ഇന്ന് ഓഗസ്റ്റ് 6: ഹിരോഷിമ ദിനവുംദേശീയ സൗഹൃദ ദിനവും ഇന്ന്: കെ. ജയകുമാറിനേയും റോസി തമ്പിയുടേയും നെല്ലിയാട്ടു ശ്യാമളന്റെയും ജന്മദിനം: ഗോണ്‍സാലോ ജിമെനെസ് ഡെ ക്വിസ്റ്റാഡ എന്ന സ്പാനിഷ് പട്ടാളക്കാരന്‍ കൊളംബിയ എന്ന യൂറോപ്യന്‍ ഭൂവിഭാഗം കണ്ടുപിടിച്ചതും റോമാ ചക്രവര്‍ത്തി ഫ്രാന്‍സിസ് രണ്ടാമന്‍ റോമാസാമ്രാജ്യത്തിന് അന്ത്യം കുറിച്ചതും ചരിത്രത്തില്‍ ഇന്ന് തന്നെ: ജ്യോതിര്‍ഗമയ വര്‍ത്തമാനവും

1198   കർക്കടകം 21
രേവതി / പഞ്ചമി
2023  ആഗസ്റ്റ് 6, ഞായർ

ഇന്ന് ;

ഹിരോഷിമ ദിനം !
്്്്്്്്്്്്്്്
<1945 ഓഗസ്റ്റ് 6-ന് രാവിലെ 8.15-ന് ഹിരോഷിമയിലാണ് ആദ്യമായി മനുഷ്യർക്കു നേരെ ആറ്റംബോംബ് ആക്രമണം നടന്നത്. രണ്ടാം ലോക മഹായുദ്ധകാലത്ത് ജപ്പാനെ പരാജയപ്പെടുത്തുന്നതിനായി അമേരിക്ക കണ്ടെത്തിയ അവസാന മാർഗ്ഗമായിരുന്നു അണുവായുധ പ്രയോഗം. 70,000 ത്തോളം പേരെ നിമിഷങൾക്കകം അമേരിക്ക കൊന്നൊടുക്കിയ ദുരന്തദിനം (1945)!
ഈ ദിനം ജപ്പാൻകാർ ഹിരോഷിമയിൽ ഒത്തുകൂടി ലോക ശാന്തിക്കായി പ്രാർത്ഥിക്കുന്നു.>

 ദേശീയ സൗഹൃദ ദിനം !
 **********
< National Friendship Day ; ലോകത്ത് നിരവധി രാജ്യങ്ങള്‍ ജൂലൈ 30 നാണ് ഫ്രണ്ട്ഷിപ്പ് ഡേ ആചരിക്കുന്നത്. ഇന്ത്യ, മലേഷ്യ, യുഎഇ, അമേരിക്ക, ബംഗ്ലാദേശ് എന്നീ രാജ്യങ്ങളെല്ലാം ഓഗസ്റ്റ് മാസത്തിലെ ആദ്യ ഞായറാഴ്ചയാണ് സൗഹൃദദിനമായി ആചരിക്കുന്നത്. ഈ വർഷത്തെ സൗഹൃദദിന സന്ദേശം, ' 'സൗഹൃദത്തിലൂടെ ജീവചൈതന്യം പങ്കിടുക' എന്നതാണ്‌ >

ദേശീയ സഹോദരി ദിനം !
 ********
< National Sisters Day ; സഹോദരിമാർ തമ്മിലുള്ള അതുല്യമായ ബന്ധത്തെ ആഘോഷിക്കുന്നു.>

International Sailor Moon Day !
< celebrates one of the most popular manga and anime series, Sailor Moon.>

* Farmworker Appreciation Day !
* Cycle to Work Day

* ബൊളീവിയ : സ്വാതന്ത്രൃ ദിനം !
* ജമൈക്ക: സ്വാതന്ത്ര്യ ദിനം !
* റഷ്യ : റെയിൽവെ ട്രെയ്ൻ ട്രൂപ് ദിനം !
* USA;
*National Fresh Breath Day
*National Root Beer Float Day
*National Wiggle Your Toes Day
*Balloons to Heaven Day
*Psychic Day
*American Family Day

സപ്തതി നിറവിൽ 
കെ. ജയകുമാർ ഐ.എ.എസ്‌
്്്്്്്്്്്്്്്്്്്്

 ഇന്നത്തെ മൊഴിമുത്തുകൾ
  ്്്്്്്്്്്്്്്്്്്്്്്്്

 ‘‘മർത്ത്യനു മർത്ത്യനെപ്പോലെയിത്ര
നിർദ്ദയനായൊരു ശത്രുവില്ലാ-
മർദ്ദനവൈദവമിത്തരത്തിൽ
ക്രുദ്ധമൃഗങ്ങൾക്കു പോലുമില്ല’’

''ജീവിതം വിചിത്രമായൊരു തെരുവീഥിയാണ്. ഒത്തുചേരലിനേക്കാൾ ഒഴിഞ്ഞുകൊടുക്കലുകളുടേയും അകന്നുമാറലുകളുടേയും തെറ്റിപ്പിരിയലുകളുടേയും തിക്കും തിരക്കുമാണാ തെരുവീഥിയിൽ നടക്കുന്നത്...!!''

''അതിരാണിപ്പാടത്തെ പുതിയ
തലമുറയുടെ കാവല്‍ക്കാരാ,
അതിക്രമിച്ചു കടന്നത്‌ പൊറുക്കൂ -
പഴയ കൌതുകവസ്തുക്കള്‍
തേടിനടക്കുന്ന ഒരു പരദേശിയാണ് ഞാന്‍''
.           < - എസ്​.കെ പൊറ്റക്കാട്  
           ********** 

കവിതാസമാഹാരങ്ങള്‍, വിവര്‍ത്തനങ്ങള്‍, ജീവചരിത്രം, ബാലസാഹിത്യം എന്നീ വിഭാഗങ്ങളിലായി ഇരുപതോളം കൃതികള്‍ രചിച്ചിട്ടുള്ള കവി, ഗാനരചയിതാവ്, വിവര്‍ത്തകന്‍, ചിത്രകാരന്‍, തിരക്കഥാകൃത്ത്, കൂടാതെ മുൻ കേരള ചീഫ്‌ സെക്രട്ടറി, അഗ്രികള്‍ച്ചറല്‍ പ്രൊഡക്ഷന്‍ കമ്മിഷണര്‍, ശബരിമല മാസ്റ്റര്‍ പ്ലാന്‍ ചെയര്‍മാന്‍, ശബരിമല സ്‌പെഷ്യല്‍ ഓഫിസര്‍, പത്മനാഭ സ്വാമി ക്ഷേത്രത്തിലെ സ്വത്തു പരിശോധനാ സമിതിയിലെ മേല്‍നോട്ടക്കാരന്‍, സര്‍ക്കാര്‍ പദ്ധതികള്‍ സംബന്ധിച്ചുള്ള ഉന്നതാധികാര സമിതി ചെയര്‍മാന്‍ എന്നിങ്ങനെ വിവിധ ചുമതലകളും  വഹിച്ചിരുന്ന മികച്ച ഭരണാധികാരി,
എന്നീ നിലകളിലും പ്രശസ്തനായ കെ. ജയകുമാറിനേയും (1952 ),

ബൈബിളും മലയാളവും,സ്‌ത്രൈണതയുടെ ആത്മഭാഷണങ്ങള്‍,സ്‌ത്രൈണത ആത്മീയത, മരങ്ങള്‍ ദൈവത്തിന്റെ പ്രതിച്ഛായകള്‍, റബ്ബോനി, പറയാന്‍ ബാക്കിവെച്ചത് തുടങ്ങി നിരവധി  കൃതികളുടെ രചയിതാവും ലേഖനം, കവിത, യാത്രാവിവരണം എന്നിവ എഴുതുകയും തത്വം, ഭാഷ തുടങ്ങി വിവിധ വിഷയങ്ങളെക്കുറിച്ചുളള പഠനങ്ങളിൽ ശ്രദ്ധാലുവും പരിഭാഷകയും ഡോ. സുകുമാർ അഴീക്കോടിന്റെ കീഴിലെ അവസാന ഗവേഷക വിദ്യാർത്ഥിയും 2019ലെ വൈജ്ഞാനിക സാഹിത്യത്തിനുള്ള ഡോ. എം. വി. പൈലി അവാര്‍ഡ് ജേതാവും  അദ്ധ്യാപികയുമായ ഡോ. റോസി തമ്പിയുടേയും (1965),

പ്രശസ്തനായ  ഇന്ത്യൻ - അമേരിക്കൻ   ചലച്ചിത്ര സംവിധായകനും തിരക്കഥാകൃത്തുമായ മനോജ് നെല്ലിയാട്ടു ശ്യാമളന്റെയും (1970),

ഗുല്‍സാര്‍ സംവിധാനം ചെയ്ത് മാച്ചിസ് എന്ന ചിത്രത്തിലൂടെ  സംഗീത സംവിധായകനായി അരങ്ങേറ്റം കുറിക്കുകയും ആ വര്‍ഷത്തെ മികച്ച സംഗീത സംവിധായകനുള്ള ഫിലിം ഫെയര്‍ പുരസ്‌ക്കാരം നേടുകയും ചെയ്ത ഇന്ത്യന്‍ ചലച്ചിത്ര സംവിധായകനും, തിരക്കഥാകൃത്തും, സംഗീത സംവിധായകനുമായ വിശാല്‍ ഭരദ്വാജിന്റേയും (1965),

നെതർലന്റ്സ് ദേശീയ ടീം, മാഞ്ചസ്റ്റർ യുണൈറ്റഡ് എന്നീ ടീമുകൾക്ക് വേണ്ടി കളിക്കുന്ന ഡച്ച് ഫുട്ട്ബാൾ കളിക്കാരൻ   റോബിൻ വാൻ പേഴ്സിയുടെയും (1983),

അഖിലേന്ത്യാ ജനാധിപത്യ മഹിളാ അസോസിയേഷൻ തിരുവനന്തപുരം ജില്ലാ ജോയിന്റ് സെക്രട്ടറിയും മുൻ നിയമസഭ അംഗവും സി പി ഐ എം നേതാവുമായ  ജെ അരുന്ധതിയുടെയും (1945),

പ്രശസ്തയായ ഒരു അമേരിക്കൻ നടിയും സംവിധായകയും ,1998-ൽ റിട്ടേൺ ടു പാരഡൈസ് എന്ന നാടക ത്രില്ലറിലൂടെ തന്റെ സിനിമാ അരങ്ങേറ്റം നടത്തിയ വെരാ ആൻ ഫാർമിഗയുടേയും (1973), ജന്മദിനം !

ഇന്നത്തെ സ്മരണ !!
*********

എസ്.കെ. പൊറ്റെക്കാട്ട് മ. (1913-1982)
ഭരത്‌ മുരളി മ. (1954 -2009)
കെ. മോഹൻദാസ് മ. (1990-2013)
സുരേന്ദ്രനാഥ് ബാനർജി മ. (1848-1925)
പ്രാൺകുമാർ ശർമ്മ മ. (1938 - 2014)
സ്മിത തൽവാൽക്കർ മ.  (1954-2014).
ബെൻ ജോൺസൺ മ. (1572 -1637)
ഡിയെഗോ വെലാസ്ക്വെസ് മ. (1599-1660)
ഫുൾജെൻസിയോ ബാറ്റിസ്റ്റ മ. (1901-1973)

തായാട്ട് ശങ്കരൻ ജ. (1926-1985 )
അലക്സാണ്ടർ ഫ്ലെമിങ്ങ് ജ. (1881-1955)
ആൻഡി വോഹോൾ ജ. (1928-1987)
ആബി ലിങ്കൺ ജ. (1930-2010) 
ജോർജ്ജ് ജേക്കബ് ജംഗ് ജ. (1942-2021)
്്്്്്്്്്്്്്്്്്്്്‌്‌്‌്‌്‌്‌്‌

ശുഭ ദിനം!

ഇന്ന്, 

യൂറോപ്പ്‌,ആഫ്രിക്ക, അമേരിക്ക, ദക്ഷിണേഷ്യ, പൂർവേഷ്യ എന്നിവിടങ്ങളിലെ മിക്ക രാജ്യങ്ങളും പല തവണ സന്ദർശിക്കുകയും ഓരോ സ്ഥലത്തെയും സാമാന്യ മനുഷ്യരുമായി ഇടപഴകുകയും മലയാളത്തിനു ഏറെക്കുറെ നവീനമായ യാത്രാവിവരണ സാഹിത്യശാഖയ്ക്ക്  വിലപ്പെട്ട  സംഭാവനകൾ നല്‍ക്കുകയും  നോവലുകളും ചെറുകഥകളും, കവിതകളും  എഴുതിയ  ജ്ഞാനപീഠപുരസ്കാരം ലഭിച്ച സാഹിത്യകാരന്‍  ശങ്കരൻകുട്ടി കുഞ്ഞിരാമൻ പൊറ്റെക്കാട്ട് എന്ന എസ്.കെ. പൊറ്റെക്കാട്ടിനെയും   (മാർച്ച് 14, 1913–ഓഗസ്റ്റ് 6,1982),

അമരം, കാണാക്കിനാവ്, നെയ്ത്തുകാരൻ തുടങ്ങിയ മലയാള സിനിമകളിൽ അഭിനയിച്ച നാടക, ടെലിവിഷൻ സീരിയൽ രംഗങ്ങളിലെ  അഭിനേതാവായിരുന്ന മുരളിയെയും (മേയ് 25 1954 - ഓഗസ്റ്റ് 6 2009),

2011ൽ ഹോബി-16 എന്ന ഇനം പായക്കപ്പലിൽ 29 ദിവസത്തിനുള്ളിൽ ചെന്നൈയിൽനിന്ന് ഒഡിഷയിലേക്ക് 1,500 കിലോമീറ്റർ സഞ്ചരിച്ച് ലിംക ബുക്ക് ഓഫ് റിക്കോഡ്സിൽ ഇടം നേടിയ മലയാളി കെ. മോഹൻദാസിനെയും  ( 1990-2013 ആഗസ്റ്റ് 6)

ഇന്ത്യൻ നാഷണൽ അസ്സോസ്സിയേഷൻ എന്ന രാഷ്ട്രീയ സംഘടന കെട്ടിപ്പടുക്കുകയും, ഇന്ത്യൻ നാഷണൽ കോൺഗ്രസ്സിന്റെ പതിനൊന്നാമത് ദേശീയ പ്രസിഡന്റാകുകയും  രാഷ്ട്രഗുരു എന്ന് അറിയപ്പെടുന്ന ബ്രിട്ടീഷ് ഇന്ത്യയിലെ ആദ്യകാല രാഷ്ട്രീയ നേതാക്കളിലൊരാൾ ആയിരുന്ന സുരേന്ദ്രനാഥ് ബാനർജിയെയും (10 നവംബർ 1848 – 6 ഓഗസ്റ്റ് 1925),

ചാച്ച ചൗധരി' എന്ന കാർട്ടൂൺ കഥാപാത്രത്തിലൂടെ പ്രശസ്തനായ ഇന്ത്യയുടെ വാൾട്ട് ഡിസ്‌നിയെന്ന് വേൾഡ് എൻസൈക്ലോപീഡിയ ഓഫ് കോമിക്‌സ് വിശേഷിപ്പിച്ച പ്രശസ്തനായ കാർട്ടൂണിസ്റ്റ് പ്രാൺകുമാർ ശർമ്മയെയും(15 ആഗസ്റ്റ് 1938 - 6 ആഗസ്റ്റ് 2014),

വിപ്ലവംപത്രത്തിന്റെ ആദ്യ പത്രാധിപരും,. പിന്നീട് ദേശാഭിമാനി വാരികയുടെ പത്രാധിപരും ,കേരള ഗ്രന്ഥശാലാ സംഘത്തിന്റെ പ്രസിഡന്റ്റും. പുരോഗമന കലാ സാഹിത്യ സംഘത്തിന്റെ നേതാവും  ഗദ്യ സാഹിത്യകാരനും സാംസ്കാരിക പ്രവർത്തകനുമായിരുന്നു തായാട്ട് ശങ്കരനെയും (1926 ഓഗസ്റ്റ് 6 - 1985 മാർച്ച് 23),

സിനിമാ നിർമാതാവെന്ന നിലയിൽ കളത്ത് നകളത്ത്, തു തിഥെ മി എന്നീ ചിത്രങ്ങൾക്ക്  ദേശീയപുരസ്‌കാരം നേടിയിട്ടുള്ള പ്രമുഖ മറാഠി നടിയും നിർമാതാവും സംവിധായിക യുമായിരുന്ന സ്മിത തൽവാൽക്കറിനെയുo (5 സെപ്റ്റംബർ 1954 – 6 ഓഗസ്റ്റ് 2014),

വോൾപോൺ, ദി ആൽക്കെമിസ്റ്റ്, ബർത്തലോമ്യൂ ഫെയർ തുടങ്ങിയ ഹാസ്യനാടകങ്ങളുടേയും കുറേ ഭാവഗീതങ്ങളുടേയും രചയിതാവും ഷേക്സ്പിയറുടെ സമകാലീനനും, നവോത്ഥാനകാലത്തെ  നാടകകൃത്തും കവിയും നടനും ആയിരുന്ന ബെഞ്ചമിൻ ജോൺസൻ എന്ന ബെൻ ജോൺസണിനെയും (ജൂൺ 11, 1572 - ഓഗസ്റ്റ് 6, 1637),

ബാരോക്വ് കാലഘട്ടത്തിലെ തനതായ വ്യക്തിത്വമുള്ള ഛായാചിത്രരചന നടത്തുകയും ചരിത്രപരവും സാംസ്കാരികവുമായി പ്രാധാന്യമുള്ള ധാരാളം സീനറികളും,   സ്പാനിഷ് രാജകുടുംബത്തിലെ അംഗങ്ങളുടെയും യൂറോപ്പിലെ പ്രധാനവ്യക്തികളുടെയും ധാരാളം ഛായാചിത്രങ്ങളും, ധാരാളം സാധാരണക്കാരുടെ ചിത്രങ്ങളും വരച്ച സ്പാനിഷ് ചിത്രകാരൻ ആയിരുന്ന ഡിയെഗോ വെലാസ്ക്വെസ് (സ്പാനിഷ് ഉച്ചാരണം: (1599 - ഓഗസ്റ്റ് 6, 1660)

ക്യൂബൻ വിപ്ലവത്തിനു മുൻപുള്ള കാലഘട്ടത്തിൽ ക്യൂബ ഭരിച്ചിരുന്ന സ്വേച്ഛാധിപതിയാണ് ഫുൾജെൻസിയോ ബാറ്റിസ്റ്റയെയും( ജനുവരി 16, 1901 – ഓഗസ്റ്റ് 6, 1973),
contd

വിപ്ലവംപത്രത്തിന്റെ ആദ്യ പത്രാധിപരും,. പിന്നീട് ദേശാഭിമാനി വാരികയുടെ പത്രാധിപരും ,കേരള ഗ്രന്ഥശാലാ സംഘത്തിന്റെ പ്രസിഡന്റ്റും. പുരോഗമന കലാ സാഹിത്യ സംഘത്തിന്റെ നേതാവും  ഗദ്യ സാഹിത്യകാരനും സാംസ്കാരിക പ്രവർത്തകനുമായിരുന്നു തായാട്ട് ശങ്കരനെയും (1926 ഓഗസ്റ്റ് 6 - 1985 മാർച്ച് 23),

സിഫിലിസ്, ക്ഷയംമുതലായ അസുഖങ്ങൾക്കെതിരായി ഉള്ള ഏറ്റവും ഫലപ്രദമായ ഔഷധമായ പെൻസിലിൻ കണ്ടുപിടിച്ചതു വഴി വൈദ്യശാസ്ത്രത്തിലെ ആന്റിബയോട്ടിക്ക് വിപ്ലവത്തിനു തുടക്കം കുറിച്ച സ്കോട്ടിഷ് ശാസ്ത്രജ്ഞന്‍  അലക്സാണ്ടർ ഫ്ലെമിങ്ങിനെയും  (ഓഗസ്റ്റ് 6, 1881 - മാർച്ച് 11, 1955)

പരീക്ഷണാത്മക (അവാന്ത് ഗാർഡ്) ചലച്ചിത്ര നിർമ്മാതാവ്, സംഗീത നിർമ്മാതാവ്, എഴുത്തുകാരൻ എന്നീ നിലകളിൽ ലോക പ്രശസ്തനാകുകയും പോപ്പ് "ആർട്ട് എന്ന ദൈനംദിന വസ്തുക്കളെയും ചിത്രങ്ങളെയും അതേപോലെ വരയ്ക്കുന്ന കലാരൂപത്തിന്റെ മുന്നേറ്റത്തിന്റെ കേന്ദ്രബിന്ദുവായി തീർന്ന അമേരിക്കൻ കലാകാരൻ ആൻഡി വോഹോളിനെയും(ഓഗസ്റ്റ് 6, 1928 - ഫെബ്രുവരി 22, 1987)

അമേരിക്കൻ പൗരാവകാശ പ്രസ്ഥാനത്തിൽ പങ്കാളിയും അറുപതുവർഷത്തോളംസംഗീത രംഗത്തും പൊതുരംഗത്തും സക്രിയമായിരുന്ന പ്രസിദ്ധ ജാസ് സംഗീതജ്ഞയും ഗായികയും നടിയുമായിരുന്ന ആബി ലിങ്കണെയും(6 ഓഗസ്റ്റ് 1930 -14 ഓഗസ്റ്റ് 2010) ഓർമ്മിക്കുന്നു.

ചരിത്രത്തിൽ ഇന്ന്…
*********

1538 - ഗോൺസാലോ ജിമെനെസ് ഡെ ക്വിസ്റ്റാഡ എന്ന സ്പാനിഷ് പട്ടാളക്കാരൻ കൊളംബിയ എന്ന യൂറോപ്യൻ ഭൂവിഭാഗം കണ്ടുപിടിച്ചു.

1806 - റോമാ ചക്രവർത്തി ഫ്രാൻസിസ് രണ്ടാമൻ റോമാസാമ്രാജ്യത്തിന് അന്ത്യം കുറിച്ചു.

1825 - ബൊളീവിയ സ്പെയിനിൽ നിന്നും സ്വതന്ത്രമായി.

1945 - രണ്ടാം ലോകമഹായുദ്ധം: ജപ്പാനിലെ ഹിരോഷിമയിൽ അമേരിക്ക അണുബോംബിട്ടു. 70,000 പേർ തൽക്ഷണം മരണമടഞ്ഞു.

1962 - ജമൈക്ക ബ്രിട്ടീഷുകാരിൽനിന്നും സ്വാതന്ത്ര്യം നേടി.

1991 - ടിം ബർണേയ്സ് ലീ വേൾഡ് വൈഡ് വെബ് എന്ന ആശയം അവതരിപ്പിച്ചു. ഇത് ഇന്റർനെറ്റിലെ ഒരു സേവനമായി ലഭ്യമാകാൻ തുടങ്ങി.

2001 - ഏർവാടി തീപിടിത്ത സംഭവം : തമിഴ്‌നാട്ടിലെ ഏർവാടിയിലുള്ള ഒരു വിശ്വാസാധിഷ്ഠിത സ്ഥാപനത്തിൽ ഇരുപത്തിയെട്ട് മാനസികരോഗികളെ ചങ്ങലയിൽ ബന്ധിച്ച് ചുട്ടുകൊന്നു . 

2008 - മൌറീഷ്യൻ പ്രസിഡന്റ് സിദി മുഹമ്മദ് ഓൾഡ് ചെക്ക് അബ്ദല്ലാഹി ഒരുകൂട്ടം ജനറൽമാരാൽ നിഷ്കാസിതനായി

2010 - ഇന്ത്യയിലെ ജമ്മു കാശ്മീരിന്റെ വലിയൊരു ഭാഗത്ത് വെള്ളപ്പൊക്കത്തിൽ 71 പട്ടണങ്ങൾക്ക് കേടുപാടുകൾ സംഭവിക്കുകയും 255 പേരെങ്കിലും കൊല്ലപ്പെടുകയും ചെയ്തു.

2011 - അഫ്ഗാനിസ്ഥാനിലെ യുദ്ധം : ഒരു യുണൈറ്റഡ് സ്റ്റേറ്റ്സ് മിലിട്ടറി ഹെലികോപ്റ്റർ വെടിവെച്ച് വീഴ്ത്തി 30 അമേരിക്കൻ പ്രത്യേക സേനാംഗങ്ങളും ഒരു ജോലി ചെയ്യുന്ന നായയും ഏഴ് അഫ്ഗാൻ സൈനികരും ഒരു അഫ്ഗാൻ സിവിലിയനും കൊല്ലപ്പെട്ടു. അഫ്ഗാനിസ്ഥാനിലെ യുദ്ധത്തിൽ അമേരിക്കയുടെ ഏറ്റവും മാരകമായ ഒറ്റ സംഭവമായിരുന്നു അത്.

2012 - നാസയുടെ ക്യൂരിയോസിറ്റി റോവർ ചൊവ്വയുടെ ഉപരിതലത്തിൽ ഇറങ്ങി

2015 - സൗദി നഗരമായ അബഹയിലെ ഒരു പള്ളിയിൽ ചാവേർ ബോംബ് ആക്രമണത്തിൽ 15 പേർ കൊല്ലപ്പെട്ടു . 

.                  ******
ടീം ' തത്ത്വമസി - ജ്യോതിർഗ്ഗമയ'