957) (ഇദ്ദേഹത്തിന്റെ ഓര്‍മ്മക്കായാണ് പൊതുസേവനം, സാമുദായിക നേതൃത്വം, പത്ര പ്രവർത്തനം, സർക്കാർ സേവനം, സമാധാനം എന്നിവയ്ക്ക് നൽകുന്ന ഏഷ്യയിലെ നോബൽ എന്നറിയപ്പെടുന്ന  മാഗ്സസെ അവാർഡ്) ഓർമ്മിക്കുന്നു.
  

 ' ടീം തത്ത്വമസി - ജ്യോതിർഗ്ഗമയ