ഇന്ന് ആഗസ്റ്റ് 12: ആലപ്പുഴ നെഹൃ ട്രോഫി വള്ളംകളിയും അന്താരാഷ്ട്ര യുവജന ദിനവും ഇന്ന്: ഡോക്ടര്‍ വിക്രം സാരാഭായിയുടെയും സീതാറാം യച്ചൂരിയുടെയും സിദ്ധരാമയ്യയുടെയും ജന്മദിനം: ക്ലിയോപാട്ര ആത്മഹത്യ ചെയ്തതും സാന്റിയാഗോ ഡി ലിനിയേഴ്‌സ് ബ്യൂണസ് അയേഴ്‌സ് നഗരം തിരിച്ചു പിടിച്ചതും ഷിക്കാഗോ നഗരം സ്ഥാപിച്ചതും ചരിത്രത്തില്‍ ഇതേദിനം തന്നെ: ജ്യോതിര്‍ഗമയ വര്‍ത്തമാനങ്ങളും

1198   കർക്കടകം 27
തിരുവാതിര  / ഏകാദശി
2023  ആഗസ്റ്റ് 12, ശനി
<ഏകാദശി വ്രതം>

ഇന്ന്;
ആലപ്പുഴ നെഹൃ ട്രോഫി വള്ളംകളി !
്്്്്്്്്്്്്്്്്്്്്്്്്്്്്്

അന്തഃരാഷ്ട്ര യുവജന ദിനം !             
്്്്്്്്്്്്്്്്്്്്്്്്്്
 

                    ലോക ആന ദിനം !
                ്്്്്്്്്്്്്്്്്്
< World Elephant Day; ആവാസ കേന്ദ്രങ്ങളുടെ നാശവും ആനക്കൊമ്പിനായുള്ള വേട്ടയാടലും മനുഷ്യന്റെ ചൂഷണവും കടന്നു കയറ്റങ്ങളുമെല്ലാം ആനകളുടെ ജീവന് ഭീഷണി ആയിത്തീർന്നു. ഈ ദിനാചരണത്തിന് 65-ലധികം വന്യജീവി സംഘടനകളുടെയും രാജ്യങ്ങളുടേയും   വ്യക്തികളുടെയും പിന്തുണയുണ്ട്.>

ദേശീയ വിദൂര സംവേദനം ദിനം !             
്്്്്്്്്്്്്്്്്്്്്്്്്്്്
ദേശീയ റിമോട്ട് സെൻസിങ് ദിനം  (National Remote Sensing Day)
ആയി ആചരിക്കുന്നു. ഒരു വസ്തുവിനെയോ സംഭവത്തെയോ കുറിച്ചുള്ള വിവരങ്ങൾ,  പ്രത്യക്ഷബന്ധമില്ലാതെ, കൃത്രിമ ഉപഗ്രഹങ്ങളിലും വിമാനങ്ങളിലും മറ്റും ഘടിപ്പിച്ച കാമറകൾ, മറ്റ് സംവേദനങ്ങൾ തുടങ്ങിയ സങ്കേതങ്ങളുപോയിച്ച് ശേഖരിക്കുന്ന ശാസ്ത്രശാഖയാണ് വിദൂരസംവേദനം എന്ന് അറിയപ്പെടുന്നത്. >

ദേശിയ ലൈബ്രറി ദിനം. ! ്്്്്്്്്്്്്്്്്്്്്്്
< ഇന്ത്യൻ ഗ്രന്ഥാലയ ശാസ്ത്ര ശാഖയുടെ പിതാവ് S R രംഗനാഥന്റെ (1892) ജന്മദിനം >   

• തായ്ലാൻഡ്: രാജ്ഞിയുടെ
     പിറന്നാൾ / ദേശീയ മാതൃദിനം !
  * റഷ്യ: വായുസേന ദിനം !
  * റഷ്യ : റഷ്യൻ റെയിൽവെ ട്രൂപ്പേഴ്സ്
    ഡേ !
• 

USA ;
National Garage Sale Day
National Middle Child Day
National Vinyl Record Day

*ഇന്നത്തെ മൊഴിമുത്തുകൾ *്്്്്്്്്്്്്്്്്്്്്്്്്്്്
" നേരമ്പോക്ക്‌ എനിക്കിഷ്ടമാണ്‌, പക്ഷേ  എവിടേയും എന്തിലും അതധികമായാൽ വെറുപ്പുളവക്കുന്ന ഒന്നായിരിക്കും. നേരമ്പോക്കിനേക്കാൾ ഉല്ലാസമാണ്‌ നല്ലത്‌, ഉല്ലാസത്തെക്കാൾ  ആമോദമാണ്‌ നല്ലത്.

വൈരുദ്ധ്യങ്ങളില്ലെങ്കിൽ പുരോഗതി അസാദ്ധ്യം. ആകർഷണവും വികർഷണവും, യുക്തിയും ശക്തിയും, സ്നേഹവും വെറുപ്പുമൊക്കെ മാനവരാശിയുടെ അസ്തിത്വവും നിലനിൽപ്പിന്‌ അത്യന്താപേക്ഷിതവും തന്നെ.! "
.              <  - വില്യം ബ്ലേയ്ക്‌ >
******** 
 ഇന്ത്യൻ കമ്യൂണിസ്റ്റ് പാർട്ടി(മാർക്സിസ്റ്റ്)  പാർട്ടിയുടെ പോളിറ്റ് ബ്യൂറോ  അംഗവും  ദേശീയ ജനറൽ സെക്രട്ടറിയും പാർട്ടിയുടെ മുൻരാജ്യസഭ നേതാവുമായ സീതാറാം യച്ചൂരിയുടെയും  (1952), 

കർണാടക സംസ്ഥാനത്തെ മുൻ മുഖ്യമന്ത്രിയും കോൺഗ്രസ് നേതാവും ആയ സിദ്ധരാമയ്യയുടെയും (1946),

മുൻ കോഴിക്കോട് കോർപ്പറേഷൻ മേയറും, രണ്ടു തവണ ലോകസഭ അംഗവുമായിരുന്ന സി പി ഐ എം നേതാവ് എ കെ പ്രേമജത്തിൻ്റെയും (1938 ),

മുൻ ഡി.ജി.പി.യും(പോലീസ് ഡയറക്ടർ ജനറൽ) സംസ്ഥാന പോലീസ് മേധാവിയും  2018 ജനുവരി 31-മുതൽ പുഷ്പഗിരി മെഡിക്കൽ കോളേജിന്റെ എക്സിക്യൂട്ടീവ് ഡയറക്ടറും തിരുവനന്തപുരത്തെ മേജർ ആർക്കിപാർക്കിയിലെ പാസ്റ്ററൽ കൗൺസിലിന്റെ സെക്രട്ടറിയുമായ ജേക്കബ് പുന്നൂസ്‌ ഐ.പി.എസിന്റേയും (1952),

കേരള സാഹിത്യ അക്കാദമിയുടെ യാത്രാ വിവരണത്തിനുള്ള പുരസ്കാരം നേടിയ 'യൂറോപ്പ് ആത്മചിഹ്നങ്ങൾ', തച്ചനറിയാത്ത മരം, നഗ്നൻ തുടങ്ങിയ കൃതികളുടെ രചയിതാവും പത്തോളം ഹ്രസ്വ ചിത്രങ്ങളുടെ സംവിധായകനും 'ശ്രദ്ധ' ഓൺലൈൻ മാസികയുടെ എഡിറ്ററും തൃശൂർ കേരളവർമ്മ കോളേജിൽ മലയാളം അദ്ധ്യാപകനായി 33 വർഷം പ്രവർത്തിക്കുകയും ചെയ്ത  കവിയും സാഹിത്യകാരനുമായ പ്രൊഫ. വി.ജി തമ്പിയുടേയും(1955),

റോജ എന്ന തമിഴ് ചിത്രത്തിലെ എ.ആര്‍. റഹ്മാന്‍ സംഗീതം നല്‍കിയ" ചിന്ന ചിന്ന ആസൈ എന്നു തുടങ്ങുന്ന  ഗാനത്തിലൂടെ സിനിമാലോകത്ത് പ്രശസ്തയാകുകയും മലയാളചിത്രമായ കിഴക്കുണരും പക്ഷിയിലെ സൗപര്‍ണികാമൃത..., കുടുംബ സമേതത്തിലെ ഊഞ്ഞാല്‍ ഉറങ്ങി..., നീലരാവില്‍..., തുടങ്ങിയ മലയാള ഹിറ്റുഗാനങ്ങളിലൂടെ മനം കവർന്ന തെന്നിന്ത്യന്‍ ചലച്ചിത്ര പിന്നണി ഗായിക മിന്മിനിയുടേയും (1970),

 തിയേറ്ററുകളില്‍ സൂപ്പര്‍ഹിറ്റായി മാറിയ 'പുലിമുരുകന്‍' എന്ന ചിത്രത്തിലൂടെ മലയാളത്തിലേക്ക് കടന്നുവരുകയും ശങ്കര്‍, രാജമൗലി തുടങ്ങി പ്രശസ്തരായ സംവിധായകരുടെ ചിത്രങ്ങളിലൂടെ  മലയാളികള്‍ക്ക് പ്രിയങ്കരനാകുകയും ചെയ്ത ഇന്ത്യയിലെ മികച്ച ആക്ഷന്‍ കൊറിയോഗ്രാഫര്‍മാരില്‍ ഒരാളായ പീറ്റര്‍ ഹെയ്നിന്റേയും (1973),

പ്രമുഖ അമേരിക്കൻ വ്യവസായിയും നിക്ഷേപകൻ, ജീവകാരുണ്യ പ്രവർത്തകൻ, എഴുത്തുകാരൻ എന്നീ നിലകളിൽ പ്രശസ്തനുമായ  ജോർജ് സോറോസിന്റെയും (1930), ജന്മദിനം !

ഇന്നത്തെ സ്മരണ !!!
*********

ഡോ. ടി. ഭാസ്കരൻ മ. (1929-2010)
രാമചന്ദ്രൻ വടക്കേടത്ത്‌ മ. (1928-2012)
ചുനക്കര രാമൻ കുട്ടി മ. (1936-2020) 
ക്ലിയോപാട്ര VII (69 ബി.സി.-30 ബി.സി)
ഒലോഫ്‌ ഡാലിൻ മ. (1708-1763)
വില്യം ബ്ലെയ്ക്ക് മ. (1757-1827)
വിൽഹെം സ്റ്റീനിറ്റ്സ്  മ. (1836-1900)
തോമസ് മാൻ മ. (1875 -1955 )
ഇയാൻ ഫ്ലെമിങ്ങ് മ. (1908 -1964)
വില്യം ഷോക്ലി മ. (1910-1989)

കെ. ബാലകൃഷ്ണൻ ജ. (1924-1984 )
എസ്‌.ആർ രംഗനാഥൻ ജ. (1892-1972)
വിക്രം സാരാഭായ്‌  ജ. (1881-1959)
ജന. സിയാ ഉൾ ഹഖ്‌ ജ. (1924-1988)
സുശീൽ കൊയ്രാള ജ. (1939-2016)
എഡ്വാർഡൊ ഇറാഡിയർ ജ.(1856-1921)
സെസിൽ ഡി. മില്ലെ ജ. 1881-1959
എർവിൻ ഷ്രോഡിങ്ങർ ജ. 1887-1967

ചരിത്രത്തിൽ ഇന്ന്…
********

ബി.സി.ഇ. 490 - മാരത്തോൺ യുദ്ധം - ജൂലിയൻ കാലഗണനാ രീതിയനുസരിച്ച് ഈ ദിവസമാണ്‌ അധിനിവേശ പേർഷ്യൻ സേനെയെ ഏതൻസ് പരാജയപ്പെടുത്തിയ യുദ്ധം നടന്നത്. 

ബി.സി.ഇ. 30 - ആക്റ്റിയം യുദ്ധത്തിൽ തന്റേയും മാർക്ക് ആന്റണിയുടേയും പരാജയത്തെത്തുടർന്ന് ക്ലിയോപാട്ര ആത്മഹത്യ ചെയ്തു.

1806 - ഇംഗ്ലീഷുകാരുടെ ആദ്യ അധിനിവേശത്തിനു ശേഷം, സാന്റിയാഗോ ഡി ലിനിയേഴ്സ് ബ്യൂണസ് അയേഴ്സ് നഗരം തിരിച്ചു പിടിച്ചു.

1833 - ഷിക്കാഗോ നഗരത്തിന്റെ സ്ഥാപനം.

1851 - തന്റെ തയ്യൽ യന്ത്രത്തിന്റെ പേറ്റന്റ് ഐസക് സിംഗർ നേടിയെടുത്തു.

1877 - ചൊവ്വയുടെ പുതിയ ഉപഗ്രഹം കണ്ടെത്തി.

1883 - ലോകത്തിലെ അവസാനത്തെ quagge ( ഒരു തരം zebra) ആംസ്റ്റർഡാമിലെ കാഴ്ചബംഗ്ലവിൽ ഇല്ലാതായി. തോലിന് വേണ്ടിയുള്ള പൈശാചികമായ വേട്ട ആടലാടാണ് ഈ ദുരന്തങ്ങൾക്ക് കാരണം

1898 - സ്പാനിഷ് അമേരിക്കൻ യുദ്ധത്തിന്‌ അന്ത്യം കുറിച്ചുകൊണ്ടുള്ള വെടിനിറുത്തൽ ഉടമ്പടി.

1914 - ഒന്നാം ലോകമഹായുദ്ധം: ബ്രിട്ടൺ, ഓസ്ട്രിയ- ഹംഗറിക്കെതിരായി യുദ്ധം പ്രഖ്യാപിച്ചു. ഇതോടെ ബ്രിട്ടീഷ് സാമ്രാജ്യത്തിലെ രാജ്യങ്ങളെല്ലാം സ്വയമേവ യുദ്ധത്തിൽ പങ്കു ചേർന്നു.

1947 - സർ സി പി. രാമസ്വാമി അയ്യർ തിരുവിതാം കൂർ ദിവാൻ പദവി ഉടൻ ഒഴിയുമെന്ന് പ്രഖ്യാപിച്ചു.

1960 - ആദ്യ വാർത്താവിനിമയ ഉപഗ്രഹമായ എക്കോ I വിക്ഷേപിച്ചു.

1964 - വർണ്ണവിവേചനനയങ്ങൾ മുൻ നിറുത്തി ദക്ഷിണാഫ്രിക്കയെ ഒളിമ്പിക്സിൽ പങ്കെടുക്കുന്നതിൽ നിന്നും വിലക്കി.

1976 - ലെബനനിൽ ആഭ്യന്തര യുദ്ധത്തിനിടെ അഭയാർഥി കാമ്പിന് നേരെ നടന്ന ഭീകരാക്രമണത്തിൽ 3000 ത്തിലേറെ പേർ കൊല്ലപ്പെട്ടു.

1978 - ജപ്പാനും ചൈനയും തമ്മിൽ സൗഹൃദ ഉടമ്പടി ഒപ്പുവച്ചു.

1981 - ഐ.ബി.എം. പി.സി.പുറത്തിറങ്ങി.

1990 - ലോകത്തില ഏറ്റവും വലിയ ഡിനോസറിന്റെ ഫോസിൽ USA യിൽ കണ്ടെത്തി.

2004 - സിംഗപ്പൂരിന്റെ മൂന്നാമത് പ്രധാനമന്ത്രിയായി ലീ സീൻ ലൂങ്ങ് അധികാരമേറ്റു.

2015 - ചൈനയിലെ ടിയാൻജിനിൽ കുറഞ്ഞത് രണ്ട് വലിയ സ്ഫോടനങ്ങളിൽ 173 പേർ കൊല്ലപ്പെടുകയും 800 ഓളം പേർക്ക് പരിക്കേൽക്കുകയും ചെയ്തു .

2016 - സിറിയൻ ആഭ്യന്തരയുദ്ധം : സിറിയൻ ഡെമോക്രാറ്റിക് ഫോഴ്‌സ് (എസ്‌ഡിഎഫ്) മാൻബിജ് നഗരം ഇസ്ലാമിക് സ്റ്റേറ്റ് ഓഫ് ഇറാഖ് ആൻഡ് ലെവന്റിൽ നിന്ന് (ഐഎസ്‌ഐഎൽ) പിടിച്ചെടുത്തു .

2018 - സിറിയയിലെ സർമാദയിലെ ആയുധ ഡിപ്പോയിലുണ്ടായ സ്ഫോടനത്തിൽ ഒരു ഡസൻ കുട്ടികൾ ഉൾപ്പെടെ 39 സാധാരണക്കാർ കൊല്ലപ്പെട്ടു .

2021 - 2010 ന് ശേഷം യുകെയിൽ പ്ലിമൗത്തിലെ കീഹാമിൽ നടന്ന ഏറ്റവും വലിയ വെടിവയ്പ്പിൽ ആറ് പേരും അഞ്ച് ഇരകളും കുറ്റവാളിയും കൊല്ലപ്പെട്ടു . 
്്്്്്്്്്്്്്്്്്്്്‌്‌്‌്‌്‌്‌്‌

ഇന്ന്, 

ശ്രീനാരായണഗുരുവിന്റെ സമ്പൂർണ്ണകൃതികൾക്ക് 'വിദ്യോതിനി' എന്ന പേരിൽ വ്യാഖ്യാനം, കുമാരനാശാന്റെ പ്രരോദനത്തിന്റെ 'പ്രദ്യോതിനി' എന്ന വ്യാഖ്യാനം,  ഭാസനാടകങ്ങൾ മലയാളലിപിയിൽ ഭാസനാടകചക്രം എന്ന പേരിൽ പ്രസിദ്ധികരണം,  കൃഷ്ണഗാഥയെ സംബന്ധിച്ച പഠനങ്ങൾ, ഭാരതീയകാവ്യശാസ്ത്രം ' എന്ന ഗ്രന്ഥം, തുടങ്ങിയ കൃതികൾ രചിക്കുകയും കേരള സർവ്വകലാശാലാ ഹസ്തലിഖിത ഗ്രന്ഥാലയത്തിന്റെ ഡയറക്റ്ററായിരിക്കെ നിരവധി ഗ്രന്ഥങ്ങൾ സംശോധനംചെയ്ത് പ്രസിദ്ധീകരിക്കുകയും ചെയ്ത സംസ്കൃതപണ്ഡിതനും,, അധ്യാപകനും വ്യാഖ്യാതാവും ആയിരുന്ന എഴുത്തുകാരനൻ ഡോ.ടി. ഭാസ്കരനെയും (1929 ഓഗസ്റ്റ് 20- 2010 ഓഗസ്റ്റ് 12 ),

പന്ത്രണ്ട് സഹോദരങ്ങൾ, വിദൂര വീക്ഷണം, രസ വിചാരം, ഗാന്ധിയും ഭഗവദ് ഗീതയും, ഭാരതീയ സാഹിത്യ ശാസ്ത്രം തുടങ്ങിയ കൃതികൾ രചിച്ച സംസ്കൃത പണ്ഡിതനും, നിരുപകനും, സാഹിത്യകാരനും ആയിരുന്ന വടക്കേടത്ത് രാമചന്ദ്രനെയും (1928-1912 ഓഗസ്റ്റ് 12 ) 

ഹിസ്റ്ററി ഒഫ് ദ് സ്വീഡിഷ് കിങ്ഡം 
എന്ന മൂന്നു വാല്യങ്ങളുളള ചരിത്രഗ്രന്ഥം രചിച്ച സ്വീഡനിലെ ചരിത്രകാരനും സാഹിത്യകാരനുമായിരുന്ന ഒലൊഫ് വൊൺ ഡാലിൻ (1708 ഓഗസ്റ്റ്. 29-1763 ആഗസ്റ്റ്. 12 ),

കാല്പനികയുഗത്തിലെ കവിതയുടേയും ദൃശ്യകലകളുടേയും രംഗത്തെ അതികായന്മാരിലൊരാളായി  പരിഗണിക്കപ്പെടുന്ന ഒരു ഇംഗ്ലീഷ് കവിയും ചിത്രകാരനും പ്രിന്റ് നിർമ്മാതാവും ആയിരുന്ന വില്യം ബ്ലെയ്ക്ക് (28 നവംബർ 1757 – 12 ഓഗസ്റ്റ് 1827),

പൊതുവെ അംഗീകരിയ്ക്കപ്പെട്ട പ്രഥമ ലോക ചെസ്സ് ചാമ്പ്യൻ പ്രേഗിൽ ജനിച്ച വിൽഹെം സ്റ്റീനിറ്റ്സ്( മെയ്17, 1836 – ആഗസ്റ്റ്12, 1900),

ക്ഷയരോഗം ബാധിച്ച തന്റെ മാതുല സഹോദരനെ (കസിൻ) കാണുവാൻ യാത്രചെയ്യുകയും ക്ഷയരോഗാശുപത്രിയിൽ മൂന്ന് ആഴ്ച തങ്ങുവാൻ ഉദ്ദേശിച്ചെങ്കിലും പല കാരണങ്ങളാൽ ഏഴു വർഷത്തോളം ആശുപത്രിയിൽ തന്നെ കുടുങ്ങിപ്പോവുകയും, ക്ഷയരോഗാശുപത്രിയിൽ കണ്ടുമുട്ടുന്ന പല കഥാപാത്രങ്ങളിലൂടെ  സമകാലീന യൂറോപ്യൻ സമൂഹത്തിന്റെ അന്തഃഛിദ്രങ്ങൾ അനാവരണം ചെയ്യുന്ന ഒരു എൻജിനീറിംഗ് വീദ്യാർത്ഥി യുടെ കഥ പറയുന്ന  "ദ് മാജിക് മൗണ്ടൻ" ' എഴുതി നോബൽ സമ്മാനം വാങ്ങിയ  ജർമ്മൻ നോവലിസ്റ്റും സാമൂഹിക വിമർശകനും മനുഷ്യസ്നേഹിയും എഴുത്തുകാരനും,  നവീകരിച്ച ബൈബിൾ കഥകളും ജർമ്മൻ കഥകളും ഗോയ്ഥെ, നീഷേ, ഷോപ്പെൻ‌ഹോവെർ എന്നിവരുടെ ആശയങ്ങളും തന്റെ സാഹിത്യ സൃഷ്ട്രികളിൽ ഉപയോഗിച്ച പോൾ തോമസ് മാനിനെയും ( 1875 ജൂൺ 6 - 1955 ഓഗസ്റ്റ് 12),

ഇഗ്ലീഷ് എഴുത്തുകാരനും, പത്രപ്രവർത്തകനും, നേവൽ രഹസ്യ വിഭാഗ ഉദ്യോഗസ്തനും, ജെയിംസ് ബോണ്ട് നോവലുകൾ എഴുതി പ്രസിദ്ധി ആർജിച്ച ഇയാൻ ലങ്കാസ്റ്റർ ഫ്ലെമിങ്ങിനെയും(28 മെയ് 1908 – 12 ആഗസ്റ്റ് 1964),

കമ്പ്യൂട്ടർ വിപ്ലവം തന്നെ സാദ്ധ്യമാക്കിയ ട്രാൻസിസ്റ്ററുകളുടെ കണ്ടുപിടുത്തം നടത്തിയ ശാസ്ത്രജ്ഞന്മാരിലൊരാളായ വില്യം ഷോക്ലി (ഫെബ്രുവരി 13, 1910 – ഓഗസ്റ്റ് 12, 1989)

റെവല്യൂഷണറി സോഷ്യലിസ്റ്റ് പാർട്ടിയുടെ കേരളത്തിലെ സ്ഥാപക നേതാക്കളിലൊരാളും മുഖ്യമന്ത്രി സി കേശവന്റെ മകനും, നിയമസഭ അംഗവും ലോക സഭ അംഗവും, എഴുത്തുകാരനും എഡിറ്ററും രാഷ്ട്രീയ പ്രവർത്തകനുമായിരുന്ന കെ. ബാലകൃഷ്ണൻ എന്ന കേശവൻ ബാലകൃഷ്ണനെയും (1924 ആഗസ്റ്റ്‌ 12 – 1984 ജൂലൈ 16),

ഇന്ത്യയിലെ ഗ്രന്ഥാലയ ശാസ്ത്രത്തിന്റെ പിതാവ് എന്നറിയപ്പെടുന്ന ഗണിതാദ്ധ്യാപകനും ഗ്രന്ഥശാലാധികാരിയുമായിരുന്ന (ലൈബ്രേറിയൻ)എസ്.ആർ. രംഗനാഥൻ (ഓഗസ്റ്റ് 12, 1892 – സെപ്റ്റംബർ 27, 1972),

ഇന്ത്യൻ ബഹിരാകാശ പദ്ധതിയുടെ പിതാവ് എന്നറിയപ്പെടുന്ന ഇന്ത്യൻശാസ്ത്രജ്ഞന്‍ വിക്രം സാരാഭായിയെയും (ഓഗസ്റ്റ് 12, 1919 - ഡിസംബർ 30, 1971),

പാകിസ്താന്റെ ചരിത്രത്തിൽ മൂന്നാമത്തെ പ്രാവശ്യം (1977-ൽ) പട്ടാളഭരണം ഏർപ്പെടുത്തിയ ചീഫ് മാർഷ്യൽ ലോ അഡ്മിനിസ്ട്രേറ്റർ ആറാമത്തെ പ്രസിഡന്റാണ് മൗലിക ഇസ്ലാമികവിശ്വാസത്തിലധിഷ്ഠിതമായ രാഷ്ട്രീയനയങ്ങൾ പാകിസ്താനിൽ പൊതുധാരയിലേക്ക് കൊണ്ടുവന്ന  ജനറൽ മുഹമ്മദ് സിയ ഉൾ ഹഖ് (ഓഗസ്റ്റ് 12, 1924 – ഓഗസ്റ്റ് 17, 1988)

നേപ്പാളി കോൺഗ്രസിന്റെ പ്രസിഡന്റും മുൻ പ്രധാനമന്ത്രിയും ആയ സുശീൽ കൊയ്രാളയെയും (1939 ഓഗസ്റ്റ് 12-2016 February 9),

ജൂലിയസ് സീസറിന്റെയും പിന്നീട് മാർക്ക് ആൻറ്റണിയുടെയും കാമുകിയും, പിതാവായ പ്ലോട്ടണി XII മനുമായും പിന്നീട് ടോളമിXIII, ടോളമിXIV (ഭർത്താവ്, സഹോദരൻ) എന്നിവരുമായി രാജ്യം ഭരിക്കുകയും ചെയ്ത ഈജിപ്തിലെ വളരെ ശക്തയായ രാജ്ഞി ക്ലിയോപാട്ര VII നെയും (ജനുവരി 69 ബി.സി. – ഓഗസ്റ്റ് 12 – 30 ബി.സി) 

മൂന്നുതവണ സ്പാനിഷ് പ്രധാനമന്ത്രിയാകുകയും അവസാനം മാഡ്രിഡിൽ വച്ചുണ്ടായ ഭീകരവാദികളുടെ ബോംബാക്രമണത്തിൽ  കൊല്ലപ്പെടുകയും ചെയ്ത എഡ്വാർഡോ ഡാറ്റോ ഇറാഡിയർ ( 1856 ആഗസ്റ്റ് 12-മാർച്ച് 8, 1921),

ടെൻ കമാന്റ്മെന്റ്സ് ,ദ് കിങ് ഒഫ് കിങ്സ് ,സാംസൺ ആൻഡ് ദെലീലി,ദ് ഗ്രേറ്റെസ്റ്റ് ഷോ ഓൺ എർത്ത്  തുടങ്ങിയ അക്കാദമി അവാർഡ് നേടിയ ശബ്ദമുള്ളവയും നിശ്ശബ്ദവുമായ ചിത്രങ്ങൾ നിർമ്മിച്ച അമേരിക്കൻ ചലച്ചിത്ര നിർമാതാവായിരുന്ന സെസിൽ ബ്ലൗണ്ട് ഡി മില്ലെ യെയും (ഓഗസ്റ്റ് 12, 1881-ജനുവരി 21, 1959) ,

ഗവേഷകൻ,ചിന്തകൻ, പ്രഭാഷകൻ,കവി എന്നീ നിലകളിൽ പ്രശസ്തനും, ദ്രവ്യതരംഗത്തിന്റെ (Mechanical waves) ചലനത്തെ അവകലന സമവാക്യമായി (Differential equation) അവതരിപ്പിക്കുന്നതിൽ പ്രധാന പങ്കു വഹിക്കുകയും,ക്വാണ്ടം ഭൗതികത്തിന്റെ അടിസ്ഥാനശിലയായ ഷ്രോഡിങർ സമവാക്യത്തിന്റെ ശില്പിയും ആയിരുന്ന നോബൽ സമ്മാന ജേതാവു എർവിൻ റുഡോൾഫ് ജോസഫ് അലക്സാണ്ടർ ഷ്രോഡിങറെയും (1887 ഓഗസ്റ്റ് 12- 1967 ജനുവരി 12 ) സ്മരിക്കുന്നു.

 ' ടീം തത്ത്വമസി - ജ്യോതിർഗ്ഗമയ '